Македонија
(Видео) Облаци црн чад се креваат од гинекологијата во Чаир

На социјалните мрежи денеска почна да кружи видео снимка на која е направена од Специјалната болница по гинекологија во Чаир, каде што се гледа црн чад од оџаците на болницата.
Во коментарите на социјалните мрежи граѓаните прашуваат на што се грее болницата, и што го проиведува тој црн облак кој излегува од оџаците, во коментарите може да се забележи и дека грашаните кои поминуваат или живеат таму се жалат на непирјатен и лош мирис.
Скопје до пред неколку дена беше на врвот на листата за најзагадени градови во светот, додека пак утринава се спушти на 11-тото место. Владата пред околу една недела воведе и превентивни мерки и препораки против аерозагадувањето кои за само два дена беа укинати, со образложение дека загадувањето се намалило.
Загадувањето во главниот град е долгогодишен проблем со кој се справуваше и поранешната, но се справува и сегашната власт, но на проблемот со загадувањето му нема крај. На граѓаните им преостанува да се надеваат дека најавениот југозападен ветер, кој според синоптичарите ќе дува во текот на денот, ќе го задржи минималното ниво на ПМ10 честички во воздухот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се врати во функција бројот 192 на МВР

Отстранети се техничките проблеми и повторно е во функција телефонскиот број 192, кој граѓаните на Скопје можат да го користат за било каква пријава или информација, информира Секторот за внатрешни работи Скопје.
За истата намена, како што велат, редовно функционира и телефонскиот број 112, како и телефонските броеви на полициските станици во населбите каде граѓаните живеат.
Македонија
Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување.
Поради големиот пожар повеќе населби во Скопје беа без електрична енергија, а од ДЗС информираат дека набргу дел по дел, ќе биде пуштена електричната енергија.
Македонија
Вкупно 12 пожари на отворен простор, од кои три се активни, осум изгаснати, а еден под контрола

Заклучно со 18:00 часот, на територијата на државава има вкупно 12 пожари на отворен простор, од кои три се активни, еден е под контрола, а осум се изгаснати.
Активни се пожарите во Општина Македонски Брод во Повеќенаменското подрачје Јасен каде гори мешана шума, во Општина Кавадарци кај селото Фариш каде повторно е потпалена ниска вегетација и во Општина Гази Баба кај поранешната депонија Вардариште каде гори ѓубриште, инфорира Центарот за управување со кризи.
Под контрола е приземен пожар на планината Кожуф во Општина Гевгелија, а изгаснати се пожарите во Општина Долнени кај село Долгаец (мешана шума), Општина Делчево кај Градската депонија (ѓубриште), Општина Куманово кај филтер станицата (ниска вегетација), Општина Центар на Кеј 13 Ноември (ѓубре), Општина Илинден кај село Миладиновци (ниска вегетација) и кај Индустриска зона Бунарџик (ниска вегетација и патничко возило), Општина Ѓорче Петров покрај Лепенец (ѓубре) и Општина Сарај кај езеро Треска (ѓубриште).