Контакт

Македонија

(Видео) Одбележан меѓународниот ден за борба против корупцијата

Објавено пред

„Борбата против корупцијата е процес за којшто ни треба единство, ни треба соработка и придонес од секого. Затоа, уште повеќе ќе ја зајакнеме координацијата меѓу надлежните институции, министерствата, независните институции како што се Државната комисија за спречување корупција и судовите, невладиниот и приватниот сектор за фокусирани стандарди и ефективни механизми за следење и за спречување на сите форми на корупција. Сега сме дел од НАТО и најблиску до ЕУ, свесни сме дека нашата волја и храброст е законот да важи за секој, да нема привилегирани и недопирливи, да нема неказнивост!“, истакна заменик-претседателот на Владата задолжен за борба против корупција, човечки ресурси и одржлив развој, Љупчо Николовски на денешната конференција, која по повод одбележувањето на Меѓународниот ден за борба против корупцијата, во организација на неговиот Кабинет се одржа во Скопје.

dobivaj vesti na viber

„Свесни сме дека корупцијата е сериозна закана за владеењето на правото, демократијата и економскиот развој. Освен закана тоа нѝ е и најголем мотив да не бегаме од таа тешка реалност, да не одлагаме повеќе, да не калкулираме туку одлучно да се спротивставиме и да одработиме за доброто на сите“, рече Николовски, во рамки на двочасовната конференција под мотото „Твое право, твоја должност! Кажи не за корупција!“ на која се обратија и учествуваа и претседателот на државата Стево Пендаровски, претседателот на Собранието, Талат Џафери, амбасадорката на Соединетите Американски Држави, Кејт Мери Брнз, заменик-шефот на Делегацијата на Европската Унија во Република Северна Македонија, Џулијан Васало, раководителката на програмската канцеларија на Советот на Европа, Лејла Дервишагиќ, раководителот на Канцеларијата на Обединетите нации за дрога и криминал (УНОДЦ), Бил Вуд, како и директорката на Регионалната антикорупциска иницијатива (РАИ) Десислава Готскова, како и одделни претставници на антикорупциски институции и независни тела.

Осврнувајќи се на Планот за борба против корупција и успешната реализацијата на владините заложби за остварување на реформите и воведувањето на функционални механизми за спречување на корупцијата и криминалот, Николовски ги спомена сите конкретни промени кои изминатите 10 месеци беа донесени и преземени во соработка со останатите министерства и антикорупциски институции, за кои беше презентирано и ретроспективно видео.

Николовски особено го нагласи воведувањето на Активната транспарентност, односно остварувањето и поставувањето на стандардот за пристап до сите информации и достапноста на граѓаните и медиумите за следење на секоја трансакција направена со парите на граѓаните. Имплементирани се повеќе препораки од ГРЕКО, воведена е јасна обврска за сите министри за објава на имињата на сите посебни советници и други надворешно ангажирани лица и донесена е нова Уредба за критериуми, начин на давање, пријавување и примање дарови.

Донесен е нов Кодекс за етичко однесување кој за прв пат ги опфати сите носители на јавни функции именувани од Владата, вклучувајќи ги и нејзините членови, кој беше применет и согласно неговите одредби беа разрешени повеќемина функционери поради неговото прекршување.

За институциите, додаде Николовски, се воведени нови обврски за изработка и јавно објавување на интерни процедури за јавни набавки, за прв пат се изработуваат антикорупциски програми, се назначуваат овластени лица за прием на пријави доставени заради заштитено внатрешно пријавување за постоење на евентуална корупција. Започна реализацијата на системот „Е-инспектор“ за дигитално спроведување на надзорите и контролите и за прв пат сериозно Владата работи на дигитална трансформација на општеството како една од клучните компоненти како механизам за намалување на ризик факторите за корупција со цел подобрување на квалитетот на живот на граѓаните и олеснување на нивната комуникација со институциите.

Во своето обраќање Николовски го спомена и новиот подготвен Закон за потекло на имот и воведувањето на граѓанска конфискација, со кој се воведува контрола на капиталот, со што се отвора патот за конфискација на имотот, за којшто не може да се докаже од каде потекнува, како и усвоената Национална стратегија за јакнење на капацитетите за водење на финансиски истраги и конфискација на имот со Акциски план 2021/23 година и за прв пат е активирана и Националната Комисија чија основна функција е следење на акциските планови на стратегијата.

Покрај измените и дополнувањата за Законот за јавни претпријатија и јавни установи, според кој се намалува бројот на членови на управни и надзорни одбори, беше спомената и Одлуката со која се ограничуваат трошоците за угостителски услуги за работни состаноци во угостителски објекти, која што важи за сите државни функционери, како и Уредбата, со која се регулира и користењето на службените возила на функционерите.

Воведен е систем за следење предмети кој им овозоможува на граѓаните и на правните лица да пријавуваат проблеми за непостапување на институциите по основ на конкретни услуги и предмети и електронско следење на нивното решавање. Со измените на законите за административни службеници се обезбедува департизација и обезбедување квалитет и јасни и еднакви критериуми за вработување и еднакви можности и шанси за секој. Мерки за спречување ризик од коруптивни дејства се и воведените аудио и видео надзори во работата на различен тип на службеници, инспектори и контролори, Предлог-мерката, воведување на Регистар на цени на стоки и услуги, се уредува процесот на планирање на јавните набавки и подготвувањето на годишните планови за јавни набавки и обврската на економските оператори да ги користат референтните цени истакнати во регистарот на цени при распишувањето на јавната набавка. Во соработка со стопанските комори предвидуваме да се воведат антикорупциски програми и правила за интегритет во приватниот сектор, за штитење на интегритетот на релевантните приватни компании“, информираше Николовски додавајќи дека се предвидува и нов електронски систем за пријавување корупција, електронски систем за распределба на предмети во Државното правобранителство, воспоставување на ревизорски комитет за ефективно потапување по препораките на државниот завод за ревизија.

Николовски, истакна дека Владата како партнер со граѓаните и невладиниот сектор и медиумите се заедно во борбата против корупцијата, кога гласно се известува и се разоткриваат случаи, во споредба со минатото кога тоа не беше воопшто можно, а отстранување на корупцијата од општеството се остварува со обезбедување одговорно, инклузивно и транспарентно донесување одлуки на сите нивоа, како и со развивање ефективни, одговорни и транспарентни институции.

Претседателот Пендаровски, во својот говор истакна дека корупцијата ја слабее државата, ги осиромашува граѓаните, ги компромитира демократските институции и цената ја плаќаат сите, особено, најранливите категории на луѓе меѓу нас.

Додавајќи дека независно од тоа дали причините за корупцијата ќе ги бараме во човековата природа, во системските и структурни недостатоци или законски празнини, Пендаровски оцени дека постои еден фактор што неспорно ја поттикнува оваа штетна појава, а тоа е културата на неказнивост.

„Многу е важно, санкционирањето да не се ограничи само на лица од вториот или третиот ешалон на власта, туку да ги опфаќа и најмоќните. Меѓутоа, она што посебно загрижува е што таквите поединци не само што не се санкционирани, туку отсуствува и елементот на јавен срам. На јавен срам треба да биде изложен секој за кој ќе се докаже дека е корумпиран. Наша должност е, борејќи се против корупцијата, да создадеме праведно општество на еднакви граѓани. Без тоа, демократијата и државноста ќе ни останат само на хартија“, упати порака претседателот Пендаровски на денешната конференција со мото: „Твое право твоја должност! Кажи не за корупција!“

Претседателот на Парламентот на Република Северна Македонија, Џафери ја оцени потребата од обединување и соочување на сите граѓани, а не само на државниот апарат, во борбата против корупцијата, која како што подвлече е глобален проблем.

„За да го постигнеме ова, мора да воспоставиме политики, систем и мерки за секој да може да се чувствува безбеден да зборува јавно и гласно кога ќе ѝ каже не, на корупцијата којашто на зачудувачки начин успева да најде плодно тло во секоја сфера на општеството, нанесувајќи притоа ненадоместлива штета на очекуваниот одржлив развој и напредок на земјата, злоупотребувајќи ги вредните ресурси кои се неопходни за обезбедување на стандардни услови за живот за сите наши граѓани и за обезбедување на поширок пристап до елементарните услуги како што се здравствената заштита и образованието, без притоа да се запостават напорите за обезбедување на здрава и чиста животна средина, постигнувањето на родова еднаквост и отворањето на нови работни места. Недоличното и неправилното постапување со јавните ресурси особено е штетно во ова време кога се тие најпотребни за одговор и закрепнување од пандемиската криза со КОВИД-19“.

Амбасадорката на САД, Брнз во своето обраќање подвлече дека за да напредуваат демократиите, мора да постојат одговорни институции, кои одговараат на потребите на граѓаните, притоа истакнувајќи дека повеќе од две децении, американската Влада е силен поддржувач на бројните антикорупциски напори преземени од Владата, како и независни тела за поддршка на силна, стабилна и просперитетна нација.

Заменик-шефот на Делегацијата на Европската Унија во Република Северна Македонија, Џулијан Васало во денешното обраќање на конференцијата, истакна дека ефикасната борба против корупцијата, заедно со почитувањето на правото и демократските принципи се главен предуслов за идното членство во Унијата. Тој додаде дека борбата против корупцијата подразбира пристап на целото општество и фундаментална промена од врвот до дното, бидејќи користа ќе биде за сите.

Раководителката во програмската канцеларија на Советот на Европа во Скопје, Лејла Дервишагиќ и шефот на програмската канцеларија на УНОДЦ во нашата земја Бил Вуд, во своите обраќања, како и директорката на Регионалната антикорупциска иницијатива (РАИ) Десислава Готскова, во видео обраќање се осврнаа на важноста на вклучувањето на секој поединец при почитувањето на воспоставените ефикасни механизми за успешно сузбивање на корупцијата и криминалот и за спречување на оштетување на државниот буџет, потенцирајќи дека остануваат отворени за поддршка и натамошна соработка, во полза на заедничките цели и приоритети.

Дел од конференцијата, на која присуствуваа и претставници на законодавната и извршната власт, меѓународната заедница и претставници на меѓународни организации, беа и видео пораки испратени од министерот за внатрешни работи, Оливер Спасовски, министерот за правда, Бојан Маричиќ и повеќе директори и претставници на институции, кои соработуваат со Кабинетот на заменик-претседателот на Владата задолжен за борба против корупцијата и криминалот, одржлив развој и човечки ресурси, порачувајќи дека најсилната алатка за сочувување на една држава е спроведување на демократските процеси, почитувањето на правото и одговорното справување со криминалот и корупцијата преку почитување и унапредување на воспоставените механизми.

Македонија

Од утре Мицкоски во Минхен на безбедносната конференција: во фокусот, геополитичката стабилност и улогата на Македонија како столб на стабилност во Западен Балкан

Објавено пред

Oд утре (петок) премиерот Христијан Мицкоски заедно со министерот за одбрана Владо Мисајловски, министерот за надворешна политика и надворешна трговија Тимчо Муцунски и министерот за внатрешни работи Панче Тошковски ќе биде во неколкудневна посета на Сојузна Република Германија, каде ќе присуствува на 62-та Минхенска безбедносна конференција.

dobivaj vesti na viber

Во рамки на конференцијата, Мицкоски ќе оствари серија билатерални средби со европски лидери, високи претставници како и челни луѓе на меѓународните безбедносни организации.

Во фокусот на разговорите ќе бидат геополитичката стабилност на регионот, нагласувајќи ја улогата на Македонија како столб на стабилноста во Западен Балкан и активен придонесувач во НАТО алијансата.

Исто така премиерот Мицкоски на средбите и состаноците ќе ја реафирмира позицијата на државата за неопходноста од предвидлив и фер пат кон полноправно членство во ЕУ, без наметнати билатерални пречки.

На маргините на конференцијата, предвидени се средби со високи претставници на Европската Унија како и со шефови на влади и држави.

Прикажи повеќе...

Македонија

Филипче да каже зошто со Заев дозволиле одгледување на канабис на отворено спротивно на закон, кои им биле мотивите и кој и колку профитирал, велат од ВМРО-ДПМНЕ

Објавено пред

Филипче жестоко се обидува да го одбрани својот ментор Заев и поврзаноста на луѓето блиски до СДС во последниот скандал со запленетата марихуана, велат од ВМРО-ДПМНЕ.

dobivaj vesti na viber

„Филипче и кланот Заеви, Македонија ја претворија во Балкански „нарко-центар“, каде наместо медицинска се произведувала марихуана за црниот пазар. Запленетите 40 тони марихуана, директно водат до фирми блиски до Заев и Филипче.

Венко Филипче е без кредибилитет. Нема афера и скандал, а тој и Заев да не се вплеткани. Филипче и Заев се синоним за криминал, корупција, импровизации, нетранспарентни одлуки и контроверзи. Филипче е човекот кој го уништи здравствениот систем во државата“.

Македонија во време на владеењето на СДС, додаваат од владејачката партија, Зоран Заев и Венко Филипче, наместо строго контролирано производство на канабис за медицински цели, беше претворена во балкански нарко центар за шверц на марихуана на црниот пазар.

Според нив, факт е дека темелите на бизнисот за марихуана ги постави владата на Зоран Заев во 2020 година, додека Филипче беше министер за здравство.

„Владата на СДС делела лиценци на фирми поврзани со Зоран и Вице Заев, а резултат на тоа, денес се тони дрога и сериозни безбедносни последици за државата.

Факт е и дека околу 70 проценти од запленетата дрога деновиве е на фирма во сопственост на луѓе на Заев.

Медицинската марухуана била параван за организиран криминал во огромни размери“.

Прашуваат, зошто Заев лично се интересирал за случајот со петте тони марихуана запленети во Србија?

„Зошто Заев и Филипче дозволиле одгледување на канабис на отворено спротивно на закон, кои им биле мотивите и колку профитирале?

Дали измените на правилникот се донесени по конкретна насока од Заев, и дали со нив се отворил простор за можни злоупотреби и незаконска трговија?

Одговорност мора да има“.

Прикажи повеќе...

Македонија

Сообраќајот на државните патишта се одвива во зимски услови, по наместа влажни коловози

Објавено пред

Сообраќајот на државните патишта се одвива во зимски услови, по наместа влажни коловози.

dobivaj vesti na viber

Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Прикажи повеќе...

Најново

Свет1 час

Скандал во ЕУ: полицијата упадна во просториите на Европската комисија

Белгиската полиција спроведе претрес во просториите на Европската комисија во Брисел. Станува збор за истрага за можни неправилности во продажбата...

Македонија5 часа

ССМ: Ако газдите не се одважат да дадат дел од колачот на работниците, ќе бидеме приморани секојдневно да бидеме на улица

Сојузот на синдикати на Македонија (ССМ) денес напладне ги блокираше стопанските комори во Скопје кои одбиваат да се согласат минималната...

Македонија7 часа

Трендафилов треба да ѝ се извини на Стојановска, смета Мицкоски: Со крвави зеници и белки во очите напаѓа мајки, сестри и сопруги

Ниту истраги од МВР и Обвинителството ниту одземање на имунитетот, премиерот Христијан Мицкоски смета дека претседателот на Сојузот на синдикати...

Македонија8 часа

Бислимоски го информирал Собранието за оставката, РКЕ му се заблагодарува за долгогодишната соработка

Претседателот на Регулаторната комисија за енергетика, Марко Бислимоски, го известил Собранието дека поднесува оставка од функцијата, соопшти Регулаторната комисија за...

Македонија9 часа

Државниот архив со неповолна ревизија: Неевидентирани објекти, слабости во пописот и пресметката на платите

Државниот завод за ревизија изврши ревизија на финансиските извештаи заедно со ревизија на усогласеност со законската регулатива, упатствата и воспоставените...

Македонија9 часа

Филков: Изборот на јавните обвинители повеќе нема да биде резултат на договори, туку процес заснован на заслуги

Изборот на јавните обвинители повеќе нема да биде формалност или резултат на затворени договори – туку процес заснован на заслуги,...

Македонија9 часа

Заврши истрагата за отпадот во Визбегово, обвинети три физички и едно правно лице

Јавен обвинител од Основното јавно обвинителство Скопје, по спроведена истражна постапка, поднесе обвинение против три физички и едно правно лице...

Топ11 часа

Во Белград уапсен Саит Саитов, кој прегази жена во Капиштец и избега

Министерството за внатрешни работи извести дека вчера биле информирани од надлежните служви во Србија дека во Белград е лишен од...

Европа13 часа

(Видео) Поранешен шеф на МИ6: Руските загуби се застрашувачки

Русија можеби изгубила околу двојно повеќе војници во Украина во декември 2025 година отколку што Советскиот Сојуз изгубил за време...

Свет13 часа

Објавена фотографија од убиецот од Канада со пушка: и неговата мајката меѓу жртвите

Трансродов 18-годишник кој го напуштил средното училиште ги убил мајка си и полубратот пред да убие уште шест други во...

Европа14 часа

Русија се обиде да го блокира WhatsApp: промовира апликација во државна сопственост

Американската технолошка компанија Мета соопшти дека руските власти се обиделе да ја блокираат нејзината апликација за пораки WhatsApp во обид...

Европа14 часа

(Видео) Нов голем руски напад врз Киев, градот преплавен од ракети

Украинскиот главен град Киев повторно беше погоден од голем руски ракетен напад рано утрово, при што беа погодени неколку згради,...

Регион14 часа

Косово доби нова влада, Курти повторно е премиер

Парламентот на Косово ја изгласа новата влада, повторно предводена од премиерот Албин Курти, по повеќе од една година политички ќорсокак...

Свет14 часа

Шефот на Инстаграм на суд: Апликацијата не предизвикува клиничка зависност

Адам Мосери, шефот на Инстаграм, сведочеше дека не верува дека корисниците можат да бидат „клинички зависни“ од апликацијата за социјални...

Македонија24 часа

Филипче: Нема да дозволам внатрепартиско роварење и поделби платени од ВМРО

Претседателот на Социјалдемократскиот сојуз на Македонија, Венко Филипче, на вечерашната средба во Штип со општинските организации од изборната единица 3,...

Македонија1 ден

Забраната на социјалните мрежи за најмладите во Македонија би била радикален чекор, рече министерот Андоновски во Прилеп

Министерот за дигитална трансформација, Стефан Андоновски, изјави дека Владата не размислува за забрана на социјалните медиуми за деца и млади,...

Македонија1 ден

Трендафилов побара мерки против пратеничката Дафина Стојановска оти ги објави неговите деца и за утре најави блокада на газдите

Утре напладне, повторно со најмалку 21 работник, Сојузот на синдикати на Македонија (ССМ) ќе ги блокира Стопанската комора, Организацијата на...

Македонија1 ден

Парите на граѓаните кои ваделе пасош си ги ставал во џеб, кривична пријава за вработен во одделот за издавање документи во Штип

Вработен во Одделението за управни работи Штип ги лажел граѓаните кои ваделе пасош дека не работи пост терминалот за наплата со...

Македонија1 ден

ВМРО-ДПМНЕ предлага продолжување на рокот за легализација на бесправно изградени објекти до 2031 година

Пратеничката група на ВМРО-ДПМНЕ и коалицијата минатата недела поднела Предлог на закон за изменување на Законот за постапување со бесправно...

Топ1 ден

МВР со детали за тешката сообраќајна незгода на влезот во Скопје: автомобил и камион целосно изгореа, 25-годишник тешко повреден

Вчера во 23:00 часот во СВР Скопје било пријавено дека на автопатот Скопје-Куманово, пред клучката за обиколница на Град Скопје,...