Култура
Aмериканската премиера на „Врба“ крунисана со наградата за најдобар филм
Aмериканската премиера на „Врба“ на Милчо Манчевски e крунисана со наградата за најдобар филм на фестивалот во Синеквест, Калифорнија. Ова е главната награда на Синеквест што ја доделува меѓународно жири, а „Врба“ е претставен како филм што нема да го заборавите.
Успехот на „Врба“ е многу значаен за претставувањето пред американската публика затоа што Синеквест е еден од најголемите и најреномирани независни фестивали на американскиот континент, а се одржува во Сан Хозе и Редвуд Сити во силиконската долина, седиште на најголемите технолошки гиганти како „Фејсбук“, „Епл“, „Твитер“, „Нетфликс“, „Зум“, „Линкедин“. Фестивалот е специфичен по програмата што поддржува иновативни и креативни уметнички дела. Годинешното јубилејно 30-то издание на фестивалот место во март, поради пандемијата, се одржа онлајн од 1 до 14 октомври, со програма од 154 филма од САД и светот, учествуваа вкупно 950 артисти, а се одржаа и 95 специјални настани поврзани со филмската работа. Фестивалската програма за кратки и анимирани филмови се квалфикува и за „Оскар“.
Неделава „Врба“ ќе ја има и шпанската премиера во конкуренцијата за награди на фестивалот во Валенсија. Изминатиов период „Врба“ доживеа големи интернационални успеси: во септември беше избран во селекцијата за престижната награда за најдобар филм на Европската филмска академија (ЕФА) позната и како европски „Оскар“, а доби и две номинации (за најдобар игран филм и за најдобар режисер) на еден од најголемите фестивали за независен филм Рејнденс во Лондон.
Измина точно една година од светската премиера на фестивалот во Рим, при што „Врба“ постигна рекорди во кино и ТВ-прикажувањето дома, ласкави критики во светските медиуми (длабок, суптилен), над 20 фестивали на четири континенти и 3 награди, а филмот го продолжува фестивалскиот поход со несмалено темпо, што привремено беше запрено поради пандемијата на Ковид-19. Исто така, се очекува следната недела „Врба“ да се врати и во македонските кина како дел од програмата на киното „Синеплекс“ во Скопје.
Во исто време со успехот на „Врба“ се подготвува и новиот филм на Манчевски „Кајмак“, поддржан од Агенцијата за филм на Северна Македонија, а сега доби поддршка и од данската држава – од Данскиот филмски институт.
„Данскиот филмски институт го поддржа ‘Кајмак’, а дански продуцент на филмот е славната Мета Луис Фолдагер Соренсен, продуцентката на филмовите ‘Меланхолија’ и ‘Антхрист’ на Ларс фон Трир, на данскиот кандидат за „Оскар“ – „Кралската афера’ и на ‘Сопругата’ за кој Глен Клоус доби номинација за „Оскар“, како и на хит-сериите ‘Премиерката’ и ‘Рагнарок’, меѓу другите. Многу сме задоволни што по соработката со британската легенда Ник Пауел за ‘Врба’, новиот филм на Манчевски ќе овозможи во македонска меѓународна копродукција да влезе уште една реномирана европска и светска продуцентка како Мета Фолдагер“, вели Јане Ќортошев, македонскиот продуцент на „Кајмак“.
Новиот филм на Манчевски, „Кајмак“, е поддржан во првиот рок на одлучување на конкурсот на Агенцијата за филм како проект со мнозински македонски удел, а во него се активни продуценти од дури осум држави: Данска, Велика Британија, Белгија, Луксембург, Полска, Унгарија, Албанија и Словенија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Две награди за „Молкот на сирените“ на интернационалниот филмски фестивал во Тетово
Играниот филм „Молкот на сирените“ во режија на Газменд Нела ја имаше Македонската фестивалска премиера на 23-ти септември во рамките на 13. Интернационален филмски фестивал во Тетово ОДА, каде жирито на натпреварувачката програма Cine Balkan Panorama му ги додели наградите: најдобар режисер и најдобар актер за остварувањето на Сунај Рача.
Месецов, „Молкот на сирените“ доби уште две награди: Најдобар балкански филм и Најдобар актер, исто така на Сунај Рача, на 16 издание на Интернационалниот филмски фестивал во Приштина – ПриФест.
„Молкот на сирените“ имаше Светска премиера на 20-ти октомври минатата година, во официјалната програма на реномираниот интернационален филмски фестивал во Сао Паоло.
Приказната го следи Авни, сообраќаен полицаец во мало гратче во Косово. Тој и неговиот колега Гезим примаат ситно мито од возачите кои ги сопираат поради пребрзо возење. Една вечер, мислејќи дека ја прават вистинската работа, спроведуваат во полициска станица меѓународен обвинител, кој претходно се обидува да им побегне, возејќи под дејство на алкохол и со торба полна со готовина во автомобилот. Авни и Гезим се вплеткуваат во случај на корупција од голем размер.
Нашата истакната актерка Амернис Нокшиќи толкува една од главните улоги, а во филмот играат и: Сунај Рача, Рина Красниќи, Алмир Суходоли, Кумрије Хоџа, Нана Лимани.
Режисерот, Газменд Нела се потпишува и како автор на сценариото, а свој авторски придонес во филмот дадоа: кинематограферот Стефан Кути (Швајцарија), монтажерот Феликс Сандри (Швајцарија), компзиторот Борис Гетаз (Швајцарија), Филип Сиомпи (Швајцарија) како дизајнер на звук, сценографијата е на Влатко Чачоровски во соработка со Арбен Шала (Косово), костимографијата е на Иса Бушарла (Швајцарија) и Мрика Келменди (Косово).
„Молкот на Сирените“ е копродукција помеѓу: Фрејм, Иконе Студио (Косово), Алва Филм (Швајцарија), Скопје Филм Студио и Албаскај (Албанија), со поддршка од: Косовскиот Кинематографски центар, Швајцарска федерална канцеларија за култура, Свис Филмс, Лотери Романд, Швајцарска Радиотелевизија, Агенцијата за филм на Северна Македонија. Продуценти на филмот се Валон Бајгора, Арбен Шала, Брита Ринделауб, Томас Рајхлин, Томи Салковски, Паскал Семини, Газменд Нела.
Култура
Промовирање на менталното и физичкото здравје преку краткиот филм „Шарац“ вечерва во „Кино Карпош“
Здружението за едукација, промоција и заштита на здравствените и човековите права „Биди човек“ и пензионерското движење (ИОПД) „Тука сме“ го одбележуваат Денот на возрасните лица – 1 Октомври, со панел-дискусии и проекции на краткиот филм „Шарац“.
„Шарац“ се осврнува на менталните и физичките здравствени предизвици со кои се соочува постарата генерација. Овој ден служи како витален потсетник за признавање на непроценливиот придонес на возрасните поединци за нашето општество и важноста да се обезбеди нивната благосостојба.
Воспоставен од Обединетите нации во 1990 година, Денот на возрасните лица ја нагласува потребата општествата да го вреднуваат и поддржуваат своето стареење на населението. Додека го славиме овој ден, мора да размислуваме за уникатните предизвици со кои се соочуваат возрасните возрасни лица, вклучувајќи изолација, проблеми со менталното здравје и ограничен пристап до здравствена заштита.
Активности на „Биди човек“ по 1 Октомври – Денот на возрасните лица, „Благосостојба низ целиот животен век“
30 октомври од 20 часот
Краткометражен филм „Шарац“ на филмскиот фестивал Култиватор, кафе бар Кино Карпош
„Шарац“ е повеќе од само филм; тоа е моќен наратив кој ја истражува реалноста на стареењето. Преку привлечно раскажување на приказната и автентични ликови, имаме за цел да поттикнеме емпатија и разбирање, охрабрувајќи ги гледачите да се вклучат во значајни разговори за менталното и физичкото здравје на возрасните лица. Нашата цел е да ги инспирираме и поединците и заедниците да преземат активни чекори кон подобрување на животот на нашите возрасни сограѓани.
Повеќе за филмот може да прочитате на следниот ЛИНК
1 октомври од 10 часот
Панел дискусија и проекција на „Шарац“ во Домот на хуманитарните организации „Даре Џамбаз“, ул. 11-ти октомври“ бр.42
Целите на панел дискусијата се да ја подигнеме свеста за уникатните предизвици со кои се соочуваат постарите поединци, да развиеме дискусијаза важноста на поддршката и ангажманот на заедницата за благосостојбата на постарите.
На панелот ќе идентификуваме акциони стратегии за подобрување на пристапот до здравствена заштита и ресурси за постарите возрасни лица. Ќе се обидеме да ги истакнеме придобивките од негувањето врски меѓу генерациите за борба против изолацијата и промовирање на кохезијата во заедницата и како поединците, заедниците и креаторите на политики можат да работат заедно за поддршка на постарата популација.
Покрај оваа активност ќе се одржи и предавање на д-р Лејла Манчев, специјалист по физикална медицина и рехабилитација врз квалитетот на животот кај пациентите со саркопенија на возраст на и над 65 години“.
Секој кој сака да придонесе во нашето општество со активно вклучување во заедницата може да се зачлени во Здружението Биди човек со регистрација на следниот ЛИНК
Култура
Објавени добитниците на државната награда „11 Октомври“
Одборот за доделување на државната награда „11 Октомври“ на седницата одржана на 11.9.2024 година донесе одлука за годинашни добитници на највисокото признание за животно дело во областа на науката, уметноста, стопанството и другите дејности од јавен интерес на Република Северна Македонија.
За животно дело во областа на културата и уметноста, наградата им се доделува на: Љупчо Каров, мултимедијален уметник; Владимир Темков, академски сликар; Јовица Михајловски, драмски актер и продуцент.
Наградата „11 Октомври“ за животно дело во областа на науката му се доделува на проф. д-р Марко Китевски, истражувач на македонскиот фолклор.
Претседателка на одборот за доделување на наградата „11 Октомври“ е проф. д-р Елена Јованова-Грујовска.
Државната награда се врачува во Собранието на РСМ на 11 Октомври – Денот на востанието на македонскиот народ.
Застарува затворската казна за Груевски за набавката за „мерцедесот“
Експремиерот Никола Груевски се спаси од затворската казна за случајот „Тенк“ бидејќи на 4 октомври поминуваат шест години од правосилната...
МВР жестоко ќе одговори на секој обид за дестабилизација, за Тошковски – подгревањето на меѓуетничките тензии е реалност на која работаат службите
Обидите за подгревање на меѓуетничките тензии се реалност за која надлежните служби проследуваат соодветни информации, рече денес министерот за внатрешни...
Се соочивме со деструктивна опозиција, имаа осум години за балансерот, Законот за јазиците, а сега ја злоупотребуваат судската власт : Меџити за првите сто дена Влада
Демократско правило е првите сто дена да ѝ се дадат на новата власт да ги постави луѓето и да почне...
Поднесено обвинение за дивоградба во Охрид
По спроведената истражна постапка, Основното јавно обвинителство Охрид поднесе обвинителен акт против две лица за кривично дело бесправно градење согласно...
Во јавните набавки има корупција, која е последица на политичките интереси, во цените има големи разлики, покажува извештајот на Центарот за граѓански комуникации
Центарот за граѓански комуникации денеска ги објави извештајот од редовниот мониторинг на јавните набавки, кој вклучува и анкети со фирмите...
Без знаци на живот утрово пронајдена планинарка, извести ЦУК
Регионалниот ЦУК Тетово, извести дека преку Единствениот повикувачки број за итни случаи 112 во 11.57 часот, вчера беше примен повик...
Путин: „Ќе ги постигнеме сите цели, вистината е на наша страна“
Рускиот претседател Владимир Путин им ја честиташе на Русите годишнината од обединувањето на ЛДПР, Керсон и Запорожје. „Диктатурата во Киев...
„Поминаа 24 часа, СДС уште не им се извини на граѓаните што ги нарече будали“, велат од ВМРО-ДПМНЕ
„Поминаа 24 часа, а СДС уште не им се извини на граѓаните што ги нарече „будали“. СДС упорно продолжува да...
Празни улици и страв кај граѓаните на Бејрут: по бомбардирањето, жителите на либанската престолнина ги напуштија своите домови во потрага по засолниште
По израелското бомбардирање минатиот викенд, жителите на либанската престолнина ги напуштија своите домови во потрага по засолниште. Многумина ја поминаа...
(Видео) Украина: Русите утрово го нападнаа Киев со дронови, сите ги соборивме
Русија рано утринава изврши неколку напади со беспилотни летала врз Киев, а единиците за противвоздушна одбрана успешно го бранат градот,...
Нови детали за смртта на Алексеј Навални: се појавија тајни документи
Рускиот портал „Инсајдер“, кој е на списокот на странски агенти, денеска објави стотина документи што содржат информации поврзани со смртта...
(Видео) Ураганот предизвика катастрофални поплави во Америка, најмалку 90 загинати
Ураганот Хелен, кој на крајот на минатата недела ги опустоши југоисточните сојузни држави на САД, предизвика катастрофални поплави од Флорида...
(Видео) Избори во Австрија: крајната десница на прагот на победа, но никој нема да се приклучи на владата со неа
Австриската крајнодесничарска Партија на слободата е на пат да победи на изборите. Според проекциите на резултатите, партијата предводена од Херберт...
Со скалпел го исекол на вратот и увото: обид за убиство на малолетник во тетовско
Основното јавно обвинителство Тетово донесе Наредба за спроведување истражна постапка против едно лице за кривично дело – Убиство од член...
АХВ: Водата во Струмица не е безбедна за употреба поради зголемено присуство на манган и колиформни бактерии
Инспектор за храна на Агенцијата за храна и ветеринарство (АХВ) донесе решение со кое ја забрани за употреба водата од...
Трипуновски од Кочани: Оваа година ќе имаме богата жетва и зголемен принос на ориз
Министерот за земјоделство, шумарство и водостопанство, Цветан Трипуновски денеска присуствуваше на манифестацијата „Денови на кочанскиот ориз“ во с. Оризари, општина...
Љутков: Изградбата на Универзална е стопирана оти не се знае во чие владение е салата
Министерството за култура во минатата влада незаконски ја презело Универзална сала од Град Скопје затоа што по закон тоа не...
(Видео) „Продолжуваме со засилено темпо на работа“ – Николоски објави снимка од реконструкцијата на автопатот Тетово-Скопје
Заменик претседателот на Владата и министер за транспорт Александар Николоски на својот фејсбук профил објави видео од реконструкција на автопатската...
(Фото) Страшни поплави во Непал: најмалку 100 загинати, десетици исчезнати
Најмалку 100 лица загинаа во поплавите во Непал, додека 67 лица се водат како исчезнати, јавија денеска локалните медиуми. Одрони...
Израелската армија изведува десетици напади врз Либан по атентатот на моќниот лидер на Хезболах
Израелската армија денеска соопшти дека извршува десетици напади врз Хезболах во Либан, два дена по убиството на моќниот лидер на...
