Култура
Kонцерт на проектот „Blind date“
Завршниот концерт на проектот „Blind date“ ќе се одржи на сцената на Долни Сарај вечерва во 20 часот.
Завршниот концерт на проектот „Blind date“ ќе се одржи на сцената на Долни Сарај вечерва во 20 часот.Проектот „Blind date“, што во Охрид се реализира од 29 јули до 12 август во организација на Фондацијата за уметност и култура ZOEY од Холандија, влегува во завршна фаза. Станува збор за серија музички работилници во кои учествуваат дваесетина музичари и композитори од Холандија и од Македонија. Со работилниците раководат четворица професори од Факултетот за музички технологии во Утрехт, Холандија.Катерина Пејоска предава композиција на Факултетот за музичка технологија во Утрехт од 2004 година. Таа е основач на Фондацијата ZOEY и организатор на проектот во Охрид. Знаењето што се добива на факултетот каде што работи се обидува да го пренесе и на други места низ светот. Бидејќи потекнува од Македонија сосема логично е што со тројца свои колеги го реализира проектот во Охрид.„Работилницата „Blind date“ е втор проект од овој вид. Во 2009 година го имавме проектот „Технологијата навлегува во традицијата“, во 2010 беше проектот „Урбани резонанции“, кој што беше составен од работилници кои се одржаа во музичките училишта во Тетово, Штип, Битола и Скопје со завршен концерт во Скопје“.Проектот „Blind date“ во суштина е средба на музичари и композитори од Холандија и од Македонија. Во проектот учествуваа по десет ученици од Холандија и од Македонија, Во текот на работилницата имаше и гости кои ги презентираа своите искуства. Тоа беа Дарија Андовска од Факултетот за музички уметности во Скопје, Влатко Георгиев од катедрата за сонологија и компјутерска технологија на ФМУ, и Дарко Мариновски од отсекот композиција за филм на универзитетот ЕСРА во Скопје. Од немузичките области гостуваше Карлин Аудес, сликарка која зборуваше за новите текови во современата ликовна уметност и примената на старите техники во новото време.Јорит Таминга е професор по саунд-дизајн на Факултетот за музички технологии во Утрехт. Држи предавања за звукот, природата на звукот и како со него може да се манипулира со цел да се создаде музичка уметност. Во „Blind date“ на учесниците им откри неколку компјутерски програми со кои можат да манипулираат со звукот и им презентираше неколку мултидисциплинарни композиции.„Конкретните резултати од проектот се видливи во повеќе насоки. Како прво, тоа е заедничкиот концерт на сите учесници во работилниците. Ќе бидат изведени четири композиции и една заедничка импровизација со која раководи Ариен де Фрејде. Исто така ќе остане соработката, размената на знаењето и разбирањето меѓу двете групи од Холандија и Македонија, пријателството, размената на искуствата и можните соработки во иднина“, нагласи Таминга.Ариен де Фрејде, професор на Факултетот за музички технологии во Утрехт во суштина е диџеј кој предава танц, но неговите главни предмети се композиција, продукција и саунд-дизајн. Многу работи на полето на импровизацијата и досега има направено повеќе концерти базирани на импровизација кои ги нарекол „Саботажа“.„Не само што раководам со групите кои ги создаваат импровизациите, туку мојата улога е да ги насочам музичарите како меѓусебно да се разбираат во текот на импровизациите, бидејќи тоа е процес кој бара музичарите да ги познаваат своите и можностите на другите музичари кои учествуваат во креирањето на импровизацијата“.Крајна цел на работилницата е да се поттикне соработката меѓу Холандија и Македонија на полето на музичката технологија и музиката и да се востанови подолготрајна соработка со цел студентите во Македонија да имаат пристап до истите алатки и знаења како и во Холандија./крај/макфакс/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Инвестиции за заштита на културното наследство и развој на културниот туризам, најавија надлежните
Министерот за култура и туризам Зоран Љутков, заедно со стручниот тим од Заводот и Музеј – Струмица, денеска реализира работна посета на општините Дојран и Гевгелија, со цел увид во тековните и во планираните проекти од областа на културата и културното наследство.
Во Стар Дојран беше извршен увид во црквата „Св. Илија“, значаен објект од 19 век, со висока историска, архитектонска и духовна вредност. Министерството најавува продолжување на активностите за конзервација и реставрација на овој објект, кој претставува симбол на духовното и на културното наследство на регионот.
Особено внимание оваа година е посветено на капиталниот проект за изградба на музеј на вода преку реконструкција на праисториска наколна населба на Дојранското Езеро. Во тек се заштитни археолошки истражувања на локалитетот Мрдаја, а основниот проект за изградба на музејот се очекува да почне во 2026 година. Идејниот проект е изработен од Заводот и Музеј – Струмица.
Музејот, кој ќе биде поставен директно на површината на езерото, ќе функционира како жив музеј на отворено, со висока едукативна и туристичка вредност. Со ваквиот пристап Дојран добива можност да се позиционира како водечка дестинација за културен и археолошки туризам во поширокиот регион, најавија од Министерството.
Во рамките на посетата на Гевгелија беше извршен увид во реализацијата на проектот за целосна реконструкција на Старата чаршија, заштитено културно наследство од XIX век. Вредноста на инвестицијата изнесува над 40 милиони денари, а проектот опфаќа: реставрација на фасадите на старите дуќани, поплочување со гранит, поставување нова урбана опрема и осветление, целосна реконструкција на подземната инфраструктура.
Со завршувањето на проектот Чаршијата ќе ја задржи својата автентичност, а истовремено ќе се трансформира во современо културно-туристичко јадро, привлечно и за жителите и за посетителите.
Вечерва, во рамките на посетата, министерот за култура и туризам Зоран Љутков ќе присуствува на фестивалот „Вкуси го југот“.
Како носител на титулата град на културата, Гевгелија се етаблира како центар на културни настани, фестивали и манифестации, кои значајно придонесуваат за развојот на локалната економија, туризмот и културниот живот во регионот.
Култура
Љутков: Нашата цел е јасна, да го заштитиме и обновиме „Македониумот“
Министерот за култура и туризам, Зоран Љутков, заедно со стручните екипи од НУ Завод и Музеј – Прилеп, денес оствари теренска посета на споменикот „Македониум“ во Крушево – еден од најзначајните културни симболи на македонската историја.
Реконструкцијата на споменикот започна уште во 2014 година, кога беа реализирани низа значајни активности – санација на потпорни ѕидови, обнова на фасади, антикорозивна заштита, реконзервација на архитектонски елементи, како и внатрешни конзерваторски зафати и истражувања. Но, во 2017 година, сите активности беа прекинати, скелето беше симнато, а објектот остана незаштитен, со што последиците од таа негрижа се очигледни и денес, истакнуваат од министерството.
Минатата година, како што информираат, Министерството, во координација со Заводот и Музеј – Прилеп, подготви проект за интервентна заштита на објектот во вредност од 2,5 милиони денари, чија реализација ќе започне во текот на оваа година. Паралелно се работи и на подготовка на сеопфатен проект за целосна реконструкција и конзервација на споменичниот комплекс, кој се очекува да биде финализиран до средината на 2026 година. По изработката на документацијата и обезбедувањето на сите потребни дозволи, ќе отпочне реализацијата на овој капитален зафат.
„Нашата цел е јасна – да го заштитиме и обновиме ‘Македониумот’. Тој не е само архитектонски објект, туку симбол на македонскиот идентитет, историја и борба. Како Влада и како Министерство за култура и туризам, остануваме цврсто посветени на заштитата и унапредувањето на културното наследство, кое е наш стратешки приоритет,“ изјави Љутков.
Култура
(Видео) Oмилените филмови на Стивен Кинг
Мајсторот на хоророт, Стивен Кинг, е познат по своите темни романи и адаптации што го обележаа светското кино, но и по фактот дека редовно ги споделува своите омилени серии и филмови со публиката.
Стивен Кинг, познатиот мајстор на трилери и хорор, сподели листа од своите 10 омилени филмови на платформата X. Оваа листа, која ги исклучува филмовите адаптирани од неговите дела, дава увид во кинематографскиот вкус на авторот кој го обликувал хорор жанрот.
Избраните филмови вклучуваат класици од различни жанрови, од трилери и драми до комедија и научна фантастика. Кинг истакна дека листата не е по одреден редослед, нагласувајќи го богатството на квалитетни филмови достапни за публиката.
“Sorcerer”
“Godfather 2”
“The Getaway”
“Groundhog Day”
“Casablanca”
“Treasure of the Sierra Madre”
“Jaws”
“Mean Streets”
“Close Encounters of the 3rd Kind”
“Double Indemnity”
Тошковски: Жителите во непосредна близина на пожарот да ги напуштат живеалиштата поради штетните сустанци, радијација нема
Локализиран е пожарот кој избувна во складиштето за електроника во Трубарево, пришто опожарена е и пластика. Министерот Панче Тошковски вечерва...
Електронскиот отпад што гори во Трубарево ќе се гасне со песок
Електронскиот отпад што гори во Трубарево ќе се гасне со песок, информира директорот на Дирекцијата за заштита и спасување, Стојанче...
ИЈЗ објави препораки: Ако сте во непосредна близина на пожар останете дома и затворете ги прозорците
Институтот за јавно здравје, во насока на заштита на здравјето и благосостојбата на сите граѓани, соопшти дека во случај да...
Опасен отпад гори во Трубарево, нема насоки од властите за заштита од чадот
Во Трубарево горат електронски отпад и пластика, во делови од главниот град се чувствува силна миризба, а засега нема предупредувања...
Во Трубарево гори и пластичен отпад, Ангелов рече дека пожарот е подметнат и нема повредени лица
Директорот на Дирекцијата за заштита и спасување, Стојанче Ангелов, изјави дека големиот пожар кој денеска избувна во фабриката „Ф –...
(Видео) Драматични снимки од пожарот во Трубарево кадешто горат објекти за складирање на електронски отпад
Сериозен е пожарот што избувна во Трубарево и ги зафати објектите на Ф – ГРУПАЦИЈАТА која се занимава со електронски отпад....
(Видео) Ангелов: Се затрупува изворот на чад во Дрисла, термални камери и патроли во Вардариште, нов пожар избувна во Трубарево
Директорот на Дирекцијата за заштита и спасување, Стојанче Ангелов, денеска информираше за повеќе паралелни интервенции поврзани со пожари на скопските...
(Видео) Гори фабрика во Трубарево, црн чад се издигна над Скопје
Голем црн чад се издигна над главниот град, алармираат граѓаните од повеќе скопски населби. Директорот на Дирекцијата за заштита и...
ВМРО-ДПМНЕ со готови листи за советници и кандидати за градоначалници
ВМРО-ДПМНЕ објави дека целосно ги комплетирала листите за советници и кандидати за градоначалници за претстојните локални избори. Генералниот секретар на...
Тајлер Робинсон – од стипендист со блескава иднина до осомничен за убиството на Чарли Кирк
Тајлер Робинсон (22) од Јута, кој некогаш важел за одличен ученик и добитник на претседателска стипендија на Универзитетот „Јута стејт“,...
Агелер по повод 30 години дипломатски односи: Македонија и САД покажаа што значи вистинско пријателство
Оваа година се одбележуваат 30 години од воспоставувањето на дипломатските односи (13 септември 1995) меѓу Република Северна Македонија и Соединетите...
ВМРО-ДПМНЕ го прозва Коцевски: Не молчете за незаконското следење на Мицкоски
ВМРО-ДПМНЕ побара Јавното обвинителство и обвинителот Љупчо Коцевски веднаш да реагираат и да спроведат темелна и транспарентна истрага за, како...
Шабан Салиу – кандидатот за градоначалник на Шуто Оризари официјално е во коалиција со ВМРО-ДПМНЕ
На свечена церемонија во Скопје, претседателот на Демократските сили на Ромите (ДСР), Шабан Салиу го стави својот потпис на документот „Декларација...
(Видео) Вдовицата на Чарли Кирк: Немате поим што ослободивте
Ерика Кирк, сопруга на убиениот десничарски активист Чарли Кирк, одржа емотивен говор во седиштето на „Трнинг поинт УСА“ во Аризона....
Бабата на убиецот на Кирк тврди дека нејзиниот внук е невин: Збунета сум, немаме демократи во семејството
Бабата на 22-годишниот Тајлер Робинсон, уапсен под сомнение дека е одговорен за убиството на десничарскиот активист Чарли Кирк, тврди дека...
Денес топло време, од утре нестабилно со локален пороен дожд и грмежи
Времето денес ќе биде сончево и топло со мала до умерена локална облачност. Ќе дува слаб до умерен ветер претежно...
(Видео) Трамп: Ја решив војната меѓу Албанија и Азербејџан
Американскиот претседател Доналд Трамп, во гостување на „Фокс њуз“, изјави дека успеал да реши војна меѓу Албанија и Азербејџан –...
Имало три нови обиди за палење на „Дрисла“, Ангелов најави засилено обезбедување, полицијата разговара со вработените
Криминалистичката полиција разговара со вработените за можни потпалувачи, чадењето сè уште активно. Криминалистичката полиција денеска разговара со вработени во ЈП...
Собранието ја усвои Декларацијата за фер, слободни и демократски избори
Собранието на денешната пленарна седница ја усвои Декларацијата за одржување фер, слободни и демократски избори за членови на советите на...
Трамп: Губам трпение со Путин
Американскиот претседател Доналд Трамп изјави дека му снемува трпение со рускиот лидер Владимир Путин поради неговиот неуспех да ја заврши...
