Контакт

Македонија

(Видео) Мицкоски: Потребно е фискално релаксирање, помош за март и да не се враќа државната помош

Објавено пред

„Во текот на вчерашниот ден имав едно обраќање во коешто ја анализирав состојбата во економијата, вкучително и го коментирав оној документ којшто пристигна од Меѓународниот монетарен фонд, а се однесуваше на одобрениот заем во вредност од 176 милиони евра. Истовремено во текот на вчерашниот ден добив многу телефонски пораки и многу телефонски јавувања со прашањето околу зголемувањето на јавниот долг во однос на бруто домашниот производ, и одлучив за една од темите на коешто ќе биде денешново обраќање да биде токму тоа, односно математички да го објаснам на македонските граѓани зошто мислам дека
негативните ефекти врз македонската економија предизвикани од пандемијата на Ковид 19 вирусот ќе предизвикаат драматично зголемување на јавниот долг во однос набруто домашниот производ“, вели лидерот на ВМРО-ДПМНE, Христијан Мицкоски во видео-обраќањето на третиот ден од неговата самоизолација.

Можни се три сценарија за македонската економија и сите завршуваат со огромно зголемување на јавниот долг. Добро е што владата делумно ги прифати мерките од уредбата што ја предложивме, но потребно е уште повеќе, да не се бара од корисниците да ја вратат помошта од државата, релаксирање на фискалната политика и државна помош и за месец март за работниците и компаниите. Не се согласувам со кронизмот, профитерски да се ќарува преку зголемување на акцизата на горивата, што ќе донесе покачување на продуктите потребни за граѓаните.

Posted by Hristijan Mickoski on Недела, 12 април 2020

„Имено би започнал со краток приказ на макроекономските индикатори, коишто се транспарентно објавени на страницата на Министерството за финансии и Државниот завод за статистика, коишто велат дека во 2019 година БДП бил на ниво од 1 милијарда и 341 милиони евра или тој забележал бруто пораст од 3,6 %. Додека пак на почетокот од годината кога бил создаван Буџетот од Министерството за финансии се предвидено дека БДП во 2020 година ќе постигне ниво од 12 милијарди и 32 милиони евра или раст од 3,8 %. Имајќи го во предвид негативното влијание предизвикано од пандемијата на Ковид 19 вирусот, и негативното влијание во Европа и во светот, во македонската економија секако ќе предизвика негативни последици. Она коешто ММФ ни го кажа во текот на вчерашниот ден е нивната апроксимација дека падот ќе биде изразен отприлика околу 4% . Така што сега она првично сценарио што на почетокот од годината Министерството за финансии го изработи за раст од 3,6% е невозможен, туку апроксимацијата на ММФ е некаде околу 4%. Врз основа на таа апроксимација и негативното влијание на дефлаторот си дозволив да изработам отприлика вредност од 11 милијарди евра на бруто домашниот македонски производ на крајот од 2020 година.

Во овој момент јавниот долг на 31.12.2019 година изнесувал 5 милијарди и 541 милиони евра и тоа е податок којшто Министерството за финасии го објавува на својата веб страница, односно тој изнесува околу 48,9% – 49% од БДП на македонската економија.

Понатаму на 1 април оваа година, ресорниот министер, министерката за финасии имаше прес конференција во којашто ја запозна македонската јавност дека подготвуваат одговор на три можни сценарија. Имено Сценариото број 1 опфаќа намалување на приходите за 20%, што би значело дополнителни 700 милиони евра дефицит, на оние веќе планирани 300 милиони евра или тоа би значело зголемување на јавниот долг во однос на БДП на ниво од 59,5% или оптрилика нешто повеќе од 10% во однос на состојбата во којашто сега се наоѓа, на крајот од 2020 година“, вели Мицкоски.

Сценариото број два, според него, предвидува пад на приходите во буџетот од цели 30 проценти или дефицит од прилика од една милијарда евра. Кога на тие веќе една милијарда евра ќе се додадат 300 милиони евра тогаш доаѓаме до зголемување на јавниот долг во однос на бруто домашниот производ од 61 процент или дополнителни отприлика 12 проценти во однос на тоа која што била состојбата на 31 декември 2019-тата година.

И третото сценарио, тоа е сценариото каде што е предвидено пад на приходите во буџетот од 30 проценти, или зголемување на буџетскиот дефицит од една милијарда и 300-тини милиони евра и на тоа кога веќе ќе се додадат планираните 300 милиони евра, доаѓаме до зголемување на јавниот долг во однос на бруто домашниот производ на ниво од 63,7 проценти.

„И сето ова кое што е предвидено во сценаријата предвидува надворешно финансирање на буџетскиот дефицит, без да опфатиме надворешно финансирањекое што е неопходно, да и се помогне на економијата и да се помогне на стопанството, да компаниите останат живи, а да вработените останат вработени во тие компании.

Она што ние го предвидуваме, а тоа е дека неопходно на стопанството ќе му бидат потребни отприлика 4,5 проценти од бруто домашниот производ, практично тоа е помош на македонската економија директно би требало да биде обезбедена од надворешните финасиери што би значело дека во првото сценарио со намалување на приходите од 20 проценти ќе имаме отприлика зголемување на јавниот долг на ниво од 64 проценти, во второто сценариот ќе достигнеме јавен долг од 65,5 проценти, и додека во третото сценарио ќе имаме намалување од 40 проценти од приходите во буџетот, ќе достигнеме ниво од 68,2 проценти.

И тоа ги опфаќа само финансирањата на буџетскиот дефицит, и евентуалната помош кои единствено владата треба да обезбеди за поддршка на стопанството и на вработените од стопанството. Под претпоставка да немаме дополнителни надворешни задолжувањашто би ја поткрепиле ликвидноста во буџетот и ликвидноста на македонското стопанство за обезбедување на макроекономска стабилност.

Се надевам дека сега е малку појасно во однос на тоа кое што зборував, зошто ценам дека јавниот долг на крајот од годината може да достигне дури и износ од 70 проценти од бруто домашниот производ. Во текот на денешниот ден во попладневните часови ја проследив прес конференцијата на ресорниот министер, која што се однесуваше на објаснување на кои компании можат да ја користат помошта од владата, таму некаде после 15-ти мај односно, за нешто повеќе од еден месец од денеска, при тоа оставајќи го комплетно македонското стопанство два месеца на милост и немилост самото да се снаоѓа како знае и умее.

Она кое што можев денеска да го видам е различно од онаа првична уредба која ја донесе министерството за финансии преку владата, а владата ја усвои, и она што можев денеска да го видам дел од мерките кои што министерството за финансии ги има прифатено од уредбата која што ВМРО-ДПМНЕ преку министерот Наќе Чулев ја достави до владата, а техничкиот премиер Оливер Спасовски одби да ја стави на дневен ред“, додава Мицкоски.

Тој апелира средствата кои што како помош ќе и бидат доделени на македонската економија да не се враќаат, да биде вклучен и месец март кој беше исклучително тежок од аспект на шокот кој го претрпуваат компаниите како резултат на негативните ефекти од пандемијата и третата работа да ја релаксираат фискалната политика.

„Така што она кое што сакам да го апелирам до македонската влада, добро е што конечно почнувате да слушате, напуштете ја до крај онаа ваша примитивна надменост и прифатете ги мерките кои што ги нуди ВМРО-ДПМНЕ, кои што ги нуди бизнис заедницата, кои што ги нудат граѓаните и еве донесете трет сет на мерки бидејќи овој вториот ви беше толку забележителен што никој не го забележа, па така еве бидејќи во текот на вчерашниот ден ме критикувавте еве ќе се корегирам донесете веднаш трет сет на мењрки кои што ќе бидат неопходни за справување со негативните ефекти од јули месец понатаму.

Сосема на крај, ќе ми дозволите да исто така го истакна оној кронизам кој што започнува да се имплементира во македонската економија и во македонската политика а неговиот вовед беше со барање на Стопанската комора за зголемување на акцизата на нафтените деривати за дополнителни  денара, начин на кој што дополнително ќе се обезбеди ликвидност на буџетот, навистина нешто незапаметено и навстина нешто чудно кога компаниите самите бараат да се зголемат трошоците, а тоа индиректно, па и директно да имплицира зголемување на цените на продуктите и зголемување на центите за граѓаните, а финално тоа би значело и намалување на куповната моќ на самите граѓани.Навистина овој кронизам на македонската политичка сцена и во македонската економија за нас како ВМРО-ДПМНЕ, за мене како претседател на ВМРО-ДПМНЕ  е не прифатлив“, додава Мицкоски.

Македонија

Димитров: Сè потешко станува да им зборувам на граѓаните за европска интеграција

Објавено пред

Вицепремиерот задолжен за европски прашања, Никола Димитров, денеска на Скопскиот економски форум имаше обраќање на панелот насловен „Испорачување на ветувањето од ЕУ: Да се види за да се верува“, заедно со амбасадорот на Европската Унија, Дејвид Гир и Гашпар Довжен, државен секретар на словенечкото МНР.

Димитров нагласи дека европската визија за Западен Балкан и процесот на проширување мора да биде зајакната, во име на, како што рече, заедничките цели и вредности, како и во име на дадените ветувања.

„Сè потешко станува за мене да разговарам со нашите граѓани и да го одржам наративот дека европската интеграција е навистина можна. Навистина ни треба придвижување. Овој регион е опкружен со земји-членки. Економски, политички и историски, културолошки, припаѓаме на Европа и навистина е важно да видиме конкретни одлуки и движења за поддршка и за исполнување на ветувањето дадено во Солун. Ние немаме алтернатива, освен да станеме функционална европска демократија, што доаѓа заедно со економски просперитет“, посочи вицепремиерот.

Сепак, Димитров и натаму е оптимист дека можно е европско решение со Бугарија, кое е во согласност со европските вредности.

Тој се заблагодари на словенечкото претседателство за нивните планови во однос на Западен Балкан, но и на напорите на португалското претседателство за почеток на пристапни преговори со Северна Македонија.

„Сметам дека треба да ги здружиме силите, да размислуваме стратешки. Имаме визија, а тоа е добра почетна позиција за конвергенција и премостување на разликите меѓу Балканот и Европската Унија во економска смисла. Сите знаеме дека влогот е огромен и сметам дека имаме можност за успех, што треба да го искористиме во месеците што доаѓаат. Се разбира, проевропските сили ќе станат послаби ако не успее европската визија во овој регион и тоа не треба да го потценуваме“, дециден е вицепремиерот.

Словенечкиот државен секретар Довжан потенцираше дека вклучувањето на Западниот Балкан во ЕУ не е само од интерес на земјите од регионот, туку и геостратешка потреба на Унијата и нагласи дека проширувањето на ЕУ ќе биде еден од приоритетите на словенечкото претседателство.

Амбасадорот Гир ја повтори позицијата на Европската комисија дека почетокот на преговори со Северна Македонија и Албанија останува приоритетно прашање и дека процесот на проширување мора одлучно да се движи напред.

Прикажи повеќе...

Македонија

Маричиќ: Потребен е консензус за промена на изборниот модел

Објавено пред

Министерот за правда, Бојан Маричиќ, денеска изрази задоволство од конструктивноста на политичките субјекти и од досегашниот постиганат начелен договор за имплементација на препораките на ОБСЕ и ОДИХР, но посочи дека дополнителнително останува да се дефинира самиот изборен модел.

,,Партиите ќе мора да продолжат и периодот после изборите, уште поинтензивно и конструктивно да пристапуваат кон ова прашање, бидејќи е од особено значење за државата, но првенствено за самите граѓани”, порача министерот.

Како што информираат од ресорното министерство, поголемиот дел од измените на Изборниот законик на кои се работело изминатиот период, според препораките на ОБСЕ/ОДИХР, бил во делот на водење на избирачкиот список, начинот на кандидирање, финансирање на изборна кампања и заштита на избирачкото право.

Што се однесува околу самиот изборен модел, Маричиќ истакна дека ставот на владината коалиција е членовите на општинските совети да се бираат преку отворени листи.

„На овој начин граѓаните ќе имаат можност да гласаат повеќе за личност отколку за партија, што ќе биде дополнителна вредност и мотив партиите да кандидираат луѓе со кредибилитет во општеството, односно ќе можат најсоодветно и најквалитетно да одговорат на обврските во советите“, посочи министерот.

Тој воедно уште еднаш потенцираше дека Изборниот законик се менува со консензус и од таа пракса нема отстапување.

Прикажи повеќе...

Македонија

Османи и Сијарто го отворија Почесниот конзулат на Унгарија во Штип

Објавено пред

Министерот за надворешни работи, Бујар Османи заедно со министерот за надворешни работи и трговија на Унгарија, Петер Сијарто, официјално го отворија Почесниот конзулат на Унгарија во Штип.

Во своето обраќање, министерот Османи нагласи дека со отворањето на овој почесен конзулат, кој како подрачје на покривање го има целиот Источен регион на земјава ќе се овозможи голем економски потенцијал и за унгарските инвеститори, но и потенцијал за домашните извозно ориентирани бизниси да ги искористат можностите на големиот унгарски пазар. Во оваа прилика упати честитки и за новоименуваниот Почесен конзул, Данела Арсовска, за која како актуелен и долгогодишен предводник на Сојузот на Стопански комори, оваа функција ќе и биде уште предизвик преку кој ќе создаде услови за фелата од каде доаѓа, за бизнисите во земјава, за искористување на исклучително блиските односи кои ги негуваме со нашите пријатели од Унгарија.

„Уверен сум дека ние како политичари, нешто за кое со колегата Сијарто секогаш сме согласни, е дека мора да обезбедиме повеќе простор за развој на бизнисот, за прилив на нови странски инвестиции, за повеќе пазари за постојните бизниси, повеќе работни места, поголеми примања и сѐ она што преставува зголемување на економската активност и пред сѐ унапредување на економскиот стандард во најширока смисла на зборот“, истакна Османи.

На билатералната средба меѓу Османи и Сијарто, која следеше по официјалното отворање на Почесниот конзулат, двајцата министри го поздравија интензивниот политички дијалог и меѓусебна соработка, како и одличните билатерални односи и подготвеноста, покрај на политичката димензија, на нашите односи да биде додадена вредност и со многу други форми и активности на соработка, за што двете страни вложуваат напори.

Министерот Османи, како што информираат од неговиот кабинет, се заблагодарил за досегашната помош која Унгарија ја обезбеди за Северна Македонија во нејзиното справување со пандемијата, а разменети биле мислења и за најновите мерки за отклонување на економските последици од оваа сложена здравствена криза.

Соговорниците ја искористиле приликата да разговараат за најновите состојби во процесот на европската интеграција на Северна Македонија, биле разменети и други прашања од интерес за нашиот регион, регионалната соработка и безбедноста на нашите граници, како и ангажманите во Регионот на планот на придвижувањето кон Европската унија.

Прикажи повеќе...

Најново

Економија8 часа

Владата го утврди предлогот за поскапување на горивата, на ред се пратениците

Предлогот за законски измени за повисока еколошка такса за нафтените деривати одат на усвојување во Собранието. Владата на денешната 82...

Свет9 часа

Европска здравствена агенција: Делта вирусот ќе доминира во Европа ова лето

Делта варијантата на коронавирусот, првпат откриена во Индија, значително ќе се прошири низ Европа во текот на летото, предупреди Европската...

Топ9 часа

Изгоре камп возило на туристи на Матка

Камп возило на туристи од Полска целосно изгоре на Матка, а уште едно возило е оштетено, соопшти МВР. „Вчера настанал...

Македонија13 часа

Пет нови случаи на Ковид-19, почина 39-годишник од Кичево

Министерството за здравство информира дека во последните 24 часа се направени 2.466 тестирања, а регистрирани се 5 нови случаи на...

Македонија13 часа

Заев: ЕУ има проблем, ние ќе бараме решение и не се откажуваме од заслужената интеграција

„Европа има проблем. Големата идеја за обединета Европа денес има проблем. А проблемот е самата ЕУ. Брисел ни порача дека...

Европа13 часа

Тензии во Црното Море: Руски истрели кон британски воен брод

Руски воен брод испукал предупредувачки истрели кон уништувач на британската кралска морнарица, ХМС Дифендер, откако влегол во руските води во...

Македонија14 часа

Утре и задутре портокалова фаза: Од работа да се ослободат бремените жени и лицата над 60 години

Во текот на следните два дена (четврток и петок), целата територија на државата ќе биде зафатена со температури од портокалова...

Македонија16 часа

Омбудсман: МВР да утврди одговорност кај службите за прекинот во издавањето лични документи

Народниот правобранител изразува загриженост во однос на повторниот прекин на издавање на лични документи (лични карти, патни исправи, возачки дозволи...

Европа16 часа

По најавите дека стадионот во Минхен ќе свети во боите на виножитото, Орбан не доаѓа на натпреварот

Oткако неколку германски политичари жестоко ја критикуваа одлуката на УЕФА за забрана за осветлување на стадионот во Минхен во боите...

Македонија16 часа

Македонија на листата на безбедни земји за патување во Австрија

Три балкански држави се најдоа на австриската листа на безбедни земји за патување. Австриското Министерство за здравство ги објави имињата...

Македонија17 часа

Атина гневна зошто Заев на „Твитер“ напишал македонска фудбалска репрезентација

Грција го замрзнува ратификувањето на меморандуми за соработка со Северна Македонија поради објава на премиерот Зоран Заев на „Твитер“ за...

Свет19 часа

Најлошото допрва доаѓа, алармантно предупредување на научниците за клима

Недостиг на вода, глад, исчезнување на одредени видови животни и растенија, животот на Земјата, неизбежно ќе се трансформира со климатските...

Свет19 часа

Убијците на Кашоги поминале обука во САД, одобрена од Владата

Четворица Саудијци кои учествуваа во убиството на новинарот на „Вашингтон пост“, Џамал Кашоги во Истанбул во 2018 година, поминале обука...

Македонија1 ден

Владата одлучи дека компаниите за превоз можат да возат со полни автобуси

Владата на денешната седница ја прифати препораката на Комисијата за заразни болести да се одобри превоз на патници, со максимален...

Македонија1 ден

Влада: Ахмети не разговарал со СДСМ и Заев за промена на знамето, грбот или химната

Ниту во Владата, ниту во владејачката партија СДСМ, ниту со премиерот Заев не е разговарано за промена на знаме, грб...

Македонија1 ден

Бугарија не ја трга блокадата за Македонија, но го пофали прогресот на Албанија

Бугарија го потврди својот став за европската перспектива на Република Северна Македонија на денешниот редовен состанок на Советот за општи...

Македонија1 ден

13 нови случаи на Ковид-19, починати нема

Министерството за здравство информира дека во последните 24 часа се направени 2.952 тестирања, а регистрирани се 13 нови случаи на...

Македонија2 дена

И во кризната 2020 година општините потрошиле на тендери исто колку и во 2019 година, лидер е Град Скопје

Центарот за граѓански комуникации (ЦГК) ја објави Базата на податоци за јавни набавки на општините во 2020 година според која...

Македонија2 дена

Филипче очекува до крајот на летото да постигнеме колективен имунитет

Министерот за здравство, Венко Филипче очекува до крајот на летото да биде постигнат колективен имунитет. Според планот за имунизација, како...

Свет2 дена

Кубанска вакцина против коронавирус покажа 92,28 проценти ефикасност

Кандидатот за вакцина „Абдала“ против коронавирус, изработена од Куба, која е и прва што се развива во Латинска Америка, покажа...

Досие