Триесетиедногодишниот Сашо Милошeвски беше најсреќен од 47-те верници, кои денес, во базенот “Расадник” во Кисела Вода, скокнаа да го фатат чесниот крст во чест на празникот Богојавление-Водици.

Здравје, среќа и успех за себе, но пред се’, за синчето Максим и сопругата Бранкица, посака да му донесе осветениот крст. И’ се заблагодари на Oпштина Кисела Вода и на градоначалникот Орце Ѓорѓиевски за возобновената манифестација, како и за наградите, кои во духот на христијанството, одлучи да ги донира на социјално загрозени семејства.

Градоначалникот Ѓорѓиевски, му честиташе на среќниот Милошевски и им се заблагодари на сите кои зедоа учество во денешната манифестација. Потенцираше дека дадоа свој удел во идејата за обединување на народот и продолжување на една вековна традиција на празнувањето на еден ваков голем христијански празник.

-Најнапред да ви се заблагодарам, вам, на медиумите за вашето присуство. Денес, за мене е многу значаен ден, најпрвин затоа што ми е именден и би сакал овој голем македонски православен празник да им го честитам на сите верници. Исклучително важно ми е што денес, овде, во Кисела Вода, имавме вистинско обединување. Сакам да ги поздравам за својата храброст сите оние кои денес се фрлаа по крстот и воедно, да му честитам на оној кој што го фати крстот, Сашо. Добар гест е она што го направи, баш во духот на православието, да ги донира овие работи кои што ги доби денес од општината и нашите општествено одговорни компании. Ова е една традиција која што беше замрена со години наназад во општина Кисела Вода. Драго ми е што има ваков одзив, имаше над 500-тини наши сограѓани, овде присутни. Се надевам дека ќе премине во вистинска традиција, ова е нешто што не одржува со векови како народ и како нација и со години понатаму ќе се практикува и ќе се спроведува ова како настан во Кисела Вода-изјави градоначалникот Орце Ѓорѓиевски.

На чинот на положување на крстот му претходеше света литургија со која чиноначалствуваше отецот Благоја од црквата Св. Ѓорѓија. За најсреќниот Сашо Милошевски, кој одлучи да ги донира наградите, се обезбедени средства во висина од 12 000 денари од градоначалникот Ѓорѓиевски, икона од пратеничката од Кисела Вода, Бети Стаменкоска-Трајкоска, како и бела техника, апарати за домаќинстовото и вредносни ваучери од повеќе општествено одговорно компании.

Владина делегација предводена од претседателот на Владата на Република Северна Македонија Димитар Ковачевски кој беше придружуван од заменикот на претседателот на Владата задолжен за економски прашања Фатмир Битиќи и министерот за локална самоуправа Горан Милевски, денес присуствуваше на церемонијата за чествување на големиот христијански празник Богојавление – Водици, што традиционално се одржа на мостот „Слобода“ кај „Холидеј Ин“ во Скопје.

На церемонијата на која присуствуваа голем број верници, Архиепископот охридски и македонски г. г. Стефан ги освети водите положувајќи го крстот во реката Вардар. Со овој чин кој го означува духовното прочистување и обновување, водите се преобразуваат во свети води, како потсетување на крштевањето на синот божји во реката Јордан.

На свечената церемонија која кулминираше со фаќањето на крстот, премиерот Ковачевски на најсреќниот од верниците кој го извлече крстот од светите води, срдечно му честиташе со желби за добро здравје и просперитет и му ја врачи наградата.

Во својата честитката до православните верници, светиот Архијерејски синод, до Господин Господин Стефан, Архиепископ на Македонската православна црква – Охридска архиепископија, како и до сите свештеници и монашки братства премиерот Ковачевски порача:

„Овој празник нè повикува да се очистиме од гревовите на денот кога водите се преобразуваат во свети води за да потсетат на денот кога Исус Христос се крштеваше во реката Јордан.

И оваа година додека сè уште трае пандемијата со КОВИД-19, празникот повикува да ги поминеме во здравје искушенијата на пандемијата.

Да се придржуваме до препораките на здравствените работници и на Синодот на МПЦ-ОА и да го прославиме празникот одговорно.

Секоја година овој празник ни порачува да ја обновиме и зајакнеме духовната зрелост, и смирено и со љубов да си посакаме добра волја за совладување на сите предизвици што ни претстојат на личен и на колективен план. Нека ни е честит и вековит, големиот христијански празник Богојавление – Водици“.

Вчерашната посета на Скопје беше огромен успех, изјави бугарскиот премиер Кирил Петков пред новинарите во Народното собрание.

„Од една страна подадовме рака со тоа што отидовме таму, од друга страна ни дадоа нота што се надевавме дека ќе ја добиеме пред две години. Оваа нота е многу поважна од само кусото и долгото име. Покажува дека Северна Македонија нема претензии за територијалниот интегритет на Бугарија, многу е нормално да го кажат тоа, но за оваа нота е разговарано, зборувано, преговарано од нас, само затоа што направивме нов пристап, го добивме. Вчерашниот ден беше огромен успех“, изјави Кирил Петков.

Според него, работните групи ќе разговараат за дел од историјата во која владеел фашистички режим низ Европа и како тоа се одразило на територијата на денешна Северна Македонија.

„Повеќе од ова, историската комисија мора да навлезе во детали. Многу поважно е што се обединивме да имаме транспорт-врска од Софија до Скопје за 60 дена. Тоа ќе се направи на најтранспарентен начин“, рече Кирил Петков.

Прашан дали се придржувал до ставот на Консултативниот совет за национална безбедност, Петков рече дека многу луѓе вчера љубоморно виделе дека нешто што е постигнато со првиот потег – добивањето на нотата, другите не успеале да го постигнат изминатите години.

Бугарскиот премиер коментираше и дали се во ист тим со шефот на државата.

„Да, ние сме во еден тим, во тимот на Бугарија.