Контакт

Македонија

Апасиев го повика Џафери да ја води седницата

Објавено пред

Лидерот на Левицата, Димитар Апасиев, побара од претседателот на Собранието, Талат Џафери, да ја води седницата.

Тој се повикува на собранискиот Деловник, според кој претседателот ги свикува седниците и претседава со нив, а потпретседателите може да го заменат според однапред утврден редослед, односно доколку претседателот е спречен или отсутен.

Собранието повторно е на пауза од еден час. Паузата ја одобри потпретседателот на Собранието, Фадил Зендели, по барање на Апасиев.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Заев – Ламорџезе: Почетокот на преговорите е значаен и за Северна Македонија и за ЕУ

Објавено пред

Претседателот на Владата на Република Северна Македонија, Зоран Заев, се сретна со Лучана Ламорџезе, министерка за внатрешни работи на Италијанската Република.

На состанокот се потврдени добрите односи помеѓу двете земји во областа на образованието, економијата, културата, одбраната, науката и е констатирано нивно унапредување, со најавеното потпишување на Анти-дрога меморандумот за разбирање, што ќе придонесе во зајакнувањето на заедничката борба против криминалот и корупцијата.

Поздравени се направените реформи во оваа област во нашата држава, со коишто се смета дека се зголемени капацитетите на органите за справување со криминал и корупција.

Оценето е дека ги има предусловите да се продолжи на патот кон ЕУ, како и дека е ова стратешки значајно од безбедносен и економски аспект.

Во таа насока, пренесена е силна поддршка од Италија за почеток на преговорите на Република Северна Македонија со Европската Унија и уверување дека Италијанската Република ќе продолжи со заложбите за успех на овој процес, којшто се цени дека е важно да биде започнат, како за земјава, така и за државите членки на ЕУ.

Премиерот Заев се заблагодари за големото пријателство помеѓу двете држави.

„Италијанската Република е стратешки сојузник и партнер во евро-атлантските процеси на нашата земја, но и голем пријател, што се покажува преку споделената солидарност секогаш кога е тоа потребно, каков што е примерот со вакцините за време на пандемијата.

Преку потпишувањето на Анти-дрога меморандумот ќе ја унапредиме заедничката борба против криминалот и корупцијата кон што сме силно определени. А со унапредувањето на институционалната соработка меѓу државите, отвораме пат и за унапредување на добрата економска соработка, што е од значење за граѓаните и за бизнисите“, рече премиерот Заев.

На средбата беа споделени искуства околу подигнувањето на јавната свест за значењето на вакцинацијата, како и околу почитувањето на мерките за заштита во услови на пандемијата.

Прикажи повеќе...

Македонија

Средба на министерот Спасовски со италијанската министерка за внатрешни работи Ламорџезе

Објавено пред

Соработката меѓу Министерството за внатрешни работи на Република Северна Македонија и Министерството за внатрешни работи на Италијанската Република е на високо професионално ниво, со брза, калитетна и ефикасна размена на оперативни сознанија и оваа соработка постојано се подобрува и се одвива во духот на традиционалните пријателски односи меѓу двете земји, потенцираа на денешната средба во Скопје министрите Оливер Спасовски и Лучана Ламорџезе.

Министерот Спасовски и се заблагодари на министерката Ламорџезе и за нејзиното учество на Комитетот на министри на Конвенцијата за полициска соработка во Југоисточна Европа во рамки на претседавањето на Република Северна Македонија.

Досегашната соработка помеѓу двете полиции се одвива во повеќе области, како што се унапредувањето и поддршката преку разни видови на едукација, обуки, студиски посети и работилници, потоа координација на проекти финансирани од ЕУ за поддршка и развој на институционалните капацитети во борбата против организиран криминал и корупција, оперативната соработка во областите на недозволена трговија со дрога, тероризмот, радикалниот екстремизам, финансиски криминал и корупција, корупција во спортот, илегалната миграција, недозволената трговија со културни добра итн.

Министерот Спасовски потенцира дека една од клучните активности во борбата против актуелните безбедносни предизвици претставува напредокот во реализирање на меѓународната соработка и зголемената размена на информации, која покрај преку веќе воспоставените канали за размена на информации како што се Европол, Интерпол… е овозможена и преку членување во меѓународните организации, иницијативи, договори, конвенции… Поддршката од страна на италијанските институции, рече Спасовски, и понатаму ќе биде од големо значење особено во полето на борба против организираниот криминал и корупцијата, кои се врвен стратешки приоритет на владите од земјите на Западен Балкан.

Министерката Ламорџезе изрази подготвеност за дополнително продлабочување на соработката, а ја потенцира и поддршката што Италија ја дава на Република Северна Македонија за почеток на преговорите со ЕУ. Во склоп на поддршката за Република Северна Македонија е и донацијата од 250.380 вакцини „фајзер“ кои ќе бидат донирани од Италија. Министерката Ламорџезе го покани министерот Спасовски да го посети Рим и во таа прилика да биде потпишан Меморандумот за соработка во борбата против трговија со дрога.

Прикажи повеќе...

Македонија

Бугарската министерка Комитова: Патот „Струма“ има недостатоци, но тие не се причина за пожарот во автобусот

Објавено пред

Заштитната ограда во која удри автобусот е според стандардите што важеле во 2002 година кога се реконструирал патот, а денеска автомагистрала „Струма“.

Во 2021 година има нови норми за поставување на заштитната ограда, но тие важат за оние што ќе се градат од 2021 година и наредните години. Ова го образложи министерката за регионален развој на Бугарија, Виолета Комитова, која додаде дека единствената промена на патот е во знаците, меѓу кои е и оној за брзината, која била ограничена на 90 километри на час, а потоа зголемена на 120 километри на час.

Заштитната ограда, која патот го одделуваше од местото за одмор, ќе остане. Но, според бугарските власти, таа ќе биде подобро означена.

Министерката и нејзините колеги што правеа проверка на автомагистралата сметаат дека ова не е причина за несреќата иако веднаш предложиле намалување на брзината во тој дел на патот.

„Во 2002 година бил одобрен проектот. Реализираното е според проектот, разликата е минимална. Тој пат де јуре не е автомагистрала, туку пат. Патот не е проектиран за да биде автомагистрала. Не е нормално да се движиме со 140 на пат. Ќе ја намалиме до 90 километри на час. Мора да има ограничување“, вели архитектот Владо Калинов.

Министерката и архитектите, по анализата, веќе предложиле и поставување светлосна сигнализација на сите места на кои има места за одмор, заградени со заштитна ограда.

Министерката Комитова вели дека недостатоците во знаците и заштитната ограда не е причина за пожарот во автобусот, при што каде загинаа 45 лица.

„Патот има долга историја. За жал, жртвите не можеме да ги вратиме. Ова е невообичаена катастрофа. Автомагистралите не ги прави само ширината, има други параметри. Магистралите што дозволуваат поголема брзина, но има мали завои. Ова е помала категорија на пат. На магистралите сме виделе многу катастрофи, превртени камиони итн., но овде имаме пожар, кој, според мене, е првата причина за толку загинати, а кој не знаеме како настанал“, рече Комитова.

Таа посочи дека предложиле краткорочни и долгорочни мерки до тамошното Министерство за внатрешни работи.

„Имаме 11 институции за безбедност на патиштата. Не е ова оправдување. Ние се фокусиравме на делот што можеме да го направиме, тоа е да се заврши маркирањето, да се поправи заштитната ограда и да ја намалиме брзината на патот од 120 на 90 километри на час“, додаде Комитова.

Министерката вели дека автобуската трагедија со 45 загинати е вообичаена несреќа, исто како што неколку дена потоа се запалил и друг автобус.

„Ударот е слаб. Нема објаснување зошто автобусот изгорел во толку кратко време. Многу фактори влијаеле на тој случај. Но, заштитната ограда им помогнала и на многумина, ако ја гледаме вината во неа. Некој од вас може да каже дека заштитната ограда е виновна, но ние велиме дека нема едноставен одговор“, вели министерката Комитова.

Прикажи повеќе...

Најново

Македонија38 минути

Бугарската министерка Комитова: Патот „Струма“ има недостатоци, но тие не се причина за пожарот во автобусот

Заштитната ограда во која удри автобусот е според стандардите што важеле во 2002 година кога се реконструирал патот, а денеска...

Европа2 часа

ЕМА: Вакцини против омикрон може да се одобрат за три месеци

Европскиот медицински регулатор денеска објави дека може да одобри вакцини приспособени за заштита од омикрон-варијантата на коронавирусот за три до...

Европа3 часа

(Видео) Австрискиот државен врв затекнат на журка, без маски, најавени кривични пријави

Партијата на слободата на Австрија (ФПО) поднесе жалба против австрискиот канцелар, како и други политичари, за забава по учеството во...

Регион3 часа

Грција со казни за невакцинираните, 100 евра ќе платат повозрасните што не примиле ниту една доза

Грција денеска соопшти дека со 100 евра ќе ги казни лицата на возраст од 60 години, како и постарите што...

Европа4 часа

Блинкен: Потребно е поголемо присуство на ЕУ и САД на Балканот

Австрискиот министер за надворешни работи, Мајкл Линхарт, и министерот за надворешни работи на САД, Антони Блинкен, сметаат дека е потребно...

Македонија17 часа

Повреден возач кога македонски камион се превртел на автопат во Хрватска

Камион со платформа за превоз на други возила се превртел на 130-тиот километар од јужната страна на автопатот А3 Брегана...

Македонија19 часа

Сопственикот на „Беса транс“: Си велам зошто не бев и јас во автобусот

Сопственикот на туристичката агенција „Беса транс“, Беким Хаџиу, првпат по стравотната несреќа на автопатот „Струма“ во Бугарија, во интервју за...

Македонија20 часа

Заев – Гаши: Постигната начелна согласност за можна соработка, во тек се консултации за кадровски решенија

Претседателот на Владата на Република Северна Македонија, Зоран Заев, и претседателот на политичката партија Алтернатива, Африм Гаши, имаа работна средба...

Македонија23 часа

22 починати и 118 нови случаи на Ковид-19

Министерството за здравство информира, согласно податоците од Институтот за јавно здравје,дека во последните 24 часа: Направени се 1.245 тестирања, а...

Македонија1 ден

Филипче: Нема потреба од рестрикции поради новиот сој

Минитестерот за здравство, Венко Филипче, смета дека нема потреба од рестрикции поради појавата на новиот сој омикрон. Вели дека епидемиолошката...

Македонија1 ден

Гаши: Не е одговорно да бараме од СДСМ кој ќе биде мандатар

За нас е битно да се договориме кој е концептот, а не да ги принудуваме политичките партии на решенија, вели...

Европа1 ден

Владимир Гушчин: Постојните вакцини штитат и од сојот омикрон

Постоечките вакцини против коронавирус ќе обезбедат заштита од потешки форми на Ковид-19, како што е и новиот сој омикрон, изјави...

Македонија1 ден

Бурим Сејдини реизбран за претседател на Управен суд

На денешната седница Судскиот совет го избра судијата Бурим Сејдини за претседател на Управен суд. Во соопштението за седницата се...

Европа1 ден

Германски имунолог: Омикрон варијантата можеби потекнува од пациенти со ХИВ

Изненадувачки големиот број на мутации откриени на шилестиот протеин кај новата варијанта на коронавирусот, наречена омикрон, може да укажува дека...

Свет1 ден

СЗО со конкретно соопштение: Mожни се сериозни последици од новооткриената варијанта омикрон

Ризикот од новооткриената варијанта на коронавирусот т.н. омикрон е висок, објави Светската здравствена организација (СЗО). Во своето утринско соопштение, СЗО...

Македонија2 дена

Имаме мнозинство и очекуваме дополнително да се зголеми, рече Османи

Има мнозинство во парламентот кое очекуваме дополнително да се зголеми, изјави министерот за надворешни работи, Бујар Османи одговарајќи на новинарски...

Свет2 дена

Светската медицинска асоцијација: Можеби вакцината против Ковид ќе треба да се дава секоја година

Дополнителна доза од вакцината против коронавирусот веројатно ќе биде потребна секоја година, смета претседателот на Светската медицинска асоцијација, Франк Улрих...

Македонија2 дена

Кои се луѓето кои го следат секој мој потег, прашува Аријанит Хоџа по објавената фотографија од средбата со Муса Џафери

Министерот во оставка од Движењето Беса, Аријанит Хоџа ја искоментира фотографијата што се појави на социјалните мрежи, а на која...

Македонија2 дена

Сопственикот на „Беса Транс“: Овие тестови се од Алах

Сопственикот на автопревозникот „Беса Транс“, Беким Хаџиу, преку социјалната мрежа „Фејзбук“ се огласи во врска со автобуската несреќа во која...

Свет2 дена

ГАВИ: Омикрон видот се појави поради неправедната распределба на вакцините во светот

Меѓународната асоцијација за промоција на правична вакцинација во светот, ГАВИ, оцени дека појавата на новиот сој на коронавирусот-омикрон укажува на...

Досие