Македонија
Арсовска си најде сродни души во СДС, ДУИ и Левицата, како попчиња ѝ го гласаат буџетот, велат од ВМРО-ДПМНЕ
![](https://makfax.com.mk/wp-content/uploads/2023/10/danela-arsovska-ali-ahmeti.jpg)
Веќе не е ни новост тоа што СДС, ДУИ и Левицата се во коалиција во Советот на Град Скопје. Нивната соработка и нивната поддршка на Арсовска се потврди повторно со гласањето на буџетот на Градот на Скопје, буџет кој е неразвоен, со кој се укинуваат капиталните инвестиции и се намалуваат субвенциите, оценуваат од ВМРО-ДПМНЕ.
Според нив, овој буџет е најлошиот буџет што го имал Градот и освен пари за сомнителни тендери, не нуди ништо за граѓаните.
„СДС, ДУИ и Левицата со гласањето на буџетот на Арсовска Данела си овозможија тегла со мед, во која ќе си ги брцаат рацете. Единствено добро во целата ситуација е што сите граѓани може јасно да ја видат оваа коалиција, која, освен што се лепи со многу мед, меѓусебно се привлекува и со непринципиелноста и меракот за матни бизниси“, додаваат од опозициската партија.
За ВМРО-ДПМНЕ, Арсовска во СДС, ДУИ и Левицата си најде сродни души, кои како попчиња ѝ го гласат буџетот за новата изгубена година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.