Претседателот на ДУИ, Али Ахмети, денеска имаше состанок со Генералниот совет на партијата во Гостивар.

На состанокот на Генералниот совет, по предлог на Ахмети, членовите едногласно ја избраа листата на кандидати за градоначалници на изборите на 17 октомври.

„Победата на Демократската унија за интеграција на локалните избори несомнено ќе ја следи уште поголема грижа за животната средина, редовно одржување на патната инфраструктура, регулирана водоводна и канализациона мрежа, модерна спортско-рекреативна инфраструктура, добро реновирани, одржувани и нови училишта“, нагласи Ахмети.

Во продолжение, ова е листата на кандидати со која партијата ќе настапи на локалните избори:

Ејуп Абази – Студеничане
Суат Шаќири – Чашка
Хекуран Дука – Дебар
Еркан Арифи – Липково
Неби Реџепи – Врапчиште
Рамиз Мерко – Струга
Фатмир Изаири – Желино
Бесник Емшиу – Боговиње
Нухи Незири – Теарце
Али Јаоски – Пласница
Аркин Јахии – Брвеница
Блерим Беџети – Сарај
Висар Ганиу – Чаир
Фатмир Дехари – Кичево
Невзат Бејта – Гостивар
Теута Арифи – Тетово
Ридван Ибрахими – Арачиново

Носител на листата на советници на град Скопје ќе биде Ардијан Муча.

Единствено, не е утврден кандидатот за Долнени, кој, како што информираат од ДУИ, ќе го избере Ахмети во следните денови.