Контакт

Македонија

Алијансата за Албанците: Хроничните болни речиси еден месец се без редовна терапија

Објавено пред

„За жал, помина многу време откако состојбата во земјата, поради вирусот, премина во опасни насоки не успевајќи да се подобри состојбата и покрај сите мерки преземени од Владата токму поради нефункционалноста на државата и некомпетентноста на тие што ја водат. Алијансата за Албанците од почеток внимателно ја следи состојбата и постојано предлага мерки покрај оние што ги презема Владата, но овие препораки, поради политичката себичност на владејачките партии, за жал, наидоа на глуви уши. Но, ние не сме глуви и нема да молчиме затоа што грешките на Владата чинат животи“, соопшти партијата.

Според Алијансата за Албанците, факт е дека одлуките се носат на дневна основа, не постои стратегија за управување со вакви состојби и особено протокол за тоа, што резултира во земјата да има најголем број смртни случаи од вирусот во регионот (на 1 милион жители = 26 мртви).

„Не се работи за еден проблем затоа што здравствениот систем е оптоварен со многу долгогодишни проблеми за кои ние како партија постојано реагиравме и затоа денес долгогодишната небрежност на Владата ја отежнува ситуацијата со вирусот. Недостигот од инфектолози, епидемиолози, реаниматолози, елементарна заштитна опрема, преминот од дефанзивна на офанзивна заштита против вирусот во задоцнето време предизвика донесување екстремно ригорозни мерки, кои придонесоа повеќе контра ефекти отколку ефективни резултати, што кај пациентите предизвикуваа уште повеќе паника и чувство на несигурност.

Апсурдно е што хроничните болни пациенти не може да ги примаат своите терапии затоа што државата сè уште не обезбедила одредена клиника со деконтаминирани простории и како резултат на тоа речиси 1 месец овие лица не ги добиле своите терапии заборавајќи дека ги изложуваат во отворена опасност од постојните заболувања. Нетолерантно е што Универзитетскиот клинички центар „Мајка Тереза“ во овој момент е претворен во работилница, на која се градат патишта од главниот влез до клиниката за заразни болести предизвикувајќи хаос, прашина и опасност од заразување на физичките работници. Многу клиники во рамките на Универзитетскиот центар ја минимизираа работата што го загрозува здравјето на граѓаните од други болести.

Фокусирајќи се само на еден проблем, Владата заборави илјадници други проблеми, кои еднакво го загрозуваат јавното здравство. Клиничката болница во Тетово не ги исполнува ниту основните услови за справување со вирусот бидејќи одделението за инфективни болести датира од 70-тите години на минатиот век, без никакви реновирања и соодветен персонал.

Болницата во Струга речиси ја дели истата судбина како таа во Тетово, во која немаше инфраструктурна инвестиција од 60-тите -70-тите години, иако ветувањата на ДУИ во секој изборен циклус ја вклучуваа и изградбата на оваа болница. Исто така, и Дебар ги плаќа празните ветувања на ДУИ, без никакви инвестиции во здравството.

Скандалите не завршуваат ни во болницата во Куманово и покрај неодговорноста на директорката на болницата од првиот случај на заразената жена, која почина, не обезбедувајќи заштитна опрема за персоналот, па сè до издавања боледувања за своите блиски вработени во болницата, и за неа сè уште нема ниедна забелешка, иако бројот на над 20 заразени од одделението за заразни болести и други одделенија требаше да резултира со нејзина оставка“, се вели во соопштението.

Според партиата, оваа Влада ги остава граѓаните без здравствен систем затоа што секој ден сме сведоци како лекари не ги примаат пациентите на прегледи од страв од инфекција.

„Како можеме да очекуваме оваа Влада успешно да го заврши овој предизвик кога граѓаните немаат каде да одат на лекување. Сепак, неоспорна е и работата на сите лекари и медицински сестри, кои неуморно работат во овие тешки времиња. Од друга страна, луѓето што се повикани да управуваат со ситуацијата ја користат оваа состојба како можност да се промовираат заборавајќи дека нивната неспособност нема да ја амнестира ниту едно нивно јавно обраќање“, велат од Алијансата за Албанците.

Македонија

Тренчевска: Трговците кои ќе работат во недела ќе добијат двојна дневница и слободен ден

Објавено пред

Работниците за својата работа во недела ќе добиваат дневница повисока за најмалку 50 проценти од редовната дневница, а дополнително, ќе добијат и слободен ден што ќе го користат во наредните седум дена, истакна на прес-конференција, Јована Тренчевска од СДСМ.

Таа го образложи пред медиумите предлог-законот за работнитe односи со чии измени недела ќе биде ден за неделен одмор од први октомври оваа година.

Измените на Законот кои треба да се најдат пред пратениците, предвидуваат недела да биде ден на неделен одмор за сите работници, освен за оние во дејностите каде работниот процес не може да биде прекинат.

„Со измените на Законот за трговија за вработените во трговијата предвидена е двојна дневница и слободен ден, бидејќи се работи за дејност која не може да се прекине“, рече Тренчевска.

„Според направените анализи, со овие измени, недела ќе биде ден за одмор за над 92 отсто од работниците во државата.

Спроведувањето на Законот ќе биде под контрола на Државниот инспекторат за труд, а оние кои нема да го почитуваат ќе се соочат со забрана за работа од 15 дена и прекршочен платен налог.

Прикажи повеќе...

Македонија

Османи: Ќе вложам напори во среда да бидам во Скопје за да се обратам пред Комисијата

Објавено пред

Ќе ги вложам сите напори да ја прекинам тековната дипломатска офанзива за во среда на неколку часа да бидам во Скопје за да се обратам пред пратениците и членовите на Комисијата за надворешна политика во Собранието. Ова го истакна министерот за надворешни работи, Бујар Османи, откако претходно денеска претседателот на Комисијата за надворешна политика, Антонијо Милошоски, соопшти дека ќе закаже седница, со цел, Османи да ги претстави предлог Акцискиот план и предлог-патоказот кој Заев и Бучковски го преговараат со Софија.

Османи додаде и дека очекувам најмалку со иста ревносност, Милошоски да ја закаже и седницата на која ќе ги претстават тезите и избраните амбасадори, со што ќе се отвори патот за нивно упатување во земјите на покривање.

Прикажи повеќе...

Македонија

Втората парада на гордоста во Скопје ќе се одржи во сабота под слоганот „Вон ѕидовите!“

Објавено пред

Втората Парада на гордоста во Скопје ќе се одржи на 26 јуни 2021 (сабота), во организација на Националната мрежа против хомофобија и трансфобија (НМХТ). Рутата на Прајдот, како и други организациски детали, ќе бидат дополнително споделени со јавноста во текот на идната недела.

Оваа година Парадата на гордоста повторно се враќа на улиците, во физичкиот јавен простор. После првата парада во 2019 година, пандемијата, минатогодишните настани за одбележување на Месецот на гордостасе одржаа онлајн.

Слоганот на овогодишната скопска парада на гордоста е „Вон ѕидовите!“, поради тоа што, како што велат организаторите на парадата, ЛГБТИ+ заедницата, како ретко која друга група граѓани, добро ја познава изолацијата и често искусува живот скриен меѓу ѕидовите на нашите мали, приватни простори.

Имајќи предвид дека парадите на гордоста имаат за цел да ја зголемат видливоста на заедницата, слоганот „Вон ѕидовите!“ е посветен на сите ЛГБТИ+ луѓе кои гордо и достоинствено ќе се приклучат на поворката, но и на сите оние кои од различни причини не можат да бидат отворени и да бидат дел од парадата.

„Слоганот „Вон ѕидовите!“ го посветуваме и на сите луѓе во нашата земја, бидејќи изолацијата и затвореноста меѓу ѕидови е нешто што заедно го искусивме и чие надминување стана заедничка цел и желба“, додаваат организаторите на настанот.

Воедно, парадата испраќа порака дека место под сонцето има за секого; таа е и протест и прослава, и болка и радост, и врисок и мелодија. Да останеме свои и да ги поддржиме оние кои тоа засега не го можат.

 

Прикажи повеќе...

Најново

Европа6 минути

ЕМА: „Астразенека“ да не се дава на постари од 60 години

Европската агенција за лекови (ЕМА) објави дека треба да се избегнува вакцината „Астразенека“  за лица над 60 години, поради стравувања...

Македонија15 минути

Тренчевска: Трговците кои ќе работат во недела ќе добијат двојна дневница и слободен ден

Работниците за својата работа во недела ќе добиваат дневница повисока за најмалку 50 проценти од редовната дневница, а дополнително, ќе...

Топ33 минути

Полицаецот по кој се трагаше е пронајден починат во водите на Брегалница

Во возило во водите на Брегалница е пронајдено е телото на 51 годишниот полицаец Т.С. од Делчево, кој беше пријавен за...

Македонија39 минути

Османи: Ќе вложам напори во среда да бидам во Скопје за да се обратам пред Комисијата

Ќе ги вложам сите напори да ја прекинам тековната дипломатска офанзива за во среда на неколку часа да бидам во...

Спорт4 часа

Македонија дебитира на ЕП, прв противник е Австрија

Македонската фудбалска репрезентација, денеска, на Националната арена во Букурешт, Романија, ќе дебитира на големите натпреварувања. Прв противник, во Ц-групата, на...

Македонија4 часа

Општина Центар за протестот: Ќе се засадат нови дрвја на Орце Николов, отстранетите беа стари, болни и оштетени

По повод денешниот протест против сечата на дрвјата на улицата Орце Николов, општина Центар тврди дека останува посветена на остварување...

Македонија16 часа

Мицкоски: Ги почитуваме стратешките интереси на партнерите, но ги почитуваме и македонските национални интереси

ВМРО-ДПМНЕ ги почитува стратешките интереси на стратешките партнери, но тоа не значи дека немаме право да ги почитуваме и да се...

Македонија16 часа

Заев: Извозот на канабис за медицински цели oд Северна Македонија во ЕУ станува реалност

Извозот на сув цвет од канабис за медицински цели од Северна Македонија за пазарите во Европската Унија станува реалност, пишува...

Спорт18 часа

Ериксен во стабилна состојба префрлен во болница

Данскиот репрезентативец, Кристијан Ериксен, во стабилна состојба е префрлен во болницата во Копенхаген. Натпреварот, помеѓу Данска и Финска е прекинат...

Македонија22 часа

Османи: Зголемена е активноста на ЕУ за почеток на преговорите, но исходот е непредвидлив

Се забележува една невообичаена зголемена активност од сите земји членки за Македонија да ги почне преговорите со ЕУ, истакна министерот...

Македонија24 часа

Регистрирани 21 нов случај на коронавирус, почина едно лице

Денеска се регистрирани 21 нов случај на Ковид-19, оздравени се 7 пациенти, а пријавенo е едно починатo лицe. Во последните...

Македонија24 часа

Заев отвори канцеларија за директни средби со граѓаните во Струмица

Претседателот на Владата, Зоран Заев, денеска во Струмица ја отвори Канцеларијата за непосреден контакт со граѓаните. Од Владата велат дека...

Македонија1 ден

Средношколскиот сојуз: Училишта бараат пари од учениците за издавање на свидетелства

Сојузот на средношколците реагира дека некои училишта бараат од учениците пари за издавање на свидетелства. „Изминативе неколку денови Сојузот на...

Македонија1 ден

Македонија повеќе не е на германската листа на ризични земји

Според новите податоци, објавени од државниот германски институт „Роберт Кох“, Македонија повеќе не се смета за ризична држава од Ковид-19....

Спорт1 ден

Арнаутовиќ: Не го отпишувајте Пандев поради неговите години

Македонија и Австрија, утре ќе го одиграат првиот натпревар во Ц-групата на Европското првенство. Дуелот на двете селекции, во Букурешт,...

Спорт2 дена

Пандев со обраќање до нацијата: Генерацијата која ја обедини цела Македонија

Капитенот Горан Пандев преку Инстаграм прати порака до нацијата пред историскиот настап на Европското првенство во фудбал, во кое зборува...

Регион2 дена

Србија ја одобри вакцината на „Фајзер“ за деца од 12 до 15 години

Агенцијата за лекови и медицински помагала на Србија ја одобри вакцината на „Фајзер“ и „Бионтек“ за деца на возраст од...

Македонија2 дена

Заев – Брнз: Извршната наредба на Бајден ги штитат САД, Северна Македонија и сојузниците

Премиерот, Зоран Заев, денеска имаше средба со амбасадорката на Соединетите Американски Држави, Кејт Брнз, при што во фокусот на разговорите...

Македонија2 дена

Андоновска: Системот за вакцинирање со сериозен недостаток, ако се пријавите повеќе пати, се регистрира последното пријавување

Ако веќе еднаш сте пријавени на vakcinacija.mk не се пријавувајте повторно, затоа што се евидентира само датата на вашата последна...

Македонија2 дена

Регистрирани 20 нови случаи на Ковид-19, починале две лица

Во последните 24 часа се направени 2.885 тестирања, а регистрирани се 20 нови случаи на КОВИД-19 од: Куманово – 5,...

Досие