Контакт

Македонија

(Видео) Заев на самит во Дубровник: Ја унапредуваме соработка со НР Кина, потпишавме Акционен план за соработка во земјоделството

Објавено пред

„Денеска имаме да соопштиме добри вести за нашата земја од 8. Самит на шефови на Влади на НР Кина со земјите од ЦИЕ 16+1 којшто оваа година се одржува во Дубровник, Република Хрватска.
Ја унапредуваме соработката со НР Кина и со земјите од ЦИЕ, посебно во областа на земјоделството, што ветува дополнителен напредок и развој на оваа наша стратешка економска гранка. Отвораме нови перспективи за развој на македонското земјоделството. Во рамки на одржувањето на 8. Самит на шефови на Влади на НР Кина со земјите од ЦИЕ 16+1 бевме прва земја потписничка на Акциониот план во областа на земјоделството помеѓу Народна Република Кина и Република Северна Македонија за периодот од 2020 – 2022″, изјави премиерот Зоран Заев во рамки на одржување на 8. Самит на шефови на влади на земјите од ЦИЕ и НР Кина од процесот 16+1 во Дубровник.

Овој Акционен план предвидува зајакнување на билатерална соработка во областа на земјоделството помеѓу НР Кина и Република Северна Македонија, трговија со земјоделски производи, економска соработка и рурален развој, соработка во земјоделските науки и информатичка технологија, како и соработка во областа на безбедност на храната, ветеринарните услуги и рибарството.

„Оваа зајакната соработка со НР Кина очекувам да придонесе кон зголемување на нашето земјоделско производство, подигнување на стандардите и голема шанса за извоз и пласман на нашите земјоделски производи во НР Кина. Од Самитот во Дубровник произлегуваат многу амбициозни планови и креативни иницијативи кои отвораат нови полиња на соработка помеѓу земјите од ЦИЕ и НР Кина.
Република Северна Македонија силно ја поддржува 16+1 иницијативата и верувам дека имаме голем потенцијал да ги унапредиме нашите партнерства и да креираме нов бизнис и економски потенцијал за соработка. Денеска имав прилика да се обратам и на пленарната сесија на којашто обраќања имаа сите шефови на Влади од процесот 16+1 и премиерите на НР Кина и Р Хрватска како домаќин, Кечијанг и Пленковиќ.

Ги информирав колегите дека наскоро ќе имаме свечено пуштање во употреба на автопатот Миладиновци – Штип, инфраструктурен проект кој произлезе од иницијативата 16+1.На 30 и 31 октомври успешно го реализиравме 5. Симпозиум на тинк-танк организации на НР Кина и земјите од ЦИЕ, кој беше прв настан организиран од ваков тип во нашата земја. На маргините на овој Самит се потпиша и меморандум за соработка помеѓу нашата академија на науки и уметности МАНУ и Кинеската академија на општествени науки (CASS). Оваа година од 19 до 21 ноември во Скопје ќе се одржи 4. министерски форум за културна соработка од процесот 16+1 во организација на Министерството за култура на РСМ и Центарот за координација на  културната соработка помеѓу НР Кина и земјите од ЦИЕ. Оваа година исто така, ја имаме честа и задоволството да посакаме добредојде на Грција, нашата соседна пријателска земја, како 17-та земја челна од процесот на соработка на НР Кина и земјите од ЦИЕ. Овој факт нè радува бидејќи заедно ќе можеме уште позабрзано да ја реализираме споделената визија за развој на овој дел од Европа, а посебно на Западен Балкан. Грција до сега не беше членка на оваа иницијатива 16+1 поради проблемот со името со нашата земја. Со решавањето на овој проблем, оваа иницијатива станува 17+1.Во рамки на дводневниот Самит имав можност да се сретнам со моите колеги, премиерите од земјите на Централна и Источна Европа и да размениме искуства, важни за унапредување на нашата заедничка соработка“, рече Заев.

Македонија

Нови 862 заразени и 14 починати од Ковид-19 во земјава

Објавено пред

Министерството за здравство информира дека во последните 24 часа се направени 2699 тестирања, а регистрирани се 862 нови случаи на ковид-19 во: Скопје-390, Куманово-22, Штип-28, Прилеп-55, Тетово-48, Струга-9, Велес-53, Битола-31, Охрид-18, Кавадарци-24, Гостивар-18, Гевгелија-12, Струмица-27, Крива Паланка-10, Радовиш-7, Крушево-2, Кочани-25, Пробиштип-12, Демир Хисар-4, Македонски Брод-1, Пехчево-3, Берово-3, Валандово-6, Виница-9, Делчево-5, Кратово-6, Свети Николе-6, Кичево-17, Ресен-3, Неготино-8.

Денеска Институтот за јавно здравје регистрира 223 оздравени пациенти од: Скопје-75, Куманово-9, Штип-10, Прилеп-16, Тетово-27, Велес-6, Битола-13, Кавадарци-6, Гостивар-5, Гевгелија-14, Струмица-14, Радовиш-6, Кочани-7, Демир Хисар-2, Берово -3, Пехчево-1, Кратово-1, Свети Николе-2, Кичево-4, Ресен-1 и Неготино-1.

Починати се 14 лица, пет пациенти од Скопје (35, 82, 62, 90 и 77г), еден од Прилеп (54г), еден од Тетово (88г), еден од Струга (66г), еден пациент од Велес (78г), еден од Битола (76г), двајца пациенти од Струмица (63 и 68г), еден од Радовиш (66г) и еден пациент од Ресен (83г).

Вкупната бројка на ковид дијагностицирани во нашата земја од почетокот на епидемијата изнесува 29558, бројката на оздравени пациенти е 19994, на починати е 977, а бројот на активни случаи изнесува 8587 . Денеска се регистрира еден контролен тест од вчера, а според завршените епидемиолошки анализи во моментов дистрибуцијата по градови е следна:
• Скопје 12753, активни 4138
• Куманово 2211, активни 361
• Дебар 331, активни 53
• Штип 1626, активни 246
• Прилеп 1227, активни 404
• Тетово 2078, активни 471
• Струга 814, активни 104
• Велес 639, активни 258
• Битола 637, активни 236
• Охрид 675, активни 217
• Кавадарци 471, активни 195
• Гостивар 1163, активни 178
• Гевгелија 357, активни 166 (18 лица од ПЕ Гевгелија се жители на Дојран, 52 на Богданци и 12 се странски државјани)
• Струмица 846, активни 471
• Крива Паланка 228, активни 81
• Радовиш 224, активни 79
• Крушево 25, активни 5
• Кочани 684, активни 211
• Пробиштип 184, активни 50
• Демир Хисар 81, активни 17
• Македонски Брод 104, активни 8
• Пехчево 60, активни 8
• Берово 201, активни 45
• Валандово 101, активни 39
• Виница 175, активни 65
• Делчево 242, активни 111 (56 лица од ПЕ Делчево се од Македонска Каменица)
• Кратово 46, активни 16
• Свети Николе 468, активни 74
• Кичево 531, активни 149
• Ресен 238, активни 60
• Неготино 138, активни 71 (18 лица од ПЕ Неготино се жители на Демир Капија)

Направените 2699 теста се преку: ИЈЗ-820, ЦЈЗ Скопје-115, Авицена-528, Биотек-265, МАНУ -194, Жан Митрев (Филип Втори) -315, Систина со PCR метода -223, лабораторија Лаор –64, Судска медицина-10, ЦЈЗ Битола-83, Инфективна клиника-5, ГАК-0, Синлаб-77, лаборатории од странство-0. Досега во земјата се направени вкупно 243.357 тестирања на Ковид -19.

На Инфективната клиника во изминативе 24 часа примени се 15 пациенти. Вкупно се хоспитализирани 152 пациенти. На кислородна поддршка се 110 пациенти, нема пациенти на механичка вентилација.

Во болницата во Козле хоспитализирани се 9 деца и 9 позитивни мајки, 6 деца и 4 мајки суспектни на ковид-19

Во ГОБ „8 Септември“ има 7 приеми, а вкупно хоспитализирани се 49 пациенти. На респиратор се 2 пациенти.

Во болницата во Битола се хоспитализирани 72, а во болницата во Штип се 48 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани, Гевгелија, Дебар, Кичево и Кавадарци се хоспитализирани 320 позитивни и сомнителни на Ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)
• Чаир – 198
• Гази Баба – 543
• Аеродром – 760
• Карпош – 610
• Центар – 573
• Кисела Вода – 510
• Ѓорче Петров – 351
• Бутел – 201
• Шуто Оризари – 37
• Студеничани – 16
• Сарај – 32
• Арачиново – 8
• Илинден – 72
• Сопиште – 36
• Чучер Сандево – 22
• Петровец –23
• Зелениково -13
• Странец – 27
• Нераспределен- 106

Прикажи повеќе...

Македонија

Изменет сообраќаен режим на патот Кичево-Охрид

Објавено пред

Утре ќе се започне со изведување на градежни работи на патниот правец А2 Кичево – Охрид, поточно на делницата помеѓу с. Климештани – с. Мешеишта, каде ќе има изменет времен режим на сообраќајот, соопшти АМСМ. Оттаму додаваат дека на самото место ќе биде поставена соодветна сообраќајна сигнализација. Овој изменет режим на сообраќај ќе трае се до завршување на градежните работи.

Исто така утре од 07.00 часот на патниот правец А2 Кичево – Охрид, на делницата Пресека – Песочан, кај с.Врбјани ќе започне со изведување на градешни работи на пат(асфалтирање на риголи), каде ќе има изменет времен режим на сообраќајот. На самото место ќе биде поставена соодветна сообраќајна сигнализација.

Прикажи повеќе...

Македонија

Претпладне облачно со услови за дожд, попладне намалување на облачноста

Објавено пред

Времето утре претпладне ќе биде променливо облачно, во северните делови со слаб локален дожд. Ќе дува умерен до засилен северен ветер, особено по должина на Повардарието. Во текот на денот облачноста ќе се намалува. Минималната температура ќе биде во интервал од 5 до 13, а максималната ќе достигне од 13 до 21 степен.

Во Скопје, претпладне променливо облачно со услови за слаб дожд. Ќе дува умерен до засилен северен ветер. Попладне облачноста ќе се намали. Минималната температура ќе се спушти до 8, а максималната ќе достигне до 16 степени.

Во наредните денови времето ќе биде сончево со мала до умерена, а на места, особено во северните и источните делови повремено значителна облачност со услови за слаб дожд. Ќе дува слаб до умерен северен ветер, особено по должина на Повардарието.

Прикажи повеќе...

Најново

Македонија1 минута

Нови 862 заразени и 14 починати од Ковид-19 во земјава

Министерството за здравство информира дека во последните 24 часа се направени 2699 тестирања, а регистрирани се 862 нови случаи на...

Свет2 часа

Макрон се обрати на нацијата – нема да се откажеме од нашите вредности

Франција повторно беше цел на терористички напад, порача францускиот претседател, Емануел Макрон, во Ница, каде што утрово беа убиени тројца...

Македонија3 часа

Кривична за Лидија Димова, се товари дека злоупотребила милиони од европски фондови

Управата за финансиска полиција до Основното јавно обвинителство за гонење организиран криминал и корупција поднесе кривични пријави против директорката на...

Македонија4 часа

(Видео) За Заев е неприфатливо тоа дека македонскиот јазик извира од бугарскиот

Премиерот Зоран Заев изјави дека не се прифатливи некои од сигналите што доаѓаат од Бугарија. „Не е прифатливо“, изречно рече...

Македонија4 часа

Пендаровски: До овој момент не се размислува за полициски час каков што имавме

Претседателот Стево Пендаровски, по денешната седница на Советот на безбедност, изјави дека во овој момент не се размислува за полициски...

Македонија6 часа

Спасовски пренесен на Инфективната клиника во Скопје

Министерот за внатрешни работи, Оливер Спасовски, вчеравечер е хоспитализиран на Клиниката за инфективни болести во Скопје. Согласно протоколите, тој со...

Економија7 часа

АЕК ќе спроведува физибилити-студија за влијанието на 5Г-мрежата врз здравјето на луѓето

Агенцијата за електронски комуникации набргу ќе распише меѓународен тендер за избор на компанија што ќе изработи физибилити-студија за влијанието на...

Македонија7 часа

Задолжителна самоизолација од закажувањето тестирање на Ковид-19, казните се 50 евра

Со новите законски измени самоизолацијата е задолжителна при тестирање на Ковид-19 од закажување на тестот или самото тестирање, па сè...

Свет8 часа

Во нападот во Ница убиени три лица, една жена е обезглавена

Во нападот што се случи во Ница, за кој се сомнева дека е терористички, убиени се три лица со нож,...

Македонија9 часа

МОН најави реформа на учебниците по честите реакции за грешки и стереотипи во нив

Министерството за образование и наука формира работна група која развива концепт за целосна и суштинска промена на учебниците за основно...

Македонија10 часа

Стапија во сила новите мерки – забрането е групирање по 22 часот, казната е 500 евра

Од денеска забрането е групирање на отворено на повеќе од четири лица по 22 часот, а казната за непочитување на...

Свет10 часа

Едно од ретките места во светот без коронавирус ги забележа првите два случаја

Маршалските Острови, едно од последните места во светот каде што немаше коронавирус, ги забележаа првите два позитивни случаја, пишува Би-би-си....

Македонија10 часа

Од денеска маските се задолжителни на отворено

Собранието синоќа со 53 гласови „за“, 26 воздржани и ниту еден глас против ги изгласа измените во Законот за заштита...

Македонија11 час

Седница на Советот за безбедност за состојбата со коронавирусот во Македонија

Во Кабинетот на претседателот Стево Пендаровски во „Вила Водно“, со почеток во 11 часот, ќе се одржи седница на Советот...

Европа20 часа

(Видео) Од петок карантин во цела Франција

Францускиот претседател Емануел Макрон прогласи каратин од петок што ќе трае најмалку до 1 декември. „Бранот се рашири низ цела...

Македонија21 час

Славјанка Петровска позитивна на коронавирус, качила температура додека била на седница во Собранието

Актуелната пратеничка во Собранието од СДСМ и поранешна дополнителна заменичка на министерот за внатрешни работи во техничката влада Славјанка Петровска...

Македонија21 час

Во Скопје рекорден број новозаразени, Аеродром надмина 700 активни случаи

Во Скопје во изминатите 24 часа се регистрирани рекордни 422 нови случаи на Ковид-19, а во тој период починале тројца...

Македонија23 часа

Рекордни 870 нови случаи на коронавирус во Македонија, починаа 14 лица

Во последните 24 часа во Македонија 14 лица починаа од коронавирус, а потврдени се 870 нови случаи од  2.647 тестирања,...

Свет1 ден

Германија воведе строги мерки: рестораните, кината и баровите ќе бидат затворени 4 недели

Германската канцеларка Ангела Меркел изјави денеска дека германските власти се согласиле на четиринеделен делумен карантин. Во овој временски период затворени...

Македонија1 ден

МОН го повлече учебникот по македонски јазик за петто одделение

Министерството за образование и наука го повлече учебникот по македонски јазик за петто одделение поради несоодветна и дискриминирачка содржина. „Во...

Досие