Македонија
Анализа: Најголемо зголемување на вработените во полицијата, а најголемо намалување во одбраната

Центарот за граѓански комуникации (ЦГК) ги објави истражувањето и базата на податоци на вработувањата во министерствата и општините во последните три години по сите основи – редовен работен однос, привремени вработувања и ангажирање на договор на дело.
Истражувањето покажува дека од 2017 до 2020 година, вкупниот број на вработени во министерствата пораснал за 3 проценти (односно за 540 луѓе), а во општините за 2 проценти (односно за 154 луѓе).
Најголем скок на бројот на нововработени има во полицијата (за 570 луѓе), а најголем пад во одбраната (168 помалку). Кај општините, пак, најголемо зголемување на вработените има во Бутел (за 122 луѓе), а најголемо намалување во Карпош (за 124 луѓе).
Министерствата и Владата бележат зголемување на вработувањата по сите основи. Сепак, бројот на привремено вработени луѓе во министерствата и Владата скокнал дури за 337 проценти за последните три години, односно од 62 на 271.
Кај општините, пак, има зголемување на редовните и привремените вработувања, но намалување на бројот на ангажирани луѓе на договор на дело за 31 процент, односно од 620 на 428 луѓе.
Инаку, од министерствата, најмногу вработени и ангажирани, односно 12.263 луѓе има во МВР, а од општините најмногу луѓе – 747 работат во Град Скопје.
Ова истражување се реализира во рамките на активноста Јавно трошење за јавно добро, поддржана од Проектот на УСАИД за граѓанско учество. Целта на оваа активност е зголемување на ефективноста на јавното трошење преку намалување на корупцијата и зголемување на транспарентноста. За повеќе информации за работата на Центарот за граѓански комуникации, посетете ја нашата веб-страница: http://www.ccc.org.mk/ и http://www.opendata.mk/.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Скопје
Ѓорѓиевски: По 30 години, конечно започнува реконструкцијата на „Румена Хаџипанзова“

Градоначалникот на Општина Кисела Вода, Орце Ѓорѓиевски, денеска присуствуваше на почетокот на градежните активности за реконструкција на улицата “Румена Хаџипанзова’ и нејзините краци во населбата Драчево. Овој значаен инфраструктурен зафат опфаќа површина од 6500 квадратни метри, односно 1500 метри должина, каде што во еден дел се врши комплетна реконструкција, додека во друг дел се гради сосема нова улица.
По цели три децении, жителите на овој дел од Драчево конечно ќе добијат модерна и безбедна сообраќајница. Според динамиката на изведба, работите се очекува да завршат во наредните две седмици.
Реконструкцијата на улицата “Румена Хаџипанзова” е дел од пошироката стратегија на градоначалникот Ѓорѓиевски за асфалтирање на сите улици во oпштина Кисела Вода, со цел постигнување на рамномерен развој и подеднакви услови за живот во сите населени места. Овој пристап гарантира декa сите населби и населени места ќе добијат еднаков третман, што значи дека сите граѓани ќе добијат современа инфраструктура
– Денес започнуваме со реализација на уште едно важно ветување – комплетна реконструкција на улицата “Румена Хаџипанзова” во Драчево, која жителите ја чекаа повеќе од 30 години. Ова не е само реконструкција на улица, туку враќање на достоинството на граѓаните кои со децении се соочуваа со лоша инфраструктура. Ова е само уште еден доказ дека нашата стратегија за целосна инфраструктурна обнова на Кисела Вода не е само ветување, туку реалност што ја градиме чекор по чекор. Продолжуваме со силно темпо, затоа што секој дел од општината заслужува подеднакво внимание и развој- изјави градоначалникот Орце Ѓорѓиевски.
Македонија
Царинска управа: Соработката со деловната заедница подразбира континуитет и посветеност

Редовни консултации со бизнис заедницата се клучни за размена на меѓусебни мислења, а со цел успешност на активностите што ги спроведува Царинската управа, како и постигнување на подобри резултати, истакна директорот Николовски на денешниот состанок со членовите на Советодавното тело.
По реактивирање на Советодавното тело, во кое покрај Царинската управа членуваат Стопанските комори, асоцијациите и здруженијата денес се одржа вториот состанок на кој присутуните го усвоија новиот Деловник за работа, кој е во насока на унапредување на меѓусебната координација и системски пристап кон прашањата од заеднички интерес поврзани со царинските процедури.
На претставниците на деловната заедница им беа презентирани и клучните активности од донесената Стратегија за развој на Царинската управа и Акциониот план за 2025 – 2027 година преку бројните проекти во рамки на стратешките приоритети, со кои се поддржуваат реформските процеси во насока на олеснување на трговијата и управувањето со граничните премини.
За време на состанокот од членките на Советодавното тело беше поздравена успешната имплементација и ставање во функција на новиот транзитен систем НКТС фаза 5, кој е целосно усогласен со функционалностите според новите законски барања од Конвенцијата за заедничка транзитна постапка.
Директорот Николовски ја поздрави успешната и конструктивна дискусија, на која од сите членки на Советодавното тело беше заклучено дека продолжува соработката на оперативно ниво за сите отворени прашања од економските оператори поврзани со царинското работење.
Македонија
#BULLILOVEstories – Фасцинантната приказна за глобалниот феномен на Volkswagen Bulli пристигна во Македонија

Со проектот #BULLILOVEstories, Volkswagen Комерцијални возила уште од 2022 година го слави духот на Bulli низ целиот свет. Оваа серија не е само патување, туку и сведоштво за тоа како Bulli е многу повеќе од автомобил – тоа е икона, животен стил и член на семејството.
Во 2025 година, приказните #BULLILOVEstories пристигнаа и во Македонија.
Посетите на обожавателите на Bulli низ Европа се предводени од Кристијан Шлутер, портпарол на Volkswagen Комерцијални возила за камперски возила и олдтајмери и голем љубител на кампување. Тој патува со својот целосно електричен ID. Buzz, без никаква посебна подготовка, докажувајќи дека електричниот Bulli е подготвен за секојдневни авантури.
Во потрагата по најинтересните и најемоционалните приказни за Bulli, до својата посета во Македонија, Шлутер има поминато повеќе од 115.000 километри низ 38 земји, а нашата земја е неговата 39-та дестинација. На пат кон дома, ќе посети уште една, 40-та земја. За време на патувањето, има поминато повеќе од 175 ноќи во ID. Buzz, кој е опремен со фрижидер, кујна во задниот дел и конструкција за кревет.
Кристијан Шлутер споделува само позитивни искуства од неговото речиси 4-годишно патување со целосно електричниот ID. Buzz. Во ниту една земја немал проблем да најде локации за полнење благодарение на развиените апликации и никогаш не останал со празна батерија.
Во 2025 година, патувањето низ Европа и Балканот со електрично возило е значително поедноставено во споредба со 2022 година. Повеќе не треба да постои ограничувањето ниту дилемата “потребни ми се 3 дена за да поминам 2000 километри со електрично возило”, бидејќи инфраструктурата во сите земји постојано се развива. Брзите полначи овозможуваат пократко време на полнење, правејќи го електричното патување попрактично од кога било досега.
Приказните што ги споделува се премногу богати и возбудливи за да се сведат на неколку страници, но секоја од нив придонесува кон ширењето на проектот #BULLILOVEstories, откривајќи како изгледа да се поминат илјадници километри со електрично возило низ Европа. Кристијан Шлутер и Volkswagen Комерцијални возила размислуваат за проширување на проектот #BULLILOVEstories, со фокус на искуствата – како е да се поминат илјадници километри со електрично возило.
Со овој проект, Volkswagen Комерцијални возила поставува нови стандарди за мобилност, комбинирајќи ја електричната иднина со култното наследство на Bulli. Резултатот е вистинска инспирација за глобалната Bulli заедница.
ПР објава