Контакт

Македонија

(Видео) Заев го пречека Столтенберг: Сега подобро го знаете Скопје

Објавено пред

Генералниот секретар на НАТО, Јенс Столтенберг, пристигна во Клубот на пратениците каде беше пречекан од премиерот Зоран Заев. Уште на влезот, премиерот го дочека Столтенберг со зборовите: „Сега подобро го знаете Скопје“.

По средбата, во клубот на пратениците ќе се одржи заедничка прес конференција.

Првиот човек на НАТО вчера пристигна во Македонија со планирана обемна агенда. Тој вторпат ја посетува Македонија во последниве девет месеци.

Столтенберг претпладнево се сретна со претседателот Ѓорге Иванов, со собранискиот спикер Талат Џафери и со лидерот на ВМРО-ДПМНЕ, Христијан Мицкоски. Дел од агендата на Столтенберг беше и посетата на село Стајковци од каде порача дека се надева дека кога следен пат ќе дојде во Македонија, земјата веќе ќе биде членка на НАТО. „Само ако го спроведете Договорот со Грција ќе станете членка на НАТО“, повтори Столтенберг. Исто така, тој присуствуваше и на свеченоста по повод именувањето на улицата пред Градскиот стадион по неговиот татко Торвалд Столтенберг.

Генералниот секретар на НАТО присуствуваше и на показната вежба на Полкот за специјални операции во касарната во „Илинден“ заедно со министерката за одбрана Радмила Шекеринска. Во таа прилика тој потсети дека во јули сите 29 сојузници се согласиле да ја прифатат Македонија како 30. членка на Алијансата.

„Вашата земја има добро обучени војници кои се подготвени да учествуваат во тешки операции. Припадниците на армијата на вашата земја учествуваат во мисиите предводени од НАТО во Авганистан и во Ирак и на други места, што покажува дека имате армија која е способна да придонесува во меѓународната безбедност“, рече Столтенберг.

 

Македонија

Ахмети: На 30 септември нема губитници, победуваат граѓаните

Објавено пред

Од

Демократската Унија за Интеграција својата следна активност ја одржа пред жителите на Желино, каде во рамките на кампањата за референдумот што ќе се одржи на 30 септември на граѓаните им се укажа да излезат да гласаат за зачленување на земјата во НАТО.

Претседателот на ДУИ, Али Ахмети во неговиот говор, на граѓаните на Желино им кажа дека на 30 септември сите граѓани на Република Македонија треба да бидат одговорни и свесни бидејќи ова е заедничка aлбанско-mакедонска мисија.

,,Да се биде членка на НАТО, тоа не се мери со бројот на жители што ги има државата, туку, таму сите се рамноправни, исто така може да се употреби правото на вето. На 30 септември нема губитници, на 30 септември победува Република Македонија, победуваат граѓаните на ова република, значи, добиваат одржлив мир, стабилност, безбедност и членство во НАТО во наредните 15 месеци, добиваат започнување на преговорите за членство во Европската Унија во јуни наредната година. Сите министри од речиси сите земји на Европската Унија дојдоа кај нас за да ги охрабрат нашите граѓани на 30 септември да гласаат за членство во НАТО“, рече Ахмети.

Говор пред жителите на Желино одржа и шефот на Централниот штаб на ДУИ, Атила Реџепи, министерот за животна средина и просторно планирање, Садула Дураку и поранешниот градоначалник на Општина Желино сега во улога на шеф на штабот во Општина Желино, Фатмир Изаири.

Прикажи повеќе...

Македонија

Претепаното момче во Аеродром има потрес на мозок и скршеници, МВР не знае кои се напаѓачите

Објавено пред

Од

Лицето кое вчера беше брутално претепано во Аеродром се здобило со скршеници во пределот на носот и вилицата, имало исеченици по глава бидејќи било удирано со пиштол, а последица на тоа бил и потрес на мозок, тврдат извори за „Макфакс“ кои додаваат дека 27- годишното момче од Драчево било намерно чекано на локацијата и нападот бил со умисла.  Неговата девојка, која на видеото се слуша како бара помош, била удрена со бокс.

МВР утринава објави соопштение за тепачката, но нема информации за тоа кои се и колку лица учествувале во инцидентот, но и дали се пронајдени напаѓачите кои вчера избегаа откако го натепаа 27-годишното момче од Драчево.

„Нападот бил пред угостителски објект на улица Методија Шаторов Шарло, каде повеќе лица, од кои тројца пријавителот ги познал, физички ги нападнале В.Г.(27) и М.З.(21), и двајцата од Скопје. В.Г. во еден момент изгубил свест. Потоа, заедно со М.З. со возило на Итна медицинска помош биле пренесени во комплексот клиники ‘Мајка Тереза’ во Скопје“, се единствените информации во билтенот на МВР.

Од таму молчат дали напаѓачите се пронајдени и кратко одговорија „Настанот е објавен на веб-сајтот на МВР“. Блиски извори до претепаното момче велат дека пет лица учествувале во крвавата тепачка, од кои тројца тој ги познавал. Истите извори тврдат дека напаѓачите се поврзани со група дилери и лихвари.

Крвавата тепачка се случи вчера околу 22 часот во скопската населба Аеродром кај „Тобако 2“. Од видеото се гледа дека како четири лицаа бегаат од местото со автомобили. Очевидци велат дека слушнале викање и женски глас како бара помош.

Прикажи повеќе...

Македонија

Јавното обвинителство формираше Комисија за следење на противправности во врска со референдумот

Објавено пред

Од

Јавниот обвинител на Република Македонија формираше Комисија за следење на евентуални противправности при организирањето и спроведувањето на референдумот на 30 септември.

Како што информираат од Јавното обвинителство, за претседател на привремената Комисија е определен јавниот обвинител Џељаљ Бајрами, а во неа членуваат и по еден јавен обвинител од четирите Виши јавни обвинителства.

Комисијата има за задача на дневна основа да ги следи сите настани поврзани со процесот на организирањето и спроведувањето на референдумот. За оние настани за кои ќе се оцени дека даваат индиции за извршени нерегуларности, известувањата веднаш ќе се проследат до соодветното основно јавно обвинителство. Во исто време, ќе се дадат задолженија до Основните јавни обвинителства за итно постапување, односно да формираат предмет и да ги преземат сите дејствија за утврдување на сите релевантни факти од кои зависи правилната примена на Кривичниот законик.

„Проактивното и превентивно делување на Јавното обвинителство со формирањето на привремената Комисија е одговор на ставот дека настаните поврзани со претстојниот референдум се од поширок општ интерес во јавноста, каде има потреба од поголема организираност во насока на заштита од криминални или други противзаконски дејствија“, се наведува во соопшението.

Јавното обвинителство, преку привремената Комисија за следење на евентуални противправности ја повикува јавноста, граѓанските организации, други организации, политички партии, домашни и меѓународни институции и сите кои сметаат дека во некоја постапка има индиции за сторено кривично дело поврзано со референдумот, да достават пријава до Комисијата на електронската адреса – [email protected]

Прикажи повеќе...

Најново

Македонија17 минути

Претепаното момче во Аеродром има потрес на мозок и скршеници, МВР не знае кои се напаѓачите

Лицето кое вчера беше брутално претепано во Аеродром се здобило со скршеници во пределот на носот и вилицата, имало исеченици...

Македонија20 минути

Јавното обвинителство формираше Комисија за следење на противправности во врска со референдумот

Јавниот обвинител на Република Македонија формираше Комисија за следење на евентуални противправности при организирањето и спроведувањето на референдумот на 30...

Свет40 минути

Повторно пукање во САД, петмина повредени, меѓу кои и дете

Пет лица се повредени, меѓу кои и осум годишно девојче во пукотници во Сиракуза, во државата Њујорк, соопшти полицијата. Инцидентот...

Македонија2 часа

1000 евра казна за вештак кој не дошол на судење за предмет на СЈО

1000 евра треба да плати вештакот Павлина Стојанова, а 2000 евра Друштвото за вештачење „Форензик експертс ДОО“ оти не се појавиле...

Македонија11 час

(Видео) Заев-Пенс: Вашингтон ја споделува визијата на Македонија да стане членка на НАТО и ЕУ

Премиерот Зоран Заев денеска во Вашингтон се сретна со потпретседателот на Соединетите Американски Држави, Мајк Пенс. Како што соопштија од...

Вести16 часа

(Видео) Најмалку три лица убиени во Мериленд, за нападот е осомничена жена

Најмалку три лица се убиени во пукањето што се случи во 9 часот наутро по локално време во сојузната американска...

Регион16 часа

Поранешниот шеф на Хипо банка преку видеоврска сведочеше на судењето против Санадер

Поранешниот шеф на Хипо банка, Гунтер Штрајдингер, преку видеоврска од затвор сведочеше на судењето против поранешниот хрватски премиер, Иво Санадер,...

Македонија20 часа

(Видео) Кратовалиев: Во „Тортура“ презентирана снимка за случајот „Кампања“ што досега била криена

На денешното рочиште за „Тортура“, кое се одвиваше без присуство на јавноста како доказен материјал од специјалното јавно обвинителство, бил...

Македонија22 часа

Пелените во станот во „Скопјанка“ стоеле од јануари, кога починала 90-годишната жена

Деведесетгодишната станарка на „Скопјанка“ која користела пелени починала во јануари годинава. Поради остар мирис од насобраните пелени во станот број...

Македонија22 часа

Пратеници на ВМРО-ДПМНЕ преку „Фејсбук“ најавуваат дека нема да гласаат за уставни измени

Десетина пратеници од опозициската ВМРО-ДПМНЕ преку своите фејсбук-профили најавуваат дека нема да гласаат за уставни измени. Дел од пратениците, меѓу...

Македонија23 часа

Јорданов: На Божиновски му дадов 5 илјади евра за услуги, потоа ми бараше уште повеќе

Бизнисменот Минчо Јорданов на денешното рочиште во кривичниот суд за случајот ,,Шпион” рече дека на новинарот Зоран Божиновски му дал...

Македонија24 часа

(Видео) Запален автомобилот на архитектот Златко Тодоров, соседите забележале луѓе со фантомки

Утрово околу 4 часот бил запален автомобилот на архитектот Златко Тодоров паркиран на тротоар на улицата Христо Смирненски зад Универзалната...

Spion Spion
Македонија24 часа

Укината постапката против Зоран Божиновски за злосторничко здружување

Се укинува постапката против Зоран Божиновски за злосторничко здружување. Судијата Владимир Туфегџиќ на почетокот од денешното рочиште за случајот ,,Шпион”...

Македонија1 ден

Јавноста исклучена од денешното рочиште за „Тортура“

Денешното рочиште за „Тортура“ почна без присуство на јавноста. Триесет и пет прислушкувани разговори како дел од доказниот материјал ќе...

Македонија1 ден

Коментар на грчка пратеничка ги разгоре страстите на синоќешната седница на мешовитиот парламентарен комитет

Во Собранието вчера со бурен старт почна седницата на мешовитиот парламентарен комитет. Страстите уште на самиот почеток ги разгоре пратеничката...

Свет1 ден

Помпео: Вашингтон е подготвен за преговори со Северна Кореја

САД ги поздравија важните обврски што ги презеде Северна Кореја за време на меѓукорејскиот самит во Пјонгјанг и изрази подготвеност...

Македонија1 ден

Пелени и шишиња со урина ја испразнија зградата во Аеродром

Евакуацијата на зградата во Аеродром била поради нехигиена. Дел од присутните лица пред зградата од каде беа евакуирани за „Макфакс“...

Македонија2 дена

Томевски: Поради острата миризба, станарите мораше веднаш да се евакуираат на безбедно

Околу 18 часот добивме дојава од граѓани што почувствувале остар мирис во влезот по што беше испратена екипа. Поради остриот...

Македонија2 дена

Евакуирана зграда во Аеродром, паника кај станарите

Жителите од зграда на улицата Кузман Јосифовски – Питу, број 15, во скопската населба Аеродром, кај „Мезе бар“, се евакуирани...

Македонија2 дена

(Видеоинтервју) Софијанова: Балканската школа на педијатрите ги обедини кадрите и важните аспекти во лекувањето на децата

Повеќе од 500 доктори, медицински сестри и специјализанти ја посетиле Балканската школа на педијатрите, што првпат се одржа во хотелот...

Досие