Култура
Есенски музички свечености – празник на класичната музика
Десетина концерти од областа на класичната музика се дел од програмата на 10. издание на манифестацијата „Есенски музички свечености“, кои во текот на месец ноември ќе можат да се посетата на различни локации низ Скопје.
Десетина концерти од областа на класичната музика се дел од програмата на 10. издание на манифестацијата „Есенски музички свечености“, кои во текот на месец ноември ќе можат да се посетата на различни локации низ СкопјеСвеченото отворање е во четврток, 5 ноември, во салонот на Македонската опера и балет, со концертот на Гордана Јосифова-Неделковска на обоа, заедно со нејзините гости, исклучителни музичари и состави – Един Карамазов – гитара (Хрватска), Суела Мулај – виолина (Италија), Влатко Стефановски – гитара (Македонија) и Теодосиј Спасов – кавал (Бугарија), заедно со Биг Бенд на Факултетот за музичка уметност, под диригенство на Кире Костов и камерниот оркестар, под диригенство на Саша Николовски-Ѓумар.Програмата поделена на 3 дела, опфаќа дела од Бах, Пиацола, Мориконе, Вила Лобос, Хајдн и Спасов. Средствата собрани од продажбата на билетите од овој концерт се наменети за обнова на манастирот „Свети Јован Бигорски“. До 30 ноември следуваат уште 9 концерти: настапот на женскиот младински хор „Менада“, под диригенство на Ивица Зориќ во Соборниот храм „Свети Климент Охридски“ (10 ноември), симфониски концерт на Македонската филхармонија, под диригенство на Борјан Цанев и Кристијан Фрон од Австрија како солист на виола во Домот на АРМ (12 ноември), Камерната вечер посветена на творештвото на композиторот Гоце Коларовски на Факултетот за музички уметности (16 ноември), концерт на Елена Костовска-пијано во Музејот на Град Скопје (19 ноември), операта „Турандот“ од Џакомо Пучини, под диригентство на Јануш Пшибилски од Полска во салонот на МОБ (20 ноември), концерт на Марјан Николовски – тенор и Марија Вршкова – пијано во Даут пашиниот амам (23 ноември), „Ѕaxorhapsody“ – концерт на Нинослав Димов – саксофон и рита Трпчева-Поповиќ на пијано во Музејот на Град Скопје (24 ноември), концерт на камерниот оркестар „Арко“ во Даут пашиниот амам (25 ноември), а свеченото затворање ќе биде со концертот на Аспарух Ќортошев – виолина и Маријана Николовска – пијано во даут пашин амам на 30 ноември./крај/форум
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Промоција на „70 години македонски филмски плакат 1952 – 2022“ во Кинотека на Македонија
Кинотеката на Македонија најавува промоција на публикацијата „70 години македонски филмски плакат 1952 – 2022“, која ќе се одржи на 27 февруари 2026 година, со почеток во 19:00 часот во просториите на Кинотеката.
Овој ексклузивен настан претставува значаен културен момент во одбележувањето на седум децении од развојот и историјата на филмскиот плакат во Македонија. Монографијата опфаќа богата збирка од највпечатливите и најистакнатите плакати креирани во периодот од 1952 до 2022 година, како визуелна хроника на македонската филмска уметност, дизајн и естетика.
Промотори на изданието: д-р Александар Прокопиев и Јане Алтипармаков, со присуство на авторите на изданието.
Настанот ќе биде збогатен со пригодна изложба на избор од македонските филмски плакати.
Култура
Крива Паланка ги отвора вратите за „Невестинско поклонение“: Празник на носиите, обичаите и заедништвото на 1 март во Конопница
Во дворот на Црквата „Св. Теодор Тирон“ во село Конопница, во недела на 1 март 2026 година со почеток во 13 часот, ќе се одржи 16-тото издание на културната манифестација „Невестинско поклонение на Свети Теодор Тирон“.
Настанот го организира Општина Крива Паланка во соработка со Здружението за рурален развој РЗР „Патник“. Манифестацијата е посветена на негување на македонските автентични носии, традиционалните обичаи и локалниот културен идентитет.
Програмата ќе биде збогатена со музички настап на Андријана Алачки и бендот на Гоце „Синтезис“.
Градоначалникот на Општина Крива Паланка, Сашко Митовски, по повод манифестацијата изјави:
„Со вистинска радост и како вистински домаќини, ги отвораме вратите за сите добронамерници кои сакаат да го доживеат овој празник. Ветуваме дека ќе го зачуваме духот на традицијата, убавината на обичаите и автентичните носии, и заедно ќе ги пренесеме овие вредности на идните генерации.“
Од Општината ги повикуваат граѓаните и љубителите на културата да присуствуваат и заедно да го одбележат овој културен настан.
Култура
Фотографска изложба на Александра Костадиновска во КИЦ Белград
На 24 Февруари 2026 год. во 19 часот во Македонскиот културно – информативен центар во Белград ќе биде претставена самостојната изложба на фотографката Александра Костадиновска насловена „Осончена тишина“.
Фотографската серија која Костадиновска ја изложува пред белградската публика е приказна за личното искуство со универзалноста на светлината како симбол на нови почетоци, на топлина и на живот, раскажана преку 24 одделни фотографски наративи. Изложбата е реализирана во соработка со Здружението за архитектура, дизајн и култура „Архифакт“ – Скопје, а во рамките на проектот за патувачки изложби „МузеумЛинк“ под кураторство на Јасминка Намичева-кустос советник. Претставувањето пред белградската публика е благодарение на подршката од МКИЦ Белград и Министерството за култура и туризам, а изложбата вечерва ќе ја отвори директорот на КИЦ Белград, Васко Шутаров.
Фотографиите на Костадиновска се креирани во корелација на тенката линија меѓу документарното и поетското. Во нејзините кадри се препознава смелоста да се напушти комфорната зона, но и тивката радост од прифаќањето на непознатото со осет за миговноста на моментот.
Архитектонските структури, крајбрежните перспективи, тишината на скаменетите дини или случајните сенки кои се проектраат на фасадите не се само регистрирани мотиви – тие се прераскажани во вид на лични записи, каде сонцето е водич, но и сведок. Тоа е визуелна приказна која го надминува поимот на класичен патепис. Тоа е серија фотографии што истовремено функционираат како интимен дневник, како документ на едно лично патување низ европските простори, и како универзална медитација за светлината – нејзината материјалност и нејзината нематеријална сила.
„Осончена тишина“ е и студија за времето: за утринската мекост на светлината, за попладневниот интензитет и за нежната златна нијанса на зајдисонцето кое отскокнува од мазната површина на водата. Секоја фотографија ја носи во себе идејата за минливоста но истовремено и постојаноста – моментот исчезнува, но светлината како чувство во нашата меморија останува.
Со својата суптилност и истовремено силна визуелна експресија, „ Осончена тишина“ претставува покана кон сите нас да ги забележуваме сопствените „сончево бакнати“ моменти – оние мали, минливи фрагменти што се претвораат во вечни спомени замрзнати во личната мемориска капсула.
Изложбата ќе биде поставена пред белградската публика до средината на месец март.
Во вториот дел од вечерашнава програма, предвиден е омаж за неодамна починатиот д-р Коста Балабанов (1929-2026), преку прикажување на неколку документарни филмови од некогаш исклучително популарниот телевизиски серијал „Закопана мистрија“
Д-р Коста Балабанов беше една од најистакнатите личности во македонската историја на уметност, конзерватор, научник, дипломат и културен деец, кој остави длабока трага во прочувањето, зачувувањето и меѓународната афирмација на македонската средновековна уметност.

