Контакт

Македонија

(Видео) Спасовски: На 12 април изборот е меѓу СДСМ кој води напред и Мицкоски кој води назад

Објавено пред

Потпретседателот на СДСМ, Оливер Спасовски, на граѓанска трибина „На прав пат“ вечерва во Охрид, на присутните им порача дека на изборите на 12 април, граѓаните имаат две насоки за кои ќе можат да гласаат.

„На 12 април има два пата во различни насоки, два различни правци. Едниот е нашиот, на СДСМ, што води напред кон НАТО и ЕУ, повеќе пари кај граѓаните и сигурна иднина, и вториот на Мицкоски кој води назад во изолација, обнова на криминал и корупција. Тој пат го одевме 11 години, а сега за две и пол години моравме да направиме многу за да направиме сериозен исчекор напред и затоа враќање назад нема, порача потпретседателот на СДСМ, Оливер Спасовски на граѓанската трибина „На прав пат“ во Охрид.

Спасовски истакна дека сега за разлика од претходно се реализираат националните и државни интереси, а тоа е членство во НАТО и интеграција во ЕУ.

„Направивме се за да спроведеме реформи кои се признаени од цела Европа, од целиот демократски свет. Денес со право сме разочарани заради историската грешка на ЕУ, но треба да сме горди што успеавме за кратко време да ги оствариме сите реформи и со право очекуваме дека таа грешка насокоро да биде исправена“, рече Спасовски.

„Единствени кои се радуваат на грешката на ЕУ се Мицкоски и ВМРО-ДПМНЕ. Мицкоски изјави дека е среќен што не блокирале, но истиот ден доби силен шамар токму од претседателот Макрон дека сите земји членки биле за почеток на преговорите“ нагласи тој.

Како што додаде, за две и пол години целосно го реализирале столбот од програмата кој враќа пари кај граѓаните, ја укинаа радиодифузната такса, ја вратија евтината тарифа на струјата, ја покачија минималната плата.

Спасовски се осврна на трајното решавање на проблемот со стечајните работници за само 2 години од преземањето на одговороноста од страна на СДСМ.

„Ветивме дека ќе го решиме проблемот со стечајците и денес речиси 12.000 стечајци добивата месечен надомест. 11 години ВМРО-ДПМНЕ ги лажеше и профитираше на нивната несреќа, ние за само две и пол години го решивме овој проблем и денес веќе нема стечаен работник кој не е обештетен“, рече Спасовски.

Тој нагласи дека за две и пол години отвориле над 54.000 нови работни места. „Тоа не значи само намалување на невработеноста, туку тоа се повеќе пари во пензискиот фонд, повеќе пари за социјална заштита, подобрување на животниот стандард за повеќе граѓани“ истакна Спасовски.

„Пред само две години минималната плата беше 9.000 денари, ние прво ја покачивме на 12.000 денари и ја израмнивме во сите сектори. Сега ја зголемуваме на 14.500 денари, а веќе наредната година ќе има ново зголемување, за да дојде до 16.000 денари, онолку колку што ветивме пред граѓаните. Тоа носи раст на платите а просечната плата сега е повисока за околу 2.000 денари за разлика од пред две години“, порача Спасовски.

Македонија

Уставни судии во обид да ги спасат обвинетите од СЈО за постапката за тендери

Објавено пред

Уставните судии Јован Јосифовски, Никола Ивановски, Осман Кадриу и Елена Гошева утрово беа најгласни на седницата на Уставниот суд за време на првата точка од дневниот ред за иницијативата за испитување на уставноста за членот од Кривичниот законик за злоупотреба на службената положба и овластување кога се во прашање постапките за тендери.

Уставната судијка Елена Гошева како судија-известител утрово ја објасни иницијативата поднесена
пред една година од адвокатот Еленко Миланов.

Станува збор за членот 353 став 5 од Кривичниот законик, кој се однесува на злоупотреба на службената положба и овластување при што има направена штета на Буџетот, а опфаќа најголем дел од обвинетите од СЈО.

Предметот на оспорување е по неколку основи. Меѓу другото, спорно е тоа дали службеното лице може да биде одговорно за јавна набавка кога за тоа одлучува комисија.

„Ова може да биде и препоставена одговорност“, рече Гошева појаснувајќи ја иницијативата на адвокатот.

„Службеното лице кое активно не учествува во јавната набавка се претпоставува дека може да провери незаконитост и со тоа да ја преземе одговорноста“, рече Гошева и појасни дека според иницијативата со членот 353 став 5 се остава произволно толкување за постоење на штетата со ваквиот квалификаторен елемент.

„Санкцијата за ова дело се изедначува со убиство“, образложуваше Гошева при реферирањето на предметот и кажа дека се бара и времена мерка.

Судијата Дарко Костадиновски побара одлагање на точката и да се повика стручната јавност или јавна расправа. Рече дека ова прашање создава тензии во општеството и дека со оваа точка се опфатени десетици лица.

Судијата Осман Кадриу рече дека со овој член се настојува конкретни лица по секоја цена да бидат осудени и побара одлагање на точката за овој предмет.

Најгласен во одбрана на иницијативата беше судијата Јован Јосифовски, избран во време на ВМРО-ДПМНЕ. Рече дека членот е нејасен, непрецизен и произволен и како таков е неуставен.

„Не ми треба колегиум, ни јавни расправи. За мене тоа е катастрофа. Нема да присуствувам на колегиум. Ако е судија Сваровски ќе му одреди казна од 5 до 20 години. Не може убиство да се израмни со јавни набавки“, рече Јосифовски.

На ова поддршка доби од Никола Ивановски кој кажа дека делот од одредбата каде што пишува “злоупотреба на други средства од државата” е неуставен.

Претседателот на Уставниот суд, Сали Мурати, кому денеска му беше првата седница како прв човек на судот, рече дека нормата според него е јасна и не гледа непрецизност.

„Ова не е тазе норма. Се работи за злоупотреба на големи буџетски средства. Ние не ја креираме казнената политика. Замислете да нема вакви одредби. Во секоја држава, злоупотреба на Буџетот е најголемо кривично дело. Ако ја олабавиме оваа одредба ќе се префрлаат одговорности. Оваа норма е во правен промет 10, 15 години и треба да остане. Зошто некој да се плаши ако не е виновен? Ајде тогаш и за убиство и за педофилија да кажеме дека се драконски казните“, рече Мурати.

Судијката Вангелина Маркудова реле дека за ова дело каде што се јавните набавки, штетата е огромна.

„Со Законот за јавни набавки е опфатена и Комисијата. За мене е јасно“, рече Маркудова.

Во постарите верзии на Кривичниот законик била пропишана поблага казна за ова кривично дело, околност, која според тврдењата на адвоктите, им оди во корист на обвинетите.

Во септември лани еден од адвокатите на експремиерот Никола Груевски, Миле Јанакиески и на други обвинети во предметите на СЈО, Еленко Миланов, ја поднесе иницијативата за оценка на уставноста на овој член од Законот за изменување и дополнување на Кривичниот законик од 2004 и 2009 година.

Во 2004 година во Кривичниот законик бил додаден нов член 5 со кој се предвидува кривична одговорност со казна од 4 години за злоупотреби со јавните набавки. Со измените во 2009 година, овој член бил промнет во однос на висината на казната и се пропишани најмалку 5 години затворска казна.

Во Законот од 2004 година пишува. „Во членот 353 став 4, се додава нов став 5, кој гласи: Aко делото од став 1 е сторено при вршење јавни набавки или на средства од буџетот на Република Македонија, од јавни фондови или од други средства од државата, сторителот ќе се казни со затвор од најмалку четири години“. Пет години подоцна членот е изменет и е зголемена казната затвор за 1 година.

Овој член се однесува на најголем дел од предметите на СЈО: „Титаник“, „Титаник 2“, „Таргет-Тврдина“, „Транспортер“, „ТНТ“, „Трезор“… По овој член по неколкупати обвинети се Гордана Јанкулоска и Миле Јанакиески, а меѓу нив се и: Сашо Мијалков, Toни Јакимовски, Горан Грујевски и Небојша Стајковиќ, Владимир Талески, и сите други обвинети во „Транспортер”.

Со овој член кривично се гонат и сите обвинети во предметот „Топлик“, Елизабета Канческа-Милевска и останатите обвинети во „Тендери“, ексдиректорот на ЕЛЕМ, Дејан Бошковски и останатите обвинети во „Тарифа“, експомошник-министерот Ѓоко Попоски во „Триста“, поранешниот вицепремиер, Владимир Пешевски и ексминистерот Миле Јанакиески во „Траекторија“.

Лидерот на ДПА, Мендух Тачи, ексчленот на ДИК, Бедредин Ибраими и сите останати обвинети освен Сашо Мијалков, беа осудени на затворски казни за штета на буџетот во предметот „Титаник 2“. И Ѓоко Попоски и Гордана Јанкулоска беа осудени токму со овој член за случајот „Тенк“ со набавката на „мерцедесот“.

Владата претходно му предложи на Уставниот суд да не ја прифати иницијативата со цел да се оневозможи избегнување одговорност за сторени кривични дела од високи функционери за кои постапка води специјалното јавно обвинителство.

За иницијативата на Миланов, судиите ја одложија точката.

Прикажи повеќе...

Македонија

Во Швајцарија уапсени членови на „Пинк Пантер“, меѓу кои и еден Македонец, ограбиле златарница

Објавено пред

Швајцарската полиција уапси двајца црногорски државјани, двајца германски државјани, едно лице од Босна и Херцеговина и едно од Северна Македонија под сомнение за вмешаност во грабеж на накит вреден неколку милиони франци, пишува подгорички „Дан“, повикувајќи се на швајцарските медиуми.

Според извори во истрагата, медиумите во Швајцарија наведуваат дека сторителите биле поврзани со озлогласената криминална група „Пинк Пантер“.

Тие се осомничени дека учествувале во грабеж на златарницата „Губелин“ во Луцерн.

Швајцарските власти не го открија идентитетот на осомничените, само соопштија дека биле на возраст меѓу 19 и 53 години и дека меѓу нив има една жена.

Прикажи повеќе...

Македонија

Груевски нема да одговара за „Траeкторија“ поради застареност на делото

Објавено пред

Експремиерот во бегство Никола Груевски нема да одговара за кривичното дело во предметот „Траекторија“, кое се однесува на изградбата на кинеските автопати поради застареност на делото.

Од делото за кое се товари Груевски поминати се шест години и државата ќе треба да му ги надомести судските трошоци.

Одлуката ја донесе денеска Кривичниот суд, на барање на одбраната.

Делото кое му се става на товар, Груевски го почнал во октомври 2012 година, а завршило во октомври 2013 година. Првото рочиште за „Тракеторија“ се одржа на 6 декември во 2017 година.

Во предметот на СЈО обвинети се и ексвицепремиерот Владимир Пешевски, поранешниот министер за транспорт и врски Миле Јанакиески и ексдиректорот на ЈП Државни патишта Љупчо Георгиевски за злоупотреба на службената положба и овластување.

Прикажи повеќе...

Најново

Македонија16 минути

Во Швајцарија уапсени членови на „Пинк Пантер“, меѓу кои и еден Македонец, ограбиле златарница

Швајцарската полиција уапси двајца црногорски државјани, двајца германски државјани, едно лице од Босна и Херцеговина и едно од Северна Македонија...

Македонија39 минути

Полиција го обезбедува паркингот кај „Аутомакедонија“ каде ќе се гради барокна катна гаража

Полициска екипа утрово го обезбедува паркингот кај „Аутомакедонија“ во центарот на Скопје каде што од денес може да почне да...

Македонија1 час

Закажано првото рочиште за „Рекет“

Првото рочиште за предметот „Рекет“ во кој се обвинети Бојан Јовановски – Боки 13, поранешната специјална обвинителка Катица Јанева и...

Македонија2 часа

Заев: „Југохром“ ќе биде затворен додека не се стават филтрите

„Југохром,“ додека не се стават филтрите, нема да функционира, истакна премиерот Зоран Заев пред вчерашната владина седница во Тетово зборувајќи...

Европа2 часа

(Видео) Венеција под вода, регистриран вториот најголем бран во историјата

Венеција е погодена од вториот најголем бран на плима во историјата, кој ја поплави историската базилика и многу од градските...

Македонија3 часа

Игор Јанушев ќе биде шеф на изборниот штаб на ВМРО-ДПМНЕ

Извршниот комитет на ВМРО-ДПМНЕ на синоќешната седница едногласно одлучи генералниот секретар Игор Јанушев да биде шеф на Републичкиот изборен штаб...

Македонија3 часа

Заев: Побогатите граѓани да ги сменат системите за греење за да помогнат против загадувањето

Премиерот Зоран Заев во изјава за медиумите пред почетокот на вчерашната владина седница во Тетово даде одговор на новинарски прашања...

Македонија3 часа

Пендаровски во Париз предаде копија од книгата на Глигоров „Македонија е се што имаме“

Претседателот Стево Пендаровски за време на посетата во Париз, во библиотеката на Парискиот мировен форум дал копија од книгата „Македонија е...

Свет4 часа

Хилари Клинтон : Под голем притисок сум да го предизвикам Трамп на изборите

Поранешниот државен секретар на САД и кандидат на последните претседателски избори во САД, Хилари Клинтон, вели дека е „под голем...

Свет4 часа

Жанин Анес и официјално стана наследник на Моралес во Боливија

Уставниот суд го призна решението опозициската сенаторка Жанин Анес да ја преземе функцијата привремен претседател на Боливија. Таа синоќа во...

Македонија4 часа

Шефот на германската дипломатија Хајко Мас во Скопје

Министерот за надворешни работи на Германија Хајко Мас во текот на денешната работна посета на Северна Македонија е планирано да...

Спорт4 часа

Лука Модириќ е „Golden Foot“

Капитенот на фудбалската репрезентација на Хрвтаска Лука Модриќ во Монте Карло доби уште едно големо признание во кариерата, наградата „Golden...

Македонија15 часа

Заев во Тетово: Владата заседава во 10 региони за одблиску да го слушне гласот на граѓаните

Премиерот Зоран Заев во изјава за медиумите пред одржувањето на редовната 165. седница на Владата во Тетово, истакна дека организацијата...

Регион15 часа

Рама: Приштина ја загрозува надворешната политика на Албанија

Албанскиот премиер Еди Рама изјави дека политичарите во Приштина, спротивставувајќи се на заедничката иницијатива за создавање на балканскиот мини шенген,...

Регион18 часа

Црна Гора не го прифаќа предлогот за мини шенген

Министерката за економија на Црна Гора, Драгица Секулиќ, во понеделникот рече дека приклучувањето кон иницијативата мини шенген за балканските држави...

Европа18 часа

Зелено светло за 13 нови одбранбени проекти на ЕУ

Владите на ЕУ дадоа зелено светло за 13 нови одбранбени проекти насочени кон развој на поголема воена моќ независна од...

Македонија21 час

Холандија го ратификува протоколот за НАТО

Холандскиот сенат попладнево го ратификува протоколот за пристапување на Северна Македонија во НАТО, соопшти министерот за надворешни работи, Никола Димитров....

Економија21 час

(Видео) За борба против аерозагадувањето предвидени 1,6 милион евра во буџетот за 2020

Растот на платите и пензиите, растот на вработеноста, намалувањето на невработеноста и големата социјална заштита на ранливите категории в година...

Македонија22 часа

(Видео) Пендаровски: Макрон ми кажа дека никогаш немал намера да ни нуди алтернатива

Претседателот Стево Пендаровски, денеска во Париз оствари средба со претседателот на Франција, Емануел Макрон. На средбата беа разменети мислења за...

Македонија24 часа

Ешерихија коли пронајдена во повеќе бунари, извори и чешми во Скопско

Од ЈЗУ Центар за јавно здравје – Скопје известуваат дека е пронајдена ешерихија коли и други бактерии во повеќе бунари,...

Досие