Македонија
(Видео) Мицкоски: Јасно е дека Заев во преговорите со Бугарија го распродава идентитетот

За најновата изјава на бугарската министерка за надворешни работи, Екатерина Захариева, Македонија да не се надевала на подобри работи по изборите во Бугарија, туку дека можело полошо да биде, лидерот на ВМРО-ДПМНЕ, Христијан Мицкоски, вели дека она што е јасно е дека премиерот Заев го распродава македонскиот идентитет.
„Она коешто е јасно, а коешто македонската јавност може да го види е фактот дека македонскиот идентитет се распродава и ние тоа го зборувавме уште во октомври, месец дена на маса се услови коишто немаат никаква врска со претходно потпишаниот договор за пријателство. Тие услови директно претставуваат негирање на македонскиот идентитет. Од октомври, кога првпат на македонската јавност ѝ соопштивме дека практично се преговара за нешто што не е дел од договорот па до денес, цело време сето тоа што го тврдевме беше негирано од Владата, од Османи, од Заев, од Димитров и од останатите, но гледаме дека таков документ постои… наречете го нон пејпер, наречете го роунд мап или патокас, наречете го анекс, наречете го како сакате, но фактот е еден дека станува збор за документ во којшто се дефинирани нови услови коишто ние треба да ги прифатиме, а во кои политичари и меѓувладини комисии дискутираат за бизниси, замислете за железници, за автопатишта, за телекомуникации, за банки и така натаму и дополнително се дискутира за македонскиот национален идентитет“, вели Мицкоски.
Тој нагласи дека за него е несфатливо како политичар дека на маса покрај бизнисот е и македонскиот идентитет. Тој ги повика Владата, Зоран Заев, Бујар Османи и Никола Димитров да го покажат документот со 12 точки.
„Македонската јавност не ги гласаше и на оние наместени, украдени мафијашки избори на 15 јули за тие дА си играат со иднината на граѓаните и со иднината на македонскиот идентитет. На ова држава ѝ треба конструктивна власт и затоа ги повикувам на разум веднаш да излезат со документот и да го покажат, да се охрабрат на дебатата во Парламентот што ја организира пратеникот Милошоски и да се појават и да дискутираат пред пратениците и пред македонската јавност. Доколку нема што да кријат, доколку не распродаваат, тогаш ајде господа охрабрете се, излезете пред македонската јавност и отворете ги картите. Доста е криење, доста е лажење, доста е манипулирање“, порача Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево и топло со мала до умерена локална облачност, од утре многу топло време

Сончево и топло со мала до умерена локална облачност. Ќе дува слаб до умерен ветер од северoзападен правец.
Минималната температура ќе биде во интервал од 10 до 19, а максималната ќе достигне од 29 до 37 степени.
Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 17, а максималната ќе достигне до 37 степени.
Под влијание на топла воздушна маса од југ, од утре следува период на сончево и многу топло време со мала до умерена облачност. Особено топло време се очекува во текот на следната работна седмица, кога дневната температура насекаде ќе биде над 30°C, на повеќе места ќе надминува 35°C, а наместа ќе биде и над 40°C.
Македонија
Филипче: ВМРО-ДПМНЕ да каже дали имаат сериозен план за одблокирање на европските интеграции

Претседателот на Социјалдемократскиот сојуз на Македонија, Венко Филипче, во одговор на новинарско прашање, во врска со изјавата на премиерот Мицкоски за поднесување заедничка резолуција со Бугарија во Европскиот парламент за македонскиот јазик, посочи дека вакви сериозни прашања се дискутираат како предлог во Собранието, каде што учествуваат сите политички партии.
„Сметам дека е крајно несериозно такви сериозни предлози да се даваат од обични прес – конференции. Премногу е сериозно и важно прашањето да биде само предмет и обид за некаков дневно политички партиски интерес од страна на ВМРО ДПМНЕ. Сметам дека треба да се направи како предлог во Собранието бидејќи е нешто во што треба да учествуваат сите политички партии. Доколку има таков сериозен предлог ние апсолутно ќе го ќе го поддржиме“, рече Филипче.
Посочи дека ВМРО ДПМНЕ должат пред јавноста да образложат каков план имаат за одблокирање на евроинтеграциите.
„ВМРО-ДПМНЕ треба да каже дали имаат сериозен план, дали имаат сериозен план за дипломатска активност, дали имаат сериозен план за одблокирање на европските интеграции“, рече претседателот на СДСМ, Венко Филипче.
Македонија
(Видео) Полициски хеликоптер исфрли 80 тони вода врз пожар во струмичко

Денеска (18.07.2025), полициски хеликоптер од типот Бел-412 од Одделот за воздухопловни единици дејствуваше на пожар во општина Василево, с. Нивичино, струмичко каде што гори нискостеблеста шума.
При дејствувањето во 60 налета се исфрлени повеќе од 80 тони вода, соопшти МВР.
Пожарот, како што информираат се уште е активен и продолжуваат активностите за негово гасење.