Бригадата за противпожарна заштита на Град Скопје во периодот од 01.01-23.01.2020 година на телефонскиот број 193, кој е дел од кампањата „Пријави оган на отворено“, регистрирала 41 пријава од граѓаните. Од вкупниот број јавувања, во 28 случаи пожарникарите излегле на терен со противпожарни возила и го изгаснале огнот што горел на отворено. Преостанатите 13 пријави од граѓаните се проследени кај инспекторите на Град Скопје за да покренат постапка против сторителите.

Во сезоната со зголемено загадување на воздухот, Градот Скопје ја продолжи кампањата за пријавување огнови на отворено на бесплатната телефонска линија 193. Градот Скопје преку својот инспекторат и Територијалната единица за противпожарна заштита, а во соработка со Министерството за труд и социјална политика, Министерството за внатрешни работи и Црвениот крст организира мешани тимови кои работат секој ден, 24 часа, и се справуваат со огновите на отворено.

Оваа кампања се спроведува трета година по ред. Градот Скопје и Бригадата за противпожарна заштита апелираат граѓаните да ги пријавуваат сите случаи на палење оган на отворено, за да може огнот што побрзо да се изгаси, а сторителите да се санкционираат.

Дополнителната заменик- министерка за труд и соијална политика, Санела Шкријељ, ги посети новоотворените канцеларии за социјални работи во општините Брвеница и Желино. Овие две канцеларии се дел од мрежата на канцеларии што МТСП ги отвори во соработка со општините за да го олесни пристапот до социјалните права на сите граѓани.

„Изминатите две и пол години работевме на прилагодување на системот на социјална заштита на потребите на граѓаните. Овие канцеларии се резултат на грижата за секој граѓанин на едноставен и достапен начин да побара социјална помош или  кое било друго право од системот на социјална заштита. Жителите на Брвеница и Желино веќе не мора да одат до Тетово, туку можат да се информираат и да аплицираат во општинската канцеларија. Социјалната реформа значи промена на пристапот до граѓаните, грижа за секој граѓанин подеднакво”, рече заменик-министерката Шкриjељ.

За градоначалникот Блерим Сејдиу,  локалната канцеларија за социјална работа во Желиное убава вест за жителите.

„Ова е голема рурална општина со 30.000 граѓани. Ваква канцеларија ни беше навистина потребна”, посочи Сејдиу.

„Општина Брвеница ги поддржува сите проекти за олеснување на животот на граѓаните”, рече градоначалникот Енвер Пајазити, нагласувајќи дека соработката со централната власт ќе продолжи.

„Дополнителната заменик-министерка ја информиравме и за изградбата на градинката во Брвеница. Работите се интензивирани. Ова е општина со многу млади, за нив згрижувањето на децата од предучилишна возраст во местото каде живеат, ќе биде големо олеснување”, рече градоначалникот Пајазити.

Со отворањето на 50 регионални канцеларии на меѓуопштинските центри за социјална работа, со посебен акцент во руралните општини, се овозможува подобра координација на активностите, растоварување на меѓуопштинските центри и поквалитетни услуги на центрите за социјална заштита.

Орце Камчев понудил хипотека на недвижен имот од над 3 милиони евра, за да му се вратат македонскиот и бугарскиот пасош кој судот му ги одзеде како мерка на претпазливост.

Адвокатот Антонио Апостолски, кој е бранител на Орце Камчев, вели дека со овие пари може да се гарантира дека неговиот клиент ќе се јавува во судот и на евентуално судење.

„Мерката за претпазливост која е изречена е неспорна, но за опстојување не мерката, судот му одобри времена патна исправа и тука не стојат наводите дека тој ќе избега ако му се врати пасошот. Ограничувањето на правото на движење е образложено, водејќи се според пресудите од судот во Стразбур. Станува збор за гаранција од три милиони и двеста илјади евра изразени во имот, кој, пак, ако се продаде, ќе може да се наплати шетата. Не се знае ни износот на штетата бидејќи нема вештачење, има само тврдење на Обвинителството”, посочи Апостолски.

Адвоктот на Камчев, одговарајќи на прашањето од судечкиот совет „До каде е истрагата”, рече: „До никаде. Во овие година и пол можеа барем вештачење да направат”.

Обвинителот Јован Цветановски од Вишото јавно обвинителоство, пак, посочи дека со гаранцијата Камчев може да гарантира присуство, но не и да се надомести штетата доколку тој е недостапен за органите на прогонот.

„Предлагам да се одбијат жалбите на Камчев. Нема прекршување на постапката”, посочи Цветановски.

Апостолски посочи дека судијката Весна Димишкова не смеела да постапува по барањето за гаранцијата која ја понудил Камчев, бидејќи додека одлучувала, било побарано нејзино изземање.

„Барал да му се врати патната исправа која е одземена како мерка на претпазливост бидејќи имал повеќе функции во ‘Орка холдинг’, па требало да патува во странство и да остварува средби. Оставил хипотека во недвижен имот во износ од повеќе од 2,2 милиони евра. Понудената гаранција не е сразмерна со кривичните дела кои му се ставаат на товар. Избегнати биле даночни обврски кон државата од 6 милиони евра, пишува во мислењето на СЈО”, кажа судијата известител Зоран Димитриевски, кој ќе одлучува по жалбата на Камчев.

Читајќи ги списите, судијата кажа дека мислењето на Обвинителството било дека Камчев заработил 14 милиони евра со сторување на кривичните дела.