Американските власти во петокот заплениле повеќе од четири векови старо дело масло на платно на италијанскиот ренесансен сликар Џироламо де Романи, веќе неколку месеци изложена во музејот за уметност и наука „Мери Броган“ во Талахаси на Флорида.

Американските власти во петокот заплениле повеќе од четири векови старо дело масло на платно на италијанскиот ренесансен сликар Џироламо де Романи, веќе неколку месеци изложена во музејот за уметност и наука „Мери Броган“ во Талахаси на Флорида. Властите го објасниле овој потег дека сликата во текот на Втората светска војна од едно еврејско семејство во Париз ја украле нацистите и дека таа треба да биде вратена на наследниците. Американската државна обвинителка Памела Марш во петокот изјави дека сојузната влада ќе ја задржи сликата додека сојузниот судија не ја соопштои конечната одлука.Станува збор за масло на платно коешто потекнува од 1538 година од италијанскиот ренесансен сликар Џироламо ди Романи попозната како Романино коешто заедно со уште 50 уметнички дела пред неколку месеци се донесени на изложбата во музејот на Флорида, од миланската Пинакотека на палата Брера.На ова масло на платно „Christ Carrying the Cross“ е прикажен Исус Христос со круната од трње како го носи крстот преку десното рамо, додека со јажиња го влече војник. Сликата е осигурана на 2,5 милиони долари. Се претпоставува дека сликата во 1914 година ја купил италијанскиот Евреин кој тогаш живеел во Париз, Џентиле ди Џузепе на аукција во француската метропола. Тој починал во 1940 година, само еден месец пред нацистичката окупација на Франција. Се претпоставува, исто така, дека делото е едно од 155-те уметнички дела кои во 1941 година на аукција ги понудила тогашната нацистичка француска ткн Влада од Виши, за да ги отплати долговите. Меѓутоа, членовите на семејството на Џузепе кои успеале да побегнат пред нацистичката окупација, тврдат дека таа аукција не била законска. Внуците на Џентиле ди Џузепе пред судот изјавија дека сликата е едно од 70-те уемтнички дела коишто пред војната им ги конфискувала и продала Вишиевската влада. Во 1997 година семејството поднесе тужба настојувајќи да врати барем дел од уметничкитедела.Во септември канцеларијата на американската државна обвинителка одреди сликата да се задржи пред враќањето во Италија, а во петокот нејзината канцларија доби дозвола од судијата сликата да биде запленета. Сликата во петокот е тргната од изложбениот простор на музејот на Флорида и однесена во специјално депо, каде ќе биде чувана додека судот не донесе конечна одлука по барањето за враќање на наследниците на Џузепе./крај/ро/сн