Времето вечерва е нестабилно на повеќе места во западна Македонија.

Како што информираат од УХМР, нестабилноста е поинтензивна во Кичевско.

Од југозапад кон Скопската Котлина навлегува нестабилна маса, која ќе предизвика пороен дожд и грмежи, поинтензивни во нејзиниот јужен и источен дел.

Нестабилното време во земјава ќе продолжи до околу полноќ, а потоа атмосферата постепено ќе се стабилизира и врнежите ќе престанат.

Скопје го зафати силно невреме со силен дожд и зголемени електрични празнења.

УХМР претходно вечерва најави дека нестабилна облачна маса од запад се приближува кон Скопската Котлина и градското подрачје.

Утре во утринските часови времето ќе биде променливо облачно со слаб локален дожд.

Преку денот сончево со мала до умерена облачност. Ќе дува умерен, а во источните делови и вдолж Повардарието засилен северен ветер. Минималната температура ќе биде во интервал од 10 до 17, а максималната од 19 до 26 степени.

Во Скопје, сончево со мала до умерена облачност и со умерен до засилен северен ветер. Минималната температура ќе биде околу 15, а максималната ќе достигне до 24 степени.

Во понеделник ќе има локални врнежи од дожд, а потоа следува период на стабилно време со умерен, повремено засилен ветер од северен и северозападен правец, информираа од Управата за хидрометеоролошки работи.

Денес во периодот од 10 до 16 часот беше спроведена засилена акциска контрола во делот на сообраќајот на територија на населба Ченто во Скопје.

При контролата санкционирани се 70 возачи од кои: 29 за вградени фолии без А -тест, 10 без возачка дозвола, 3 за технички неисправни возила, 2 нерегистрирани и 26 по останати прекршоци, соопшти МВР.

Засилените сообраќајни контроли продолжуваат и во наредните денови.

МВР апелира до граѓаните да ги почитуваат сообраќајнитиције правила и прописи за да ја зголемиме безбедноста во сообраќајот.