Култура
Перформансот „Марионет“ на Ели Чочова во ЦК Креаактив
Во Центарот за култура „Креактив“ во Скопшје во 20.30 часот ќе биде изведен перформансот на Ели Чочова на насловен како „Марионет“, во кој покрај самата уметница учествуваат и Наташа Гелева, Марија Смилевска, Билјана Секуловска, Ана Пандевска, Марија Стојческа и Ели Василевска.
Во Центарот за култура „Креактив“ во Скопшје во 20.30 часот ќе биде изведен перформансот на Ели Чочова на насловен како „Марионет“, во кој покрај самата уметница учествуваат и Наташа Гелева, Марија Смилевска, Билјана Секуловска, Ана Пандевска, Марија Стојческа и Ели Василевска. Со перформансот „Марионети“ на македонската уметница Ели Чочова, публиката всушност се сретнува со една несекојдневна визуелна и аудитивна инсталација на „живи објекти“ во просторот: седум девојки – кукли, кои не само што се облечени во несекојдневни модели, туку и се однесуваат според принципите кои тие парчиња текстил им ги налагаат.Во рамките на овој перформанс, време-просторот е условен од замислени трендови, кои уметницата ги поставува во сооднос со својата проекција на реалноста во еден конечен тек на иднината. Ваквиот специфичен дискурс, кој реалноста ја заменува со иреалност, рационалноста со ирацоналност, а возможното и општествено подобното се заменети со невозможно, говори истовремено за две значења. Првото ја подражава неупотребливоста на уметничкото дело, наменето само за публиката и нејзиното надворешно-сетилно уживање во него, а втората ја конотира безидејноста на новите генерации, подложни да имитираат и прифаќаат секакви трендови (дури и баналните и неудобните!) само за да бидат дел истите.Овие шест модели на интересни и забавни, но истовремено и неудобни и нефункционални парчиња гардероба, составени од двобојни материјали со геометриски принтови, во замислата на авторката функционираат во некоја паралелна димензија на општо-прифатеното. Тие тежнеат да воспостават сопствени трендови и тоа не само трендови за носење, туку и онакви кои го условуваат движењето на личноста, а оттаму и движењето на мислата, креацијата и идејата на таа личност. Тие движења се лесни за имитација и погодни за интерпретација од страна на секој, што визуелно е прикажано преку видео-проекција на уметницата, која пред публиката ги прикажува таквите имитирања и занесеноста во нив. Со други зборови, трендовите и насоките за нивно употребување во овој перформанс доаѓаат со визуелно „упатство за употреба“, демонстрирано од самата нивна креаторка. На едно подлабоко ниво, сепак, таа замислена псевдо-реалност бескомпромисно претставена пред публиката, зборува за навидум „слободниот избор“ на личноста, а кој всушност е општествено наметнат, без разлика дали се работи за обична мода на облекување, или пак размислување, а секако и многу посериозните општествени видови на (тоа што современата култура сака да го нарекува) сопствен избор на личноста.Ели Чочова со прикажаните видеа (поточно, видео-туторијал, како најсовремена форма на само-обучување и стекнување на нови знаења, најчесто преку интернет), модели и нивната шминка, ја разоткрива структурата на својата идеја која влече длабок корен од сопствената футуристичка замисла за она што би било видено на улиците во еден сосема поинаков, а сепак толку сличен на сегашноста, универзум. Неподвижноста е „новата“ подвижност, кратките и отсечни движења сведочат како симбол воедно и предупредување, за она во кое што би можело да се престори општествената послушност и подобност на имитација. Со овој перформанс, авторката не само што ги демонстрира своите размислувања за сосем возможната иднина на следењето на ирационалните трендови (кои се присутни и во сегашноста, а биле овде и во минатото), туку ги илустрира и ограниченостите кои истите тие ирационални и слепи следења на трендовите во иднината би ги проектирале врз свеста на секој што ќе тргне по нив. Така, со едноставниот метод на „претерување“ во перформативната уметност, уметницата истовремено приложува и визуелно уживање за публиката, но и своевидно предупредување за тоа каде би можело да води едно „слепо“ и пасивно следење на секој општествено наложен тренд/крај/ев/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Љутков се сретна со министерката за култура на Црна Гора, Вујовиќ
На маргините на Вториот министерски состанок на управувачките платформи на Западен Балкан, министерот за култура и туризам, Зоран Љутков, оствари билатерална средба со својата колешка, министерката за култура и медиуми на Црна Гора, Тамара Вујовиќ.
На средбата, министрите се согласија дека соработката во областа на културата меѓу двете држави е на одлично ниво, со можности за нејзино унапредување. Во тој контекст беше истакнато и значењето на потпишаната Програма за соработка во областа на културата меѓу двете министерства за периодот 2023 – 2026 година, која ќе овозможи интензивна соработка, особено на полето на музичко-сценската дејност и во филмската дејност.
Министрите се согласија дека репродуктивни уметници и ансамбли редовно гостуваат на позначајните фестивали и манифестации во двете земји. Со оглед на тоа што во Црна Гора сè уште не се воспоставени одредени институции, министерот Љутков предложи гостувања на сродни институции од земјава, со што ќе се овозможи претставување на македонската култура и традиција во Црна Гора.
Љутков и Вујовиќ споделија и свои мислења околу начинот на функционирање на министерствата, при што министерот Љутков ја информираше министерката Вујовиќ за проширувањето на надлежностите на Министерството во областа на туризмот.
Црногорската министерка побара помош од македонска страна за соработка на полето на заштитата во смисла на размена на искуства, студентски престои од оваа област.
Министрите се осврнаа и на соработката на мултилатерален план, при што министерката Вујовиќ го покани министерот Љутков да присуствува на министерскиот состанок на иницијативата КОМОКОСЕЕ на крајот на ноември.
Култура
Две награди за „Молкот на сирените“ на интернационалниот филмски фестивал во Тетово
Играниот филм „Молкот на сирените“ во режија на Газменд Нела ја имаше Македонската фестивалска премиера на 23-ти септември во рамките на 13. Интернационален филмски фестивал во Тетово ОДА, каде жирито на натпреварувачката програма Cine Balkan Panorama му ги додели наградите: најдобар режисер и најдобар актер за остварувањето на Сунај Рача.
Месецов, „Молкот на сирените“ доби уште две награди: Најдобар балкански филм и Најдобар актер, исто така на Сунај Рача, на 16 издание на Интернационалниот филмски фестивал во Приштина – ПриФест.
„Молкот на сирените“ имаше Светска премиера на 20-ти октомври минатата година, во официјалната програма на реномираниот интернационален филмски фестивал во Сао Паоло.
Приказната го следи Авни, сообраќаен полицаец во мало гратче во Косово. Тој и неговиот колега Гезим примаат ситно мито од возачите кои ги сопираат поради пребрзо возење. Една вечер, мислејќи дека ја прават вистинската работа, спроведуваат во полициска станица меѓународен обвинител, кој претходно се обидува да им побегне, возејќи под дејство на алкохол и со торба полна со готовина во автомобилот. Авни и Гезим се вплеткуваат во случај на корупција од голем размер.
Нашата истакната актерка Амернис Нокшиќи толкува една од главните улоги, а во филмот играат и: Сунај Рача, Рина Красниќи, Алмир Суходоли, Кумрије Хоџа, Нана Лимани.
Режисерот, Газменд Нела се потпишува и како автор на сценариото, а свој авторски придонес во филмот дадоа: кинематограферот Стефан Кути (Швајцарија), монтажерот Феликс Сандри (Швајцарија), компзиторот Борис Гетаз (Швајцарија), Филип Сиомпи (Швајцарија) како дизајнер на звук, сценографијата е на Влатко Чачоровски во соработка со Арбен Шала (Косово), костимографијата е на Иса Бушарла (Швајцарија) и Мрика Келменди (Косово).
„Молкот на Сирените“ е копродукција помеѓу: Фрејм, Иконе Студио (Косово), Алва Филм (Швајцарија), Скопје Филм Студио и Албаскај (Албанија), со поддршка од: Косовскиот Кинематографски центар, Швајцарска федерална канцеларија за култура, Свис Филмс, Лотери Романд, Швајцарска Радиотелевизија, Агенцијата за филм на Северна Македонија. Продуценти на филмот се Валон Бајгора, Арбен Шала, Брита Ринделауб, Томас Рајхлин, Томи Салковски, Паскал Семини, Газменд Нела.
Култура
Промовирање на менталното и физичкото здравје преку краткиот филм „Шарац“ вечерва во „Кино Карпош“
Здружението за едукација, промоција и заштита на здравствените и човековите права „Биди човек“ и пензионерското движење (ИОПД) „Тука сме“ го одбележуваат Денот на возрасните лица – 1 Октомври, со панел-дискусии и проекции на краткиот филм „Шарац“.
„Шарац“ се осврнува на менталните и физичките здравствени предизвици со кои се соочува постарата генерација. Овој ден служи како витален потсетник за признавање на непроценливиот придонес на возрасните поединци за нашето општество и важноста да се обезбеди нивната благосостојба.
Воспоставен од Обединетите нации во 1990 година, Денот на возрасните лица ја нагласува потребата општествата да го вреднуваат и поддржуваат своето стареење на населението. Додека го славиме овој ден, мора да размислуваме за уникатните предизвици со кои се соочуваат возрасните возрасни лица, вклучувајќи изолација, проблеми со менталното здравје и ограничен пристап до здравствена заштита.
Активности на „Биди човек“ по 1 Октомври – Денот на возрасните лица, „Благосостојба низ целиот животен век“
30 октомври од 20 часот
Краткометражен филм „Шарац“ на филмскиот фестивал Култиватор, кафе бар Кино Карпош
„Шарац“ е повеќе од само филм; тоа е моќен наратив кој ја истражува реалноста на стареењето. Преку привлечно раскажување на приказната и автентични ликови, имаме за цел да поттикнеме емпатија и разбирање, охрабрувајќи ги гледачите да се вклучат во значајни разговори за менталното и физичкото здравје на возрасните лица. Нашата цел е да ги инспирираме и поединците и заедниците да преземат активни чекори кон подобрување на животот на нашите возрасни сограѓани.
Повеќе за филмот може да прочитате на следниот ЛИНК
1 октомври од 10 часот
Панел дискусија и проекција на „Шарац“ во Домот на хуманитарните организации „Даре Џамбаз“, ул. 11-ти октомври“ бр.42
Целите на панел дискусијата се да ја подигнеме свеста за уникатните предизвици со кои се соочуваат постарите поединци, да развиеме дискусијаза важноста на поддршката и ангажманот на заедницата за благосостојбата на постарите.
На панелот ќе идентификуваме акциони стратегии за подобрување на пристапот до здравствена заштита и ресурси за постарите возрасни лица. Ќе се обидеме да ги истакнеме придобивките од негувањето врски меѓу генерациите за борба против изолацијата и промовирање на кохезијата во заедницата и како поединците, заедниците и креаторите на политики можат да работат заедно за поддршка на постарата популација.
Покрај оваа активност ќе се одржи и предавање на д-р Лејла Манчев, специјалист по физикална медицина и рехабилитација врз квалитетот на животот кај пациентите со саркопенија на возраст на и над 65 години“.
Секој кој сака да придонесе во нашето општество со активно вклучување во заедницата може да се зачлени во Здружението Биди човек со регистрација на следниот ЛИНК