Македонија
(Видео) Заев: Нека допре мојот глас до Обвинителството за случајот „Пуч“
Премиерот Зоран Заев го повика Јавното обвинителство по допрен глас да истражи кој ги местел него и другите обвинети во случајот „Пуч“.
„Ако немало допрен глас досега, нека допре мојот глас до нив. Во тоа време, наместо Јавното обвинителство да го истражи ваквото незаконско прислушување, кршење на човековите права, тоа Јавно обвинителство се стави во функција на политиката, која во тоа време ја водеше извршната власт под раководство на Никола Груевски, го формира „Пуч“ за да може мене, господинот Верушевски, мојата сопруга, господинот Бранко Палифров и двајцата други луѓе, Ѓорѓи Лазаревски и Звонко Костовски, да нè гонат, а веројатно трагаа по планината и по децата на семејството Верушевски конструирајќи монструозност“, рече Заев.
„Некој тоа треба да го истражи во Јавното обвинителство зашто некој така постапувал во ‘Пуч’. Верувам дека ќе се зафати некој обвинител да влезе и да истражи вакви случаи, тоа е добро за кариерата на секој обвинител ако обезбеди докази, ние сме живи и здрави да потврдиме“, рече премиерот по сведочењето за случајот на масовното прислушување „Таргет-Тврдина“.
Специјалното јавно обвинителство го повлече обвинението за случајот „Пуч“ бидејќи го отвори предметот „Таргет-Тврдина“ за масовното прислушување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Чаир и Студеничани
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 16.00 часот, корисниците од улиците број 90, 131 и 191, корисниците од околните згради и продавниците кај 26 Јули, објектите на хотелите Хамбург и Аен, казиното Сенатор и адвокатското друштво Калач. (општина Чаир)
· во периодот од 09.00 до 16.00 часот, корисниците од селата Драчевица, Цветово и Алдинци, вили Китка, Мала Река, Принцес, Караџица и Солунска Глава. (општина Студеничани)
Македонија
Без вода дел од Карпош
Од ЈП Водовод и Канализација известуваат дека денеска поради водоводен приклучок од ф – 80 мм на улицата Ристо Равановски бр. 8, без вода ќе останат корисниците од улицата Ристо Равановски во општина Карпош.
Водоснабдувањето ќе биде прекинато во периодот од 09.00 часот па се до завршување на работата.
Македонија
Променливо облачно со сончеви периоди
Променливо облачно со сончеви периоди. Во западните делови ќе има повремен локален дожд. Ќе дува умерен до засилен ветер од јужен правец.
Минималната температура ќе биде во интервал од -1 до 6, а максималната ќе достигне од 10 до 16 степени.
Во Скопје, променливо облачно со сончеви периоди. Ќе дува умерен, во делови од котлината повремено засилен ветер од југоисточен правец.
Минималната температура ќе се спушти до 2, а максималната ќе достигне до 13 степени.
Времето во наредните денови
Под влијание на циклонска активност до сабота ќе преовладува претежно облачно време со повремени врнежи од дожд. Пообилни врнежи се очекуваат во среда и четврток, кога на повисоките планини врнежите ќе преминуваат во снег. Од среда ветерот ќе го промени правецот во северен.

