Македонија
„Анима мунди“ повика на усвојување на програмата за работа на „Лајка“
Уутре, на седницата на град Скопје е закажана расправа за усвојување на Програмата за работа на ЈП Лајка.
Од „Анима мунди“ велат дека програмата која за 2024 година планира да ја спроведе ЈП Лајка е темелна и сеопфатна, насочена кон сериозни и амбициозни резултати, постои итност истата да биде усвоена за претпријатието да функционира и ги повикуваат сите советници на град Скопје да ја поддржат и да биде изгласана.
„Лајка работи во услови каде резултатите се мерливи, но ефектот зависи од сите нас, граѓаните, а првенствено од креаторите на политиките и законите. Надлежноста на Лајка е таква што само санира последици, без да има ингеренции да влијае на врз коренот на проблемот, законската регулатива која пропишува што да се прави и кој е се надлежен. Се работи чесно и посветено, со средства кои се сведени на третина од минатогодишниот буџет, каде човечкиот фактор, поддржан од граѓаните и активистите дава се од себе бездомни кучиња во Скопје повеќе да нема.
Но, кучињата не познаваат административни граници, така што во Скопје завршуваат и кучиња од други општини, но најголем прилив е секојдневното исфрлање нови легла, нечии довчерашни миленици, по улиците. По стоти пат укажуваме дека решение, одржливост не може да се има, без да се третира и затвори изворот 1) неодговорното сопствеништво, неконтролирано размножување и напуштање; 2) нерегулирана трговија и подарување животни, 3) институционално непостапување во случај на занемарување и насилството врз животни, 4) општини кои не превземаат ништо, го игнорираат проблемот или превземаат грешни чекори.
Советници на град Скопје, во Советот поддржете ја програмата на ЈП Лајка, зошто е сепфатна, ефикасна, хумана, неопходна за да се гарантира здравствената заштита и безбедноста на граѓаните и животните. Кренете рака утре, за да се изгласа. НО НЕ ЗАПИРАЈТЕ ТУКА. За доброто на градот, државата, граѓаните, животните, во Вашите партии промовирајте ги и поддржете нашите барања за итна промена на Законот за заштита и благосостојба на животните, строго уредување на обврските кои подразбираат одговорно сопствеништво, регулирање на продажната дејност со миленици, забрана за неконтролирано размножување на милениците, па дури и мандаторна стерилизација.
Ова се прашања кои не засегаат сите и ова не е невозможна туку возможна мисија, доколку секој ја спроведува совесно, свесно, ревносно, својата одговорност“, велат од „Анима мунди“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.