Зоолошката градина во Скопје ќе работи по вообичаеното работно време за време на велигденските празници и за 1-ви мај.

Од Зоолошката информираат дека билетарата работи како и секој ден до 18 часот.

Министерот за надворешни работи го искоментира слоганот „Правда за Македонија“, на кандидатката за претседател, Гордана Сиљановска-Давкова, посочувајќи дека тоа значи неказнивоста за партијата, односно за луѓето на врвот на ВМРО-ДПМНЕ.

„Возам кон состанок сабајлево и ги гледам билбордите “Правда за Македонија”. Навидум, ова изгледа многу контрадикторно. Кандидатката на групата чија основна цел од денот кога ја слушнавме првата бомба до денес е да се избега од лична одговорност, па макар тоа да значи напад на Собранието или закопување на сопствената држава, стокмиле ваков слоган. За да се разбере, треба да се употреби нивниот специјален речник. Правда значи неказнивост, а Македонија значи партијата. Слоганот всушност е “Неказнивост за партијата”. Или уште попрецизно, за тесниот круг луѓе на врвот на партијата. Татковината тука за жал е само заложник и ништо повеќе“, напиша Димитров.

По повод христијанскиот празник Велики Петок, кандидатката за претседател, Гордана Сиљановска-Давкова на нејзиниот „Фејсбук“ профил напиша дека секој од нас носи венец од трње и тежок крст на плеќите, но таа во моментов се чувствува како да го носи најтешкиот.

„Денес е Велики Петок или Распет Петок. Денот кога е распнат Исус Христос. Ова е најтежок ден во Страдалната седмица. Ден кога Исус невино пострадал за спасението на целиот човечки род. Секој од нас носи венец од трње и тежок крст на плеќите во оваа македонска Голгота. Јас во моментов се чуствувам како да го носам најтешкиот крст. По патот сум плукана и навредувана. Од сите на кои не им одговара демократска Македонија каде има владеење на парвото.

Денес на Велики Петок повикувам сите да го пронајдеме во себе Симон и помогнете ми да го однесам македонскиот крст за враќање на политиката во рамки на правото“, пишува на својот Фејсбук профил, Гордана Силјановска Давкова, претседателскиот кандидат поддржан од ВМРО-ДПМНЕ.