Македонија
(Видео) Попов: Шилегов да каже колку го чини Градот украдената опрема од фонтаните и кој ќе ја плати
Петре Шилегов граѓаните го прогласија за градоначалник што досега најмалку сработил, а како тргнало, ќе го прогласат и за градоначалник што најмногу украл.
По плаќањето адвокати со астрономски суми од касата на ЈП „Водовод и канализација“, градот одвои над половина милион евра за одржување на фонтаните што подолг период ги нема пуштено“, обвини Сергеј Попов, член на УМС на ВМРО-ДПМНЕ.
Неколку фонтани во центарот на Скопје оваа сезона останаа непуштени, а Градот распиша тендер за одржување на фонтаните од над половина милион евра.
Петре Шилегов преку ЈП „Водовод и канализација“ на сметка на фирмата „Хидротек“ ДООЕЛ Скопје ќе префрли 580.000 евра за одржување и набавка на резервни делови, кои властите тврдеа дека се украдени.
Власта тврдеше дека од фонтаните се украдени делови за 60.000 евра, но сега сумата што се наплаќа за одржување и резервни делови е десеткратно поголема. Колкава е вистинската штета што е причинета и дали штетата е само изговор да се реализира милионски бизнис?
Шилегов мора да одговори колку го чини Градот украдената опрема од фонтаните и кој ќе ја плати? Дополнително, дали зад кражбата стоеше бизнис-интерес за склучување договор вреден над половина милион евра за одржување на фонтаните?
Дали зад одржувањето на фонтаните се крие уште една матна зделка? Дали буџетот на скопјани, наместо за создавање нови добра, се користи за полнење сметки на фирми и поединци блиски до СДСМ?
Расипништвото мора да запре. Граѓаните мора да знаат каде заминува секој денар. Скопјани заслужуваат со нивните пари да се одржува и создава подобро хортикултурно уредување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево време со температура до 25 степени
Времето утрово е студено со појава на магла по одделни котлини и речни долини. Преку денот, ќе биде сончево со мала локална облачност. Ќе дува слаб ветер претежно од југоисточен правец. Минималната температура ќе биде во интервал од -3 до 5, а максималната ќе достигне од 18 до 25 степени.
Во Скопје минималната температура ќе се спушти до 2, а максималната ќе достигне до 23 степени, јавува УХМР.
Во наредните денови продолжува периодот на стабилно и претежно тивко време со студени утра и температури кои наместа ќе се спуштаат под нула степени. По одделни котлини ќе има услови за појава на утринска магла или ниска облачност. Дневната температура ќе биде без значителни промени.
Македонија
Не е за пиење водата во тетовските села Мерово, Луковица и Седларево, како и во прилепското село Ропотово
Регионалниот центар за управување со кризи Тетово, извести дека од Центарот за јавно здравје ЈЗУ – Тетово добиле информација дека испитаните примероци на вода за пиење од селата Мерово, Луковица и Седларево (Општина Желино) не одговара на законските и стручни прописи за бактериолошка анализа.
„Потребно е да се врши редовна дезинфекција на водата за да може да се употребува за пиење“, велат од ЦУК.
РЦУК Битола, информира дека од Центар за јавно здравје ЈЗУ – Прилеп е докажана здравствена микробиолошка неисправност на водата за пиење од регионалниот водовод (Општина Долнени) во с. Ропотово и во основното училиште на с. Ропотово.
Македонија
Се’ уште забранета водата за пиење во Струмица
Изречената забрана за пиење на водата од струмичкиот водоснабдителен систем останува на сила, соопшти Агенција за храна и ветеринарство (АХВ) по резулатите од анализираните мостри земени на 18 октомври годинава во рамки на спроведениот вонреден инспекциски надзор во водоснабдителниот објект – фабрика за вода на ЈКП „Комуналец” Струмица.
Од АХВ информираа дека кај сите мостри претходно зголеменото ниво на манган е во рамки на дозволените вредности, но микробиолошки, четири од земените мостри не ги исполнуваат безбедносните критериуми поради детектирано зголемено присуство на колиформни бактерии во водата.
Целта на контролата беше увид во досегашните активности спроведени од страна на ЈКПД Комуналец од Струмица во однос на спроведувањето добра производствена и добра хигиенска пракса, како и други технички зафати во водоснабдителниот систем.
Во рамки на надзорот, земени се 6 мостри за анализа на водата од водоводната мрежа на ЈПКД Комуналец Струмица и тоа: една мостра од сирова вода која доаѓа од браната, сирова вода од чешма во фабриката, втора мостра на хлорирана/третирана вода за пиење од чешма во фабриката за вода, три мостри вода за пиење од мерните места одредени од ЈПКД Комуналец во нивниот мониторинг план за земање мостри вода за анализа и една мостра вода за пиење земена по случаен избор на инспекторот од водоводната мрежа на ЈПКД Комуналец.