Македонија
(Видео) МТСП: Лицата со попреченост заслужуваат подеднакви можности за развој како сите граѓани во државата
![](https://makfax.com.mk/wp-content/uploads/2023/11/53358645397_375bf433b4_o.jpg)
Претседателот на Владата на Република Северна Македонија, Димитар Ковачевски и министерката за труд и социјална политика, Јованка Тренчевска заедно со заменик-министерката за правда, Викторија Аврамовска Мадиќ го посетија Дневниот центар „ЕДУ Практика“ во Општина Струмица.
Премиерот Ковачевски информираше за бројот на центри за лица со попреченост во државата, тој посочи дека моментално има 35 државни дневни центри и 8 дневни центри во кои работат лиценцирани даватели на социјални услуги. Премиерот се осврна и на процесот на деинституционализација во државата како дел од заложбите за инклузија на оваа Влада.
„Уште во 2017 година, го почнавме процесот на деинституционализација, државата вложи големи средства за отворање на нови мали групни домови. Со тоа овозможивме 24 часовна поддршка за лицата со попреченост, и можност да растат и да се развиваат во хумани услови. Донесовме нов закон за социјална заштита на лицата со попреченост, со кој им овозможивме на овие наши граѓани да добиваат нови социјални услуги како поддршка за развојот во процесот на социјална инклузија во заедницата каде живеат. Владата која ја предводам, креира системски решенија кои даваат резултати на долг рок. Изградивме систем на социјална заштита што ќе одговори на предизвиците со кои се соочуваат најранливите категории на граѓани. Обезбедивме средства за редовна исплата на правата од социјална и детска заштита и дополнителна финансиска поддршка“, рече Ковачевски.
Тренчевска во своето обраќање потенцираше дека центарот „ЕДУ Практика“ е дел од социјалната реформа која ја донесе Владата во 2019та година.
„Дневениот центар „ЕДУ Практика“ во кој сме денес е токму дел на социјалната реформа. Сакам да потенцирам дека преку Проектот се овозможени различни видови на услуги, како што се помош и нега во домот, услуги за активно стареење, услуги за престој на лица со попреченост со индивидуални третмани, услуги за рехабилитација и ресоцијализација и лична асистенција, преку кои на повеќе од 1200 корисници им е значително подобрен квалитетот на живот.
Центарот за дневен престој на деца со попреченост со индивидуален третман е трет ваков во државата кој обезбедува поддршка на родителите на деца со попреченост и кој со своите активностите придонесува кон развој на децата. Toj е наменет за 44 деца со попреченост на возраст од 3 до 14 години.Ова е прв центар кој ги спојува дневниот престој и индувидуалниот третман, а вклучувањето на двете услуги има повеќе аспектно позитивно влијание врз децата со попреченост“, изјави Тренчевска.
Министерката истакна дека пораките од родителите на децата кои се корисници на центарот се навистина охрабрувачки и дека секоја средба е исполнета со дискусија која го утврдува напредокот на децата во изминатите неколку месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.