Претседателот на Собранието, Талат Џафери, денеска во неговиот кабинет ја прими Мајлинда Брегу, генерална секретарка на Советот за регионална соработка.

На средбата Џафери истакнал дека Северна Македонија посветува големо внимание на регионалната соработка, како клучна компонента за евроинтеграцијата на регионот и во континуитет активно учествува во работата на регионалните организации и иницијативи.

Генералната секретарка Брегу му го честитала реизборот на претседателот Џафери, го поздравила формирањето на Владата и функционалноста на Собранието.

Во однос на повеќегодишната рамка за регионална и економска соработка МАП-РЕА-2, Брегу истакнала рамката е произлезена од Берлинскиот процес со кој во моментов ко-претседаваат Северна Македонија и Бугарија, а истата предвидува унапредување на дигиталната инфраструктура и поврзување на земјите од регионот, слободен проток на трговија и капитал, поддржување на иновации и претприемништво, како и вложување во активности за привлекување таленти во земјите од регионот.

Таа посочила и дека ко-претседавањето а е одлична можност на дело да се консолидираат и промовираат добрососедските односи меѓу двете земји.

Министерот за здравство, Венко Филипче, соопшти дека од почетокот на кризата регистрирани биле вкупно 414 увезени случаи на коронавирус кај нас.

„По затворањето на границите спорадични случаи почнуваме да регистрираме на 29 мај, а по повторното отворање на границите речиси секој ден. Од почетокот, вкупен број импортирани случаи се 414, од нив најголем број се од Албанија – 79, Србија – 74, Германија 41, Косово 24, Бугарија 22, Турција 20, Грција 18 и Австрија 15 случаи“, рече министерот.

Поради ширењето на коронавирусот границите беа затворени три месеци, односно од март до 17 јуни.

Најголем број новодијагностицирани сме имале во 28. недела, односно втората недела од јули, со регистрирани 1.074 нозоаболени, по што следи период кога бројката опаѓа се до 38. недела, во септември, кога се регистрирани 908 нови случаи.

Од почетокот на кризата во земјава се регистрирани вкупно 16.867 заболени од Ковид – 19, од кои 88 случаи се од денес, регистрирани се 705 смртни случаи, а во моментов има 2.078 активни случаи. Институтот за јавно здравје од почетокот на кризата бележи 14.084 излекувани од Ковид – 19.

Министерството за здравство информира дека во последните 24 часа се направени 1.618 тестирања, а регистрирани се 88 нови случаи на Ковид-19. Во наведениот период починале пет лица, а оздравеле 135 пациенти.

Починале пациент од Тетово (53 г.), од Гостивар (60 г.), од Прилеп (57 г.), од Струга (60 г.) и еден пациент од Битола (60 г.).

Најголем број од новите случаи се од Скопје – 45. Потоа во Куманово – 4, Штип – 1, Прилеп – 7, Тетово – 6, Струга – 3, Битола – 2, Охрид – 3, Гостивар – 1, Струмица – 7, Крива Паланка – 2, Кочани – 3, Македонски Брод – 1, Виница – 1 и Кичево – 2.

Денеска Институтот за јавно здравје регистрира 135 оздравени пациенти од: Скопје – 42, Куманово – 17, Штип – 7, Прилеп – 16, Тетово – 10, Велес – 1, Битола – 2, Охрид – 4, Гостивар – 10, Гевгелија – 4, Крива Паланка – 5, Радовиш – 2, Кочани – 4, Пробиштип – 2, Пехчево – 2, Кратово – 1, Свети Николе – 2, Кичево – 3, Ресен – 1.

Вкупната бројка на заболени од почетокот на епидемијата изнесува 16.867, бројката на оздравени пациенти е 14.084, на починати е 705, а во моментов бројот на активни случаи во земјата изнесува 2.078.

На Инфективната клиника во изминативе 24 часа примени се седум пациенти. Вкупно се хоспитализирани 71 пациенти. На кислородна поддршка се 46 пациент, нема пациенти на механичка вентилација.

Во болницата во Козле хоспитализирани се четири деца и четири мајки позитивни на Ковид-19, едно дете и една мајка суспектни на вирусот.

Во ГОБ „8 Септември“ примени се тројца нови, а вкупно хоспитализирани се 33 пациенти. На респиратор се тројца пациенти.

Во болницата во Битола се хоспитализирани 22, а во болницата во Штип се 43 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 162, позитивни и сомнителни на Ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)
• Чаир – 64
• Гази Баба – 72
• Аеродром – 87
• Карпош – 68
• Центар – 80
• Кисела Вода – 53
• Ѓорче Петров – 36
• Бутел – 31
• Шуто Оризари – 17
• Студеничани – 10
• Сарај – 13
• Арачиново – 9
• Илинден – 16
• Сопиште – 4
• Чучер Сандево – 3
• Петровец – 7
• Зелениково – 2
• Странец – 8
• Нераспределен-6