Македонија
(Видео) Спасовски: Продолжуваме со подобрување на условите за работа на полицијата
Министерот за внатрешни работи, Оливер Спасовски, го посети Полицискиот центар „Ѓорче Петров“ каде што деновиве ќе почне монтажата на соларни системи за греење вода на сите објекти, каде што се сместени припадниците на Одделот за специјални полициски операции (ОСПО). Овој проект на МВР, чија вкупна вредност е околу 3,5 милиони денари, е во насока и на една од владините цели – трансформација на енергетски план, која опфаќа зголемено учество на обновливите извори на енергија и подобрување на енергетската ефикасност, со што се овозможуваат поголеми заштеди, намалени емисии на штетни гасови и заштита на животната средина.
„Изминативе три години, првично бевме фокусирани на решавање на фундаменталните проблеми, како приоритет за натамошното функционирање на полицијата. На стратешко ниво, реформата на безбедносниот систем не беше прашање на избор, туку прашање на опстанок, силно изразена волја на јавноста за конечно да се воспостават норми и концепт кои ќе бидат и гаранција за да ги етаблираме принципите на владеење на правото во сферата на безбедноста, како еден од круцијалните фактори за просперитет на државата. На оперативно ниво, свесни за незавидните материјално-технички, социјални, професионални прилики во коишто беше затекната полицијата, односно МВР, решивме да одиме дел по дел во надминувањето на постојните и создавање нови услови за нормално функционирање на полицискиот систем. Примарно се насочивме на генерално подобрување на материјално-техничките услови за работа токму на оние од коишто зависи спроведувањето на законите – а тоа е полицијата“, истакна Спасовски за време на посетата.
МВР во изминатиот период инвестираше средства од буџетот во висина од над 100 милиони денари во обезбедување опрема за униформираните полициски службеници од сите организациски единици, беше набавена комплет спортска опрема за припадниците на Единицата за брзо распоредување (ЕБР) и за Посебната единица за поддршка (ПЕП), беа заменети 45 години старите возила во ПЕП со нови интервентни возила, како и опрема за јавен ред и мир. Воедно, делумно или целосно беа реконструирани 50-тина објекти во сите сектори за внатрешни работи, за што беа издвоени речиси 140 милиони денари. Министерот Спасовски потсети дека во тек е и изградбата на Центарот за санирање од катастрофи и обезбедување континуитет во работењето во Прилеп, а во напредна фаза е изградбата на зградата на крим-техника, со современа форензичка лабараторија, со што ќе се влијае на брзината на постапките.
„Во годинешниов буџет на МВР планирани се и течат постапките за набавка на нови униформи за ЕБР, ПЕП, ЕСЗ и ЕИП, на осум интервентни и пет теренски возила, нови радиоврски, зимски и летни чизми за секој полициски службеник, нова ски-опрема, пиштоли за трите единици на ОСПО и вежбовна муниција, а наскоро ќе стартува и комплетно реновирање на павилјон во Полицискиот центар ‘Ѓорче Петров’ со донација од САД. Со вградувањето на соларните системи за греење вода практично целосно го заокружуваме тој наш проект, давајќи јасно до знаење дека на секој полициски службеник треба и мора да му се обезбедат елементарни предуслови за нормално работење, и дека интегиритетот, опременоста, статусот на полицискиот службеник се императив без којшто е невозможно спроведување на каква било системска реформа во тој домен“, рече Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајна несреќа на патот Кочани – Штип, сообраќајот во прекин
Од 20:30 часот сообраќајот на магистралниот пат А-3 Кочани – Штип (с.Долни Подлог – с.Тркање) е во прекин, поради сообраќајна незгода.
Сообраќајот се пренасочува преку с.Тркање кон екпресен пат Кочани – Штип, соопшти АМСМ.
Македонија
Ѓорѓиевски: Доста беше мрак, време е повторно да покажеме дека Скопје знае да слави
Градоначалникот на Град Скопје, Орце Ѓорѓиевски, со покана до скопјани и гостите на главниот град за како што вели, незаборавен дочек на Новата 2026 година на плоштадот „Македонија“.
По подолг период, Скопје повторно ќе пулсира во знакот на радоста и врвната музичка забава, со богата програма што ги обединува сите генерации и ја враќа празничната магија во срцето на градот, истакнуваат од Град Скопје.
„Скопје, дали сме подготвени за најдобрата забава?
Со голема чест и искрена радост, ве поканувам на плоштадот „Македонија“ на незаборавен дочек на Новата 2026 година, ноќ која повторно ќе го сплоти градот.
Програмата започнува во 19:45 часот со моќниот вокал на Миле Кузмановски, а продолжува со Огнен Здравковски.
Следуваат Дина Јашари, легендарните Куку Леле и неповторливата Тамара Тодевска.
Кулминацијата ја носат милениците на младата публика Пајак, Лара и Два Бона, додека магичниот момент на пречекот на Новата година ќе го одбележи настапот на Каролина Гочева.
Почитувани скопјани, доста беше мрак.
Време е за заедништво и за радост.
Време е повторно да покажеме дека Скопје знае да слави, знае да обединува и знае да биде лидер во културните настани.
Со домашни изведувачи, љубени од публиката, создадовме програма што ги поврзува сите генерации.
Ова е наш подарок за градот убав – за повторно да живее, да пулсира и да сонува.
Ве поканувам сите, драги скопјани, да ни се придружите и заедно да ја пречекаме 2026 година со насмевки, музика и незаборавни мигови.
Сите сте добредојдени да бидете дел од оваа новогодишна приказна, исполнета со позитивна енергија и врвна забава.
Се гледаме“, напиша на социјалните мрежи скопскиот градоначалник.
Македонија
Во прекин сообраќајот на ГП Евзони (ГП Богородица), поради сообраќајна несреќа во прекин и сообраќајот кон ГП Ќафасан
Поради протест на грчките земјоделците, од 17:10 часот сообраќајот на ГП Евзони (ГП Богородица) е во прекин.
Поради сообраќајна незгода сообраќајот кон ГП Ќафасан е во прекин во двата правци, соопшти АМСМ.
На 30.12.2025 (вторник), од 15:00 часот, ќе има измена на режимот на сообраќајот на Коридор 10, на делницата Прилеп–Битола, при што сообраќајот ќе биде пренасочен по регионалниот пат Р1101, соопшти АМСМ.
Сообраќајот на државните патишта се одвива непречено, по претежно суви коловози.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

