Македонија
(Видео) Заев од Центар: Со одговорни политики градиме правично и праведно општество
Водиме исправни политики, покажавме дека има пари за се во државата, се гради по цела држава на секој агол, магистрални, регионални, локални патишта, водоводи, канализации, детски градинки преку 40 се направија, училишта нови се градат, се конструираат постојните, парите сега не одат во споменици, во жални врби, во стиропорни фасади, туку се инвестираат во вистински луѓе за вистински потреби, докажавме дека паралелно со решавање на најголемите прашања за државата, умееме и можеме да ја подигнеме економијата,” рече претседателот Заев на граѓанската трибина во Центар.
„Социјалната помош порасна за 300 проценти и за тие лица сега веднаш се бараме работа. младите преку активни мерки никогаш немале поголема поддршка од државата. Им олеснивме на граѓаните со тоа што им ги намаливме трошоците, успеваме минималната плата да ја зголемиме на два пати и стигнавме до 14.500 денари. ВМРО ДПМНЕ критикуваше дека ќе има масовни отпуштања, но наместо тоа, ние отворивме 65 000 нови работни места. Денеска гледам ВМРО ДПМНЕ зборува за минимална плата и просечна плата, оние кои ги критикуваа покачувањата“, посочи претседателот Заев.
Претседателот Заев потенцира дека и покрај кризата со коронавирусот, економијата е стабилна и може да се носи со сите предизвици.
„Докажавме и во овие четири месеци на корона криза кога економски се урнисува цел свет, и најсилните економии, ние не задоцнивме ниту со еден ден со пензии, со плати, со здравствени трансфери, со социјални трансфери, ќе има и субвенции. Ние докажавме дека оваа земја има пари. Знам дека ќе успееме заедно. Заедно ќе се бориме за секој човек, за секое работно место”, заклучи Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ѓорѓиевски: Целосна реконструкција на култната фонтана „Лотос“ во Градскиот парк
Градоначалникот на Скопје Орце Ѓорѓиевски, објави видео во кое вели дека култната фонтана „Лотос“ повторно го добива својот сјај.
„Започната е целосна реконструкција на фонтаната која се наоѓа на влезот од Градскиот парк – место што со децении претставува препознатлив белег и симбол на Скопје, но кое за жал со години беше запуштено.
Со проектот е предвидена целосна обнова на фонтаната, како и уредување на плоштадот околу неа. Се поставува нова урбана опрема и современо осветлување, со што просторот ќе добие нов, модерен и достоинствен изглед, соодветен на значењето што го има за градот и граѓаните.
Ова култно катче, еден од најпрепознатливите симболи на Скопје, повторно ќе стане место за средби, прошетки и споделени моменти. Простор каде што генерации скопјани ќе се собираат, ќе создаваат спомени и ќе уживаат во уреден и квалитетен јавен простор, онака како што Скопје заслужува.
Градот го обновуваме чекор по чекор, со јасна визија и конкретни дела. Скопје го правиме заедно. По скопски!“, изјави Ѓорѓиевски.
Македонија
Општина Центар и Амбасадата на Чешка му оддадоа почит на Роберт Гајдик
Денес се одбележуваат 84 години од прерано згаснатиот живот на Роберт Гајдик Славко, истакнат борец и партизан во Народноослободителната борба.

Со полагање свежо цвеќе, Н.Е. Амбасадорот на Република Чешка, Јарослав Лудва и военото аташе на Република Чешка, претставници од Општина Центар, Сојузот на борци и Здружението на пензионери на Општина Центар, жители од Урбаната заедница „Роберт Гајдик“ и негови почитувачи му оддадоа почит.

Исто така, во чест на празникот Василица, во Урбаната заедница „Роберт Гајдик“ се вртеше паричка, а среќниот добитник беше Владе Левковски, претседател на пензионерскиот огранок „Невена Георгиева Дуња”.

Преку овој симболичен настан, секоја година му се оддава почит на интернационалниот борец, симбол на истрајност и борба за слобода против окупаторот.

Општина Центар со години го чествува и негува споменот на Роберт Гајдик и неговото дело.

Македонија
Ако СДС се сомнева за некаков вид на криминал или корупција нека се јават на нивните судии и обвинители, велат од ВМРО-ДПМНЕ
СДС повторно растура пердуви во јавноста со цел да прикаже некаква поврзаност на ВМРО-ДПМНЕ со некакви фирми и да шири лаги и манипулации, велат од партијата на власт.
„Кога во нивно време, тендерите и набавките беа синоним за криминал и корупција, и по „дифолт’’ одеа кај фирмите на семејствата на Заев и Филипче, денес тоа повеќе не е така.
Сите тендери и јавни набавки кои се спроведуваат се законски, отчетни и транспарентни.
Ги прашуваме СДС, дали човек смее да има фирма/бизнис, да учествува на тендер/набавка и да биде член/симпатизер на политичка партија? Дополнително, дали има некаков вид на криминал или корупција во тендерите? Ако се сомневаат во нешто, нека се јават на нивните обвинители и судии, сигурни сме дека ќе им помогнат“, истакнуваат од ВМРО-ДПМНЕ.

