Со години пред избори политичарите ветуваа ЕУ и НАТО, ама не се најде никој да ги донесе тие одлуки, да ја креира таа иднина. За само две и пол години, ние ги засукавме ракавите и рековме нема да се криеме и носевме храбри одлуки. Носевме одлуки без калкулација и ги решивме проблемите, го заштитивме идентитетот, македонскиот јазик го потврдивме. Тоа е патриотизам, да носиме храбри одлуки кои не носат напред“, рече Љупчо Николовски, генерален секретар на СДСМ и носител во ИЕ 3 на Коалицијата „Можеме“, на синоќешната трибина во Пробиштип.

Тој нагласи дека претставниците на бизнис секторот се радуваат на нашиот влез во НАТО, бидејќи на тој начин нивниот бизнис е побезбеден и има реални шанси за напредок. Тоа е резултат на храбрите одлуки кои биле без калкулации и со кои се потврди македонскиот јазик и идентитет.

„ Има една Македонија, нема друга, таа е Република Северна Македонија, со потврда на сите особености на нашиот јазик, нација и култура. Пред само две и пол години бевме раскарани со сите. Денеска сме светол пример, модел за решавање на проблеми и за силен напредок што го трасираме. Фирмите се радуваат на влезот во НАТО, тоа е за нив капитал, нивните фирми повеќе вредат и се посигурни. Влеговме во НАТО, ќе влеземе и во ЕУ“, рече Николовски.

Тој додаде дека се уште не е решено се, но се покажа дека за краток период, доколку се работи домаќински и одговорно може да се постигне напредок.

„ Влезени сме во политиката за да докажеме дека состојбите може да се променат, граѓаните да веруваат на политичарите во чесните и одговорните, оние кои работат единствено во интерес на граѓаните. Не за Субрата рој и за бегалецот во Будимпешта“, рече Николовски и додаде дека ова е нереформирано, корумпирано ВМРО-ДПМНЕ, со кандидати на Никола Груевски, со еден куп темни дамки и афери, кои удираат боксови на жени, кои трошат пари на панорамско тркало.

За разлика од нив Владата на СДСМ беше најтранспарентна влада која пред граѓаните отворено ги презентираше сите трошоци, а нејзините функционери не ги трошеа парите за сопствени потреби, како што тоа го правеше ВМРО-ДПМНЕ.

Во текот на изминатото деноноќие (04/05.07.2020 година) на територијата на Република Северна Македонија по однос на мерката за неносење лична заштита на лице регистрирани се 432 прекршоци.

Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид -19.

Носителот на кандидатската листа за пратеници во изборната единица 2, Оливер Спасовски имаше средби со млади во општината Бутел. На средбите се разговараше за проектите и мерките коишто се досега преземени и ќе се преземат во новиот четиригодишен мандат, за перспективна, сигурна иднина на младите, по европски стандарди, дома.

„ СДСМ со коалицијата Можеме креира нова развојна економија којашто ќе се базира на нови технологии, одржливост и човечкиот капитал. Тоа е модел што ќе ги штити работните места и ќе овозможува повисоки плати“, рече Спасовски.

Тоа најави некои од мерките во Програмата што се однесуваат за поддршка на младите.

„ Ќе има директна поддршка на младинското и женското претприемништво, преку грантови во висина од 5.000 до 15.000 евра.

Исто така, обезбедуваме поврат на персонален данок за сите нововработени млади до 29 години во првите две години од работењето. Парите одат директно на сметките на младите.

Продолжува и мерката за 3.000 денари месечен младински додаток во производството за вработени млади лица до 23 години со завршено најмалку средно образование“, посочи Спасовски на синокешните средби во општината Бутел.

Тој посочи дека целта е мотивација на младите да учат, работат и живеат во својата земја и затоа поддршката на коалицијата Можеме на 15.јули е глас за таа шанса. Тој направи разлика со времето на ВМРО-ДПМНЕ кога режимот ги крадеше парите на граѓаните и со бесперспективноста ги бркаа младите од државата. Денес, наведе Спасовски, нашата држава ги отвора преговорите со ЕУ, што значи реални можности за повисоки плати и нови работни места, како и за европски институции што работат по европски стандарди.