Македонија
АВРСМ: Објавен јавен повик за учество во пилот-мерката за субвенционирање плати во текстилниот сектор
![](https://makfax.com.mk/wp-content/uploads/2021/12/hpjtgocedzlxplwhp89p.jpg)
Агенцијата за вработување на Република Северна Македонија ја информира јавноста дека е објавен јавниот повик за учество во пилот-мерката за субвенционирање плати во текстилниот сектор во Источниот, Вардарскиот, Полошкиот и во Југозападниот Плански Регион.
Оваа мерка е дел од оперативниот план за активни програми и мерки за вработување и услуги на пазарот на трудот за 2021 година, усвоен од Владата на Република Северна Македонија.
Мерката е наменета за невработени лица, кои ги изгубиле работните места во текстилниот сектор заради последица од пандемијата предизвикана од коронавирусот и невработени млади лица до 29 години евидентирани во АВРСМ.
Со оваа мерка се обезбедува финансиска поддршка за работодавецот со субвенција на плата во времетраење од 12 месеци. Висината на финансиската подршка е во зависност од бројот на лицата што ќе ги вработи, и тоа за вработување од 5 до 20 лица – 15.400 денари од лице месечно (за секое младо лице до 29 години – 18.500 денари месечно), за вработување над 20 лица по 21.600 денари месечно (за секое младо лице до 29 години – 24.600 денари месечно), за вработување над 50 лица по 24.700 денари месечно (за секое младо лице до 29 години – 27.700 денари месечно)
Заинтересираните невработени лица и работодавци, кои ги исполнуваат пропишаните критериуми за учество, може да аплицираат до 29.12.2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.