Македонија
Арсовски: Се покажа дека Заев не ги предал сите бомби, Обвинителството да истражи
Портпаролот на ВМРО-ДПМНЕ, Димче Арсовски рече дека со вчерашното објавување на бомби на кои се слуша пратеникот Антонијо Милошоски, се покажало дека Зоран Заев не ги предал сите прислушувани разговори во Специјалното јавно обвинителство, како што тврдат во СДСМ.
„Се покажа уште еднаш дека Зоран Заев извршил по илјадити пат кривично дело, односно не ги предал сите оние бомби или прислушувани разговори во периодот од 2008 година до 2015 година, што значи дека станува збор за кривично дело. Најверојатно уште ги поседува тој или некој негов близок, внатре во редовите на СДСМ. Тие ги најавија како бомби, но се виде дека биле петарди. Имаше вчера и пратеникот Антонијо Милошоски барање до Зоран Заев за јавно соочување, да ги соочат двајцата сите оние материјали кои што ги поседуваат во однос на снимени разговори, па граѓаните самите да проценат што и како има во нив. За се останато подетални би ве упатил да се повикате на вчерашното излагање на пратеникот Антонијо Милoшоски“, рече Арсовски.
Тој ги повика обвинителите Љубомир Јовевски и Вилма Русковска уште веднаш да отпочнат случаи и да истражат дали сите бомби се предадени, колку не се предадени и каде и кој ги поседува во редовите на СДСМ или од околината на Зоран Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гаши со честитка за празникот Водици
Претседателот на Собранието, Африм Гаши, упати честитка по повод празникот Водици.
„Во име на Собранието на Република Северна Македонија и во мое лично име, Ви упатувам честитки по повод празникот Водици. Овој празник ја носи пораката на духовно прочистување и надеж, потсетувајќи нѐ на значењето на заедништвото и посветеноста во градењето на напредна и праведна држава. На православните верници им посакувам овој ден да донесе внатрешен мир, а во нивните домови да владеат здравјето, благосостојбата и спокојот“, пишува во честитката.
Македонија
Облачно и студено време, од утре внрежи од снег
Утрото ќе биде малку до умерено облачно и студено, а во текот на денот сончево со умерена облачност. Ќе дува слаб до умерен ветер од североисточен правец. Минималната температура ќе биде во интервал од -8 до 0, а максималната ќе достигне од 0 до 6 степени, информира УХМР.
Во Скопје, сончево со умерена облачност. Ќе дува слаб ветер од североисточен правец. Минималната температура ќе се спушти до -4, а максималната ќе достигне до 4 степени.
Утре преку денот времето ќе биде стабилно и суво со ниски утрински температури. Кон крајот на денот, во текот на ноќта и во среда се очекуваат повремени врнежи претежно од снег.
Од четврток ќе преовладува променливо облачно време со сончеви периоди. По котлините ќе има услови за појава на магла.
Македонија
Сообраќајот се одвива непречено, по наместа влажни коловози
Сообраќајот на државните патишта се одвива непречено, по наместа влажни коловози, информира АМСМ.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однес

