Кире Неделковски, поранешен функционер на СДСМ и близок човек на Зоран Заев и Оливер Спасовски проневерил скоро 300.000 евра, пари од Сојузот на тутунопроизводители, префрлајќи ги од сметката на здружението на своја лична сметка и на сметки на нему блиски лица, обвини Цветан Трипуновски, Член на ИК на ВМРО-ДПМНЕ.

„Ова се изводите од банкарската жиро сметка на Сојузот, од кој јасно се гледа патот на парите. Во период од 01.01.2018 година до 01.10.2018 година од сметката на Сојузот на сметка на пријателот на Зоран Заев и Спасовски, Кире Неделковски се префрлени 5.544.600 денари. Криминалот на Заев, Николовски и Спасовски, Кире Неделковски започнал во 2017 година, во период од 21.09.2017 година до 27.12.2017 година Неделковски си префрлил 1.099.500 денари.Тоа можете да го утврдиме од следниот извод на банкарската сметката на Сојузот.

Криминалот го потврдува и Надзорниот одбор на Сојузот, кој во овој Извештај од 18.10.2018 година, утврдил дека Неделковски во својство на претседател на Сојузот предизвикал финансиска штета во 2018 година, од околу 9.000.000 денари, по што Неделковски е разрешен. Неделковски шемата за испумпување на пари ја правел и преку свои блиски лица, па така од сметката на Сојузот ги полнел џебовите и делел позајмици на својот зет за ќерка, како и на неговите блиски пријатели.

Криминалот не завршува тука. Откако Надзорниот одбор го разрешува Неделковски, тој во два наврати се враќа на позицијата претседател на Сојузот, затоа што Централниот регистар на Република Македонија под притисок на власт не сака да го впише како официјален потписник новоизбраниот претседател. Со што му се овозможува на Неделковски да проневери дополнителни 9 .000.000 денари од здружението.

Овој огромен криминал тежок 300.000 евра две години чека на разрешница од Јавното Обвинителство и за органите на гонење на финансиски криминал. Сојузот на 18.10.2018 година поднел и кривична пријава против Кире Неделковски, но реакција во однос на истата нема.Наместо во притвор Неделковски е во слобода и поради нереагирањето на власта му било овозможено да го повтори делото.

Сојузот на 09.02.2019 година, пишал и Известување адресирано лично до премиерот Зоран Заев, тогашниот министер за земјоделство, Љупчо Николовски, Државниот инспекторат за земјоделие, Централниот регистар на Република Македонија и Сојузот на стопански комори. Реакција од ниту една институција нема.

Што прават Финансиската полиција, Управата за финансиско разузнавање и Јавното Обвинителство повеќе од две години? Дали за Неделковски не важат законите само затоа што е функционер на СДСМ, и близок до Заев, Николовски и Спасовски?Или можеби дел од парите завршиле на „Илинденска“ па затоа се молчи!?
Со парите на земјоделците не смее никој да си игра. Овие 300.000 евра се пари на сите тутунари, заработени со многу труд и пот. Јавното Обвинителство веднаш да поведе постапка, сите вмешани да бидат соодветно санкционирани, а парите да им бидат вратени на земјоделците во Сојузот на здружението“ нагласи Трипуновски.

“Овие родители зад мене доаѓаат секој ден, и очекуваат нешто сериозно, очекуваат правна држава”, ова по денешното рочиште го изјави адвокатката на оштетените во случајот „Монструм”, Дафинка Ивановска по преслушувањето на 25 прислушувани материјали од СЈО.

Таа рече дека е чудно што информации за ваков крупен случај имале луѓе како Оливера Трајковска и Орце Камчев, кои воопшто не се поврзани со случајот, а разговарале по телефон.

Според неа, тажно е што дел од тогашната власт договарала по телефон да се одлагаат рочишта за случајот за остварување на нивните политички цели, алудирајќи на разговорот меѓу тогашните министри Гордана Јанкулоска и Блерим Беџети, во кој Беџети бара одлагање на рочиштето за „Монструм” пред да да го испрати барањето за екстрадиција до Косово за обвинетите во случајот, Алил Демири и Африм Исмаиловиќ.

“Непримерно е власта да има влијание врз судтвото”, рече Ивановска.

Таа посочи дека во бомбите нема ништо конкретно и дека нема одговор досега зошто не беа никогаш есктрадирани обвинетите за случајот. Судењето продолжува на 4 октомври.

Ексминистерот за правда од ДУИ, Блерим Беџети, одбивал да ја потпише екстрадицијата за двајцата обвинети во „Монструм”, Африм Исмаиловиќ и Алил Демири. Ова се слушна во прислушуваниот телефонски разговор од 14 март 2013 година, кој беше пуштен во судницата.

Во едноиполминутниот разговор меѓу Љупчо Тодоровски-Радникот и Сашо Мијалков, Тодоровски вели: „Како да му напраиме притисок на овој?” Мијалков го прашува: “Јавно кажал ило не?”

Тодоровски вели дека Билјана Бришковска Бошкоски му ги дала документите за екстрадиција, но тој уште не потпишувал. Мијалков на тоа вели дека ако тоа е така, тогаш тоа е злоупотреба на функцијата.

Во друг телефонски разговор од 2013 година, Блерим Беџети на телефонаки повик ѝ одговара на Јанкулоска дека барањето за екстрадиција ќе го пушти следниот ден до властите во Приштина. Јанкулоака му вели дека притисокот на јавноста е огромен и дека новинарите секој ден се интересираат за случајот.

Јанкулоска дополнително на Беџети му вели: „Сеа најдругарски збориме, може вие калкулирате и за изборите”, а Беџети ѝ одговара дека е добро пред изборите да нема судско рочиште за предметот, а тој ќе го пушти барањето за екстрадиција.

“Пред да го пуштиме за Приштина, некако да се презакаже”, ѝ кажува Беџети на Јанкулоска.

Во останатите разговори Јанкулоска разговара со министерот за внатрешни работи на Косово, Бајрам Беџети да му заблагодари што ги пронашле лицата кои се обвинети за „Монструм”. Сашо Мијалков пак, разговара со Драган Павловиќ Латас за да го извести дека двајцата обвинети за „Монструм” се уапсени на Косово и дека има ексклузивна вест.

Во судот денеска беа пуштени 25 бомби. Следните рочишта за „Монструм” се закажни за 4 и 10 октомври. Треба да се изведат како докази над 130 илјади смс пораки, транскрипти за кои нема разговори, пи мерки и и сл. На судењето беа присутни и роднините на убиените момчиња кои очекуваат правдата да биде задоволена.

Петкратното убиство се случи на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски.

Во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ја укина пресудата и ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост.

По укинувањето на пресудите, случајот „Монструм“ го презеде СЈО и го застапува.