Бестселерот „Домина со боја на месо“ од Зигмундс Скујинш објавен на македонски

Бестселерот „Домина со боја на месо“, од летонскиот писател Зигмундс Скујинш, кој е продаден во седум милиони копии ширум Европа, деновиве излезе од печат во издание на издавачката куќа „Прозарт Медиа“.

Романот е објавен во 1999 година, а станува збор за прекрасно напишан надреалистички роман со политичка алегорија.

„Домина со боја на месо“ го транспортира читателот помеѓу благородништвото на осумнаесеттиот век и животот на нараторот во модерниот свет. Конекцијата помеѓу двете нарации станува јасна во хипнотичката фантазија на љубовта, страста и загубата, додека Скујинш создава дело со сублимирана уметност кое е забавно, возбудливо, поучно и филозофско, во иста мерка.

Зигмундс Скујинш е еден од најпознатите летонски писатели од крајот на дваесеттиот век. Роден е во Рига, Летонија, во 1926. Неговите дела се преведени во повеќето земји во Европа, а дел од нив се адаптирани во филмови. Тој е добитник на бројни летонски и меѓународни литературни награди, вклучувајќи животен грант од Летонската државна фондација за културен капитал. /крај/со/ст