Македонија
Ахмети: Поддршка за финализирање на дијалогот помеѓу Косово и Србија во согласност со волјата на граѓаните
![](https://makfax.com.mk/wp-content/uploads/2018/12/IMG_6681.jpeg)
Претседателот на Демократската Унија за Интеграција, Али Ахмети во Тетово се сретна со Амбасадорот на Република Косово во Македонија, Ѓерѓ Дедај.
Ахмети за време на средбата најпрвин му честиташе на Амбасадорот за именување, а потоа изрази и искрени желби за успех во работата и го увери Дедај за неговата лична и поддршката на Демократската Унија за Интеграција.
Ахмети и Дедај дискутираа за уставните измени, владеењето на правото, дијалогот Приштина- Белград и општо за политичката ситуација во земјата и регионот.
Претседателот Ахмети ја повтори потребата сите институции во земјата да дадат конструктивен придонес во насока на заокружување на процесот за имплементирање на Преспанскиот Договор и да не го попречуваат тоа.
Ахмети изрази поддршка и за финализирањето на дијалогот помеѓу Косово и Србија во согласност со волјата на граѓаните спроведено од страна на демократските и легитимните институции во Косово. Тој меѓудругото го поздрави и формирањето на војската на Косово како чекор кон постигнување на евроатлантските стандарди.
Соговорниците ги констатираа одличните односи помеѓу Македонија и Косово и се заложија за понатамошно продлабочување и унапредување на соработката, посочија од кабинетот на Ахмети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.