Македонија
Али Ахмети: Да се обединиме Албанци, Македонци и други за Европа

Претседателот на Демократската унија за интеграција, Али Ахмети, придружуван од претседателот на Собранието, Талат Џафери, првиот вицепремиер Артан Груби, министри, заменик-министри, директори, како и други соработници, вчера ги продолжи средбите со граѓани и партиски активисти во градот Тетово, поточно во Голема и Мала Речица 1 и 2, Теќе, Сончев Брег и Ван Вардарска.
„Внимателно ги следев соговорниците и забележав дека нема скептицизам во нивните зборови, а тука можам да кажам дека и јас немам скептицизам и не се чувствувам скептик ниту, пак, чувствувам страв бидејќи кој би поверувал пред дваесет години дека ќе имате министер за одбрана Албанец, претседател на парламент, албански министер за надворешни работи, кој претседава со ОБСЕ. Зошто да кажеме дека нема да бидеме успешни? Затоа што не треба да правиме дневни политики, туку долгорочни, добро осмислени и за доброто на граѓаните. Овие средби се во екот на постојаните традиционални средби што ДУИ ги водеше со граѓаните во текот на годините, сега кога ќе се вратам и ќе ги видам записниците на тогашниот генерален секретар, покојниот Абдилаќим Адеми, одржавме 130 средби во рамките на два месеца, така што ова се одрази на животниот век на ДУИ и како процес што недостига беше забележан во времето на короната. Ја пропуштивме оваа комуникација и сега се врати. Дали заедно за Европа ѝ служиме на иднината вака? Дали сме генерацијата што ќе направи чекори напред? Направивме чекор во 2002 година за сите Албанци, да го спроведеме нашиот договор. Сега сме во преговори за членство во Европската Унија, затоа треба да го повикаме народот и да седнеме да разговараме бидејќи многу политички партии, кои досега беа регистрирани и нерегистрирани, вкупно 14 на број, не успеаја да ја победат ДУИ. Затоа сега сакаме да отвориме нова сцена, проевропски фронт, што го забрзува нашето членство во Европската Унија. Овој фронт е помош што го забрзува нашиот пат кон ЕУ, кој мобилизира кон уставни измени. Овој фронт мора да работи и за нашите македонски сограѓани. Македонските публицисти и интелектуалци пишуваат дека сум ја предал македонската кауза. Тоа никогаш нема да се случи бидејќи јас сум бил, сум и секогаш ќе бидам ангажиран во одбрана на каузата на нашите сограѓани, нивниот идентитет, јазик и култура. Не треба да се плашиме кога Албанците се на наша страна, затоа треба заедно да одиме напред, бидејќи бугарското и црногорското малцинство не претставуваат никаква опасност ако се застапени во Уставот на Северна Македонија. Ништо лошо не се случи ниту со Охридскиот рамковен договор или со албанскиот јазик, напротив, Албанците ѝ станаа полојални на својата држава. Албанците денеска се чувствуваат како дома и во своја држава“, истакна претседателот Ахмети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
МВР: Лажни се дојавите за бомби во училиштата

Лажни се пријавите за наводно поставени експлозивни направи во училишта во Скопје, соопшти Министерството за внатрешни работи.
Направени се сите потребни проверки во врска со денешните пријави од 38 основни и 9 средни училишта во Скопје по добиените пораки на електронски адреси со закана за поставена експлозивна направа, и утврдено е дека станува збор за лажни пријави.
„ Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави“ велат од МВР.
Македонија
Автомобил удри во пешак кај Цементара, со Брза помош е пренесен во болница

Автомобил марка „мерцедес“ удри во пешак вечерва на булеварот „Борис Трајковски“.
Несреќата се случила во близина на Цементара. Сведоци на настанот посочуваат дека лицето кое било удрено е пренесено во болница со Брза помош. Засега неговата здравствена состојба не е позната, ниту видот на повредите.
Лентата на која се случила несреќата е затворена за сообраќај, а на терен е излезена и полиција. Се чека и увидна екипа која ќе треба да ги утврди причините за несреќата.
Од МВР, детали за случајот најавија по завршување на увдот.
Македонија
Гази Баба доделува 500.000 денари за помош на Турција и Сирија

Советот на општина Гази Баба донесе одлука за определување на финансиска помош за настраданото население во Турција и Сирија.
„ Попладнево се оддржа седница на Советот на општина Гази Баба на која на мој предлог, едногласно Советот донесе Одлука за определување на финансиска помош во висина од 500.000 денари за настраданото население во Турција и Сирија.
И благодарам на претседателката на Советот Дијана Илиевска за итното прифаќање на моето барање и свикување на седницата за краток рок.
На почетокот на седницата со едноминутно молчење оддадовме почит на загинатите во земјотресот.
Гази Баба ќе продолжи да помага! – напиша Стефковски.