Македонија
(Видео) Арсовски: Измамник и пазарџија како Заев ниту имало, ниту ќе има
Крајно време е да си заминат Зоран Заев и СДСМ од политичката сцена во Република Македонија. Крајно време е, конечно барем еднаш во животот Зоран Заев да си го одржи ветувањето да се соочи со реалноста дека граѓаните повеќе не го сакаат и да си даде оставкаи да си замине од функциите, изјави портпаролот на ВМРО-ДПМНЕ, Димче Арсовски, на денешната прес-конференција.
„Ваков образ ѓон, вакво несериозно дилетантско однесување, ваква пазарџиско-мафијашка политика, ваква мизерна и ништожна појава како Зоран Заев одамна не е видена, ниту, пак, ќе биде видена во иднина. Ваков лажго, измамник и манипулатор на сопствениот народ и сопствената држава, верувајте граѓани еднаш се раѓа.
Тој вети дека ќе си оди од политиката ако ги изгуби изборите, а ги изгуби со 100.000 разлика и повторно не си даде оставка. Образ ѓон. Киднапираше пратеник за да не гласа против неговата Влада како во најмафијашките филмови и молчи 4 дена како да тоа е најнормално. Срам нула. Им изгореа нему и на Венко Филипче 14 граѓани на Република Македонија во тетовската модуларна болница, се ветија оставки, се вети истрага, ниту има истрага, ниту се поднесоа оставки, ниту, пак, некој сноси одговорност и одговараше. Одговорност нула како и сè останато“, истакна Арсовски.
Тој ја обвини власта за проневера на милијарди евра во тендери, поднесени стотина кривични пријави од најразлични граѓани, политички партии, невладини институции до нивните директори и функционери од СДСМ коишто ја водат Владата и сите, како што рече, стојат по фиоки во обвинителството заради спрегата меѓу Заев и правосудството.
„Одговорност нула и замислете сè уште истите тие не крадат нас граѓаните. Шверцуваат дрога кај стигнат луѓе од МВР блиски до Оливер Спасовски и до Зоран Заев, вмешани плус луѓе кои што се беа сомничени од семејството на Зоран Заев, и повторно одговорност нула.
Крадат преку МВР, крадат преку образование, крадат преку институциите, крадат преку министерство за здравство, крадат од кај стигнат. Единствено што страдаат се граѓаните, а СДСМ се богати на нивниот грб.
Затоа, измамникот, лажгото и премиерот во заминување Зоран Заев, треба што побрзо да си даде оставка и да ја ослободи државата, да ги спаси граѓаните и да ја спаси Република Македонија од пропаст“, порача Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Убиени оперативци на Хамас откако излегле од тунел во Газа
Израелските одбранбени сили (ИДФ) убија четворица оперативци на Хамас денес откако излегоа од тунел на југот од Појасот Газа, објави армијата.
Оперативците биле забележани како излегуваат од тунел во источниот дел на Рафа, област контролирана од ИДФ, каде што се верува дека десетици борци на Хамас се заробени под земја, објави „Тајмс оф Израел“.
Според армијата, четворицата оперативци биле убиени во напад на израелските војници и воздухопловните сили.
ИДФ работи на утврдување на нивниот идентитет, а претставници на одбраната се сомневаат дека меѓу убиените членови на ќелијата се командантот на батаљонот на Хамас за Источна Рафа и неговиот заменик, објави „Тајмс оф Израел“.
Македонија
Вечерва ќе се знае кој креативен средношколец ќе добие 1 милион денари за својата идеја
Големото финале на „Средношколец Милионер“, каде десет тима ќе ги претстават своите идеи за бизнис пред пет реални инвеститори се оржува денеска во просториите на Бреинстер НЕКСТ колеџот.
Како што се наведува во соопштението на организаторот станува збор за идеи што решаваат конкретни, современи проблеми од финансиска писменост и едукација, до AI алатки, локален развој, туризам, здравствени навики, фриленс можности за младите и др.
Финалистите денес ќе бидат оценувани според јасното дефинирање на проблемот, конкретното и применливо решение, изводливиот и исплатлив бизнис модел и целокупната подготвеност на тимот да ја спроведе идејата.
-Овој натпревар покажува дека новата генерација размислува практично, технички и пазарно. Тие не создаваат идеи „на хартија“, туку функционални концепти што може да се имплементираат веднаш. И горди сме на успехот кој го постигнаа сите учесници досега, велат организаторите на натпреварот.
Во финалето ќе се натпреваруваат четири тимови од средните училишта во Скопје, три од Битола, две од Велес и еден тим од Куманово.
Најдобриот тим ќе ја освои главната награда од 1.000.000 денари, со можност својата идеја да ја претвори во вистински бизнис.
Македонија
Скопје утрово се разбуди со температури под нулата
Најниска температура утрово е измерена со во Скопје – Петровец – 2 степени, во Штип, Струмица, Крушево, Маврови Анови – 1, додека во Скопје-Зајчев Рид, Крива Паланка, Велес, Демир Капија нула степени.
Во Виница, Берово се измерени еден степен, во Прилеп и Кавадарци два степени, во Тетово, Охрид, Претпор и Битола три степени и во Гевгелија пет степени.
Времето денеска ќе биде променливо облачно со сончеви периоди. Ќе дува слаб до умерен ветер од северозападен правец. Максималната температура ќе биде во интервал од 7 до 13 степени.
Во Скопје, времето ќе биде променливо облачно со сончеви периоди. Ќе дува слаб до умерен ветер од северен правец. Максималната температура ќе достигне до 9 степени.

