Македонија
Лажен профил на ФБ повикува на протести и немири попладнево, сакал да го ослободат Палчо
![](https://makfax.com.mk/wp-content/uploads/2023/12/vanja.jpg)
Лажен профил на ФБ во срамната група „Правда за Палчо, правда за Вања, правда за Панче, правда за Македонија“ каде се шират теории на заговор и се бара ослободување на Љупчо Палевски, првоосмничен дека ги убил Панче и Вања, повикува на протести и немири денеска. Во ФБ статусот тој ги повикува граѓаните да се соберат пред американската амбасада во 16 часот и најавува блокади на повеќе улици. Протестот не го пријавил во МВР, иако тоа е законска обврска.
Профилот потпишан како „Ѓоре Ајтов“ повикува на бесење на министерот за внатрешни, Оливер Спасовски, што исто така е казниво дело. Бара ослободување на сите осомничени кои се товарат дека го убиле Панче, му ја украле колата и со истата ја киднапирале и убиле Вања.
Лажниот профил е заклучен, па не се достапни никакви објави. Профилната фотографија е украдена од Велибор Џаровски – Џаро, човекот кој важи за најпознат естраден менаџер на сите времиња во екс-ЈУ историјата.
Означен е само дека живее во Белгија.
За утринава беше најавен протест „Правда за Вања“ во 10 часот спроти зградата каде што живеат мајката и сестрата на Вања. Таму се појавија само петмина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.