Контакт

Македонија

АЕК: Не трошиме буџетски пари за пенкалата со циркони

Објавено пред

Со извичници, болдирани и потцртани букви, Агенцијата за електронски комуникации денеска одговори на прашањата што вчера ѝ ги постави „Макфакс“ во врска со набавката на репрезентативни материјали во вредност од приближно 24 ијади евра, без вклучен ДДВ.

Од АЕК во пораката со наслов „Одговор и демант!“ пишува дека таа не се финансира со средства од буџетот, туку од сопствени приходи: „Агенцијата за електронски комуникации се финансира од сопствени приходи во согласност со Законот за електронските комуникации, а не од буџетот на државата и дека за секоја набавка што се планира да се спроведе согласност дава Комисијата – орган надлежен за Агенцијата за електронски комуникации!“

Агенцијата објаснува дека набавката на репрезентативен материјал е за 2019 и 2020 година и била спроведувана во изминатите години со мали измени во техничката спецификација.

„Оваа набавка на репрезентативен материјал се однесува за 2019 и 2020 година и е набавка што била планирана и спроведувана и во изминатите години, со мали измени во техничката спецификација. Одделението за јавни набавки во Агенцијата за електронски комуникации е задолжено за спроведување на набавката, како и за сите други планирани набавки, и на најпрофесионален можен начин ја реализира целата постапка до крај“, пишува во одговорот.

АЕК смета дека медиумите презентирале погрешна цена на пенкалата во јавноста. „Во врска со информацијата за набавка на пенкала за кои во медиумите е презентирана погрешна и несоодветна цена, сметаме дека е тенденциозно и несериозно од ваша страна земајќи го предвид фактот што во минатото цената на ваков тип пенкало изнесувала 165 денари со печат на метал, а очекуваме дека и во оваа набавка ќе добиеме понуда со приближно иста цена“.

Од АЕК ги оценуваат информациите за јавната набавка како лажни и невистинити кои го нарушувале угледот на Агенцијата за електронски комуникации, која важела за сериозна институција. Од таму ги замолија медиумите да ги проверат цените во промотивните каталози.

Како што вчера објави „Макфакс“, АЕК во тендер на Бирото за јавни набавки бара роковници со пресувано лого, тефтери со спирала во црвена боја, книжни (бели и црвени) кеси со логото на АЕК, поло-маички, чадори со логото на Агенцијата, елегантни папки со текстилна облога, помошни батерии за полнење, нотеси со елегантна корица со офсет-шамоа хартија со магнет и метална плочка за гравирање. Во огласот се бара и пенкала со светкав столб од циркони.

Агенцијата во тендерот бара и часовници за работна маса, керамички чаши за чај и кафе, слушалки, приврзоци, звучници блутут, држачи за телефони, копчиња за кошула со логото на АЕК, елегантни ролер-пенкала со циркони. Ранците треба да имаат антишок-прегради во внатрешноста за преносен компјутер и таблет, отпорност за сечење и рефлектирачки траки, со приклучоци за мемориски уреди и слушалки. Треба да биде изработен од водоотпорен синтетички материјал или микрофибер.

Македонија

Земјотрес почувствуван во Пехчево и Берово

Објавено пред

Земјотрес од 3,2 степени според Рихтеровата скала попладнево беше почувствуван од граѓаните на Берово, Пехчево и околината.

Земјотресот се случил во 16 часот и 44 минути, а е регистриран 105 километри југоисточно од Скопје и потекнува од пехчевското епицентрално подрачје.

 

Прикажи повеќе...

Македонија

ВМРО-ДПМНЕ: Пендаровски призна дека мандатот е доделен без докази и спротивно на Уставот

Објавено пред

Стево Пендаровски како Претседател на државата соопшти дека ќе доделува мандат за влада спротивно на Уставот по принципот „прв дојден, прв услужен“ , велат од ВМРО-ДПМНЕ, додавајќи дека Пендаровски треба да биде свесен за сериозноста на својата функција

„Наместо да се однесува како претседател на граѓаниите Стево Пендаровски призна дека мандатот е доделен без доказ за мнозинство и е узурпиран. Со што Пендаровски директно овозможи купување на време за непринципиелното купување на гласови на пратеници“, велат од ВМРО-ДПМНЕ.

По денешната средба на Пендаровски и Мицкоски која траеше околу час и половина, претседателот на ВМРО-ДПМНЕ изјави дека неговата партија ги замрзнува односите и комуникацијата со Пендаровски.

Прикажи повеќе...

Македонија

Пендаровски: Заев ќе го врати мандатот ако не обезбеди мнозинство

Објавено пред

Зоран Заев го добил мандатот поради тоа што истекуваат уставните рокови, сепак, ако не успее да формира Влада, мандатот ќе го добие Христијан Мицкоски. Вака претседателот Стево Пендаровски го образложи доделувањето на мандатот на Зоран Заев, по средбата со лидерот на опозицијата.

Пендаровски вели дека од Заев не барал гаранција за 61 пратеник, а нема да бара ни од Мицкоски доколку Заев не успее да ја формира владата.

Наспроти мислењето на опозицијата која тврди дека Собранието не е конституирано зашто не е избран претседател на Парламентот, Пендаровски вели дека со верификација на мандатите на пратениците Собранието е конституирано и тој во согласност со Уставот, мора да го довери мандатот за формирање влада.

Тој образложи дека врз основа на Уставните одредби, но и врз основа на консултациите со еминентни правници, рокот за доделување на мандат започна да тече од денот на верификација на мандатите на 120-те пратеници, потенцирајќи дека според Уставот во тој период е должен да го довери мандатот на кандидатот на партијата или партиите коишто имаат мнозинство во Собранието, или пак на оној којшто го уверил дека преговара со повеќе политички партии за обезбедување мнозинство.

Пендаровски потсети на ситуациите во 2006-та и во 2016-та година, кога со писмо од тогашните претседавачи на Собранието, Стојан Андов и Трајко Вељановски биле известени тогашните претседатели, Бранко Црвенковски и Ѓорге Иванов дека со верификација на мандатите на пратениците Собранието е конституирано.

Пендаровски рече и дека е прилично изненаден од начинот на кој бил закажан денешниот состанок, на прес-конференција, со точно утврдено време.

„Пешки да дојдеш од Центар до Вила Водно, ќе се согласите необично е да отидете така до било која институција, особено кај претседател на државата. Со Мицкоски изминативе година дена имавме одлична комуникација, се слушавме и после полноќ. Можевме и поинаку да се сретнеме, но овој кабинет е отворен за сите граѓани на земјата“, рече Пендаровски.

По средбата на Пендаровски и Мицкоски која траеше околу час и половина, претседателот на ВМРО-ДПМНЕ изјави дека неговата партија ги замрзнува односите и комуникацијата со Пендаровски. 

Прикажи повеќе...

Најново

Македонија9 часа

Пендаровски: Заев ќе го врати мандатот ако не обезбеди мнозинство

Зоран Заев го добил мандатот поради тоа што истекуваат уставните рокови, сепак, ако не успее да формира Влада, мандатот ќе...

Македонија10 часа

Заев и Ахмети по средбата: Постојат добри основи за напредок

Попладнево заврши работната средба меѓу СДСМ и коалицијата “Можеме” и ДУИ на која учествуваа претседателите Зоран Заев и Али Ахмети...

Македонија10 часа

ВМРО-ДПМНЕ ги замрзнува односите со Пендаровски

ВМРО-ДПМНЕ донесе заклучок дека од овој момент ги замрзнува односите и комуникацијата со претседателот Стево Пендаровски и ќе ги преиспита...

Топ11 час

Женско тело извадено од водите на Пчиња

Безживотно женско тело било забележано во водите на реката Пчиња. Како што информираат од полицијата, телото било пронајдено вчера под...

Македонија11 час

Американската амбасадорка му го честита мандатот на Заев

Американската амбасадорка, Кејт Мари Брнз, му го честита мандатот на лидерот на СДСМ, Зоран Заев за состав на нова влада....

Економија13 часа

Пропаѓањето на Еуростандард банка го блокира платниот промет во „Македонска пошта“

Поради пропаѓањето на Еуростандард банка, платниот промет во „Македонска пошта“ е блокиран, соопшти генералниот директор Ејуп Рустеми. Тоа значи дека...

Македонија14 часа

141 нов случај на Kовид-19 во земјата, починале 2 лица

Министерството за здравство информира дека во последните 24 часа се направени 1.848 тестирања, а регистрирани се 141 нов случај на...

Македонија14 часа

(Видео) Ахмети: Заев треба да понуди силни аргументи зошто Албанец не би бил премиер

Лидерот на ДУИ, Али Ахмети, на брифинг за новинарите денеска рече дека деновиве продолжуваат работните средби со лидерот на СДСМ,...

Македонија15 часа

Заев: Подготвен сум да бидам премиер во наредните четири години

Лидерот на СДСМ, Зоран Заев, е уверен дека ќе успее да состави влада во следните 20 дена, а веќе денеска...

Македонија15 часа

(Видео) Лидерите од албанскиот блок не дојдоа, Ахмети остана сам на средбата во хотелот „Парк”

На закажаната средба на партиите од албанскиот блок на иницијатива на ДУИ се појави само Али Ахмети. Како што рече...

Македонија16 часа

Браќа од Битола обвинети за ширење детска порнографија, собирале интимни снимки од малолетнички

Битолското Јавно обвинителство поднесе обвинение против двајца браќа од Битола на возраст од 51 и 52 години, од кои едниот...

Топ16 часа

Обвинение за скопјанец што организирал фудбалски турнир на кој имало 100 луѓе во публика

Основното јавно обвинителство Скопје до Основниот кривичен суд Скопје денеска поднесе предлози за издавање казнени налози против вкупно 17 лица...

Економија17 часа

Граѓаните ќе добијат обесштетување од Еуростандард банка по 20 дена во вредност до 30 илјади евра

Фондот за осигурување депозити, во согласност со решението на гувернерот на Народната банка за укинување на дозволата за основање и...

Свет18 часа

Лекот „РЛФ-100“ покажува позитивни резултати кај тешко заболените од коронавирус

Швајцарската компанија и нејзиниот американски партнер објавија дека нивниот лек „РЛФ-100“ („авиптадил“) покажува позитивни резултати кај пациенти со коронавирус, кои...

Македонија18 часа

Поради семејни причини, Џафери не закажа за денеска собраниска седница

Претседавачот со конститутивната седница, Талат Џафери, се премисли и не го закажа продолжението на седницата и покрај најавите во дел...

Европа18 часа

Грција и Франција со рекорден број новозаразени од коронавирус

Грчката влада соопшти дека во изминатите 24 часа се регистрирани 262 нови случаја на коронавирус, што е најголем дневен број...

Свет19 часа

Стотици луѓе починале од лажни информации за коронавирусот

Во првите три месеци од оваа година најмалку 800 луѓе во светот починале поради дезинформации за коронавирусот, објавија научниците. Според...

Македонија19 часа

Деветнаесет години од потпишувањето на Охридскиот рамковен договор

Денеска, се одбележуваат 19 години од потпишувањето на Рамковниот договор, со кој беше ставен крај на неколкумесечниот конфликт во земјата...

Свет1 ден

Најмалку 800 луѓе во светот умреле поради дезинформации во врска со ковид-19

Најмалку 800 луѓе во светот починале поради дезинформации врзани за коронавирусот во првите три месеци од оваа година, тврдат научниците....

Свет1 ден

(Видео) Најмалку тројца загинати и шестмина повредени во тешка железничка несреќа во Шкотска

Најмалку три лица, вклучително и возачот на возот, загинаа во железничка несреќа што се случи во Шкотска, откако патнички воз...

Досие