Оваа сабота, 16 октомври, во 19 часот, ќе се одржи премиерата на новата претстава на театарот „Сенки и облаци“ со наслов „Заробениот ветер“.

Во нов театарски формат – кутија и интимна атмосфера од само четворица во публиката, ова седумминутно доживување ја разгледува темата на загадувањето на природата низ призмата на една птица.

Премиерата ќе се одвива во независниот уметнички простор на театарот „Сенки и облаци“ во Дебар Маало, каде што претставата ќе биде неколкукратно изведена, а во согласност со пропишаните протоколи за настани од јавен карактер.

„Заробениот ветер“ е наменета за сите мали и големи деца, кои се љубопитни да ѕирнат во кутијата со сенки, а влезот е бесплатен.

Актерот Марко Живиќ почина денеска на 49-годишна возраст во Белград по тешка борба со коронавирусот.

Марко Живиќ ги помина последните денови во болница, на респиратор, и тој вторпат беше хоспитализиран поради коронавирусот, објави „Блиц“.

Првиот пат кога бил примен неговата состојба се стабилизирала, па бил пуштен на домашно лекување, но симптомите одеднаш се влошиле.

„Блиц“ пишува дека на Живиќ му бил отстранет тумор во 2008 година.

Комисијата за избор на македонски кандидат за наградата “Оскар за најдобар долгометражен интернационален филм” го одбра филмот „Сестри“ во режија на Дина Дума, за оваа награда за 2022 година.

Одлуката ја донесе Друштвото на филмските работници на Македонија во состав: Дејан Димески – кинематографер и претседател на Комисијата, Роберт Јанкуловски – фотограф и кинематографер, Петар Богоевски – дизајнер на светло, Несрин Таир – актерка, Снежана Поњевиќ – Муча – сценографка, Александар Пејовски – композитор и Дритон Вејсели – актер.

Во конкуренција за кандидатурата беше и филмот: „Исчезнатиот“ во режија на Арбен Тачи.

Американската Академија за подвижни слики, уметност и наука објави дека 94-та церемонија за доделување на Оскарите ќе се одржи во недела, 27 март 2022 година, во Лос Анџелес.