Македонија
(Видео) Филипче најави интензивна работа на Националниот совет за реформската агенда
Главна функција на Националниот совет за евроинтеграциите е да биде и контрола на Владата за сите европски процеси, но и да нуди конструктивна соработка. Во таа насока, најавувам дека Советот ќе одржува многу чести седници, а неговата работа ќе биде инклузивна, транспарентна и отворена за секој кој има волја и желба ќе може да се приклучи и да даде свој придонес за стратешките прашања.
Ова го истакна претседателот на СДСМ Венко Филипче, кој е претседател на собранискиот Национален совет за евроинтеграции.
Филипче денеска имаше свое обраќање на Седмата пленарна Конференција на националната конвенција за Европската Унија во Република Северна Македонија.
„Европската агенда ќе биде приоритет за моето претседавање со Националниот совет за евроинтеграции. Совет е вистинското место за консултации и редовна комуникација на реформската агенда, посебно за обезбедување на демократската контрола на спроведувањето на овие процеси“, потенцира Филипче.
Филипче се осврна и на комплексните геополитички случувања во Европската Унија – изборите во Германија, најавата за нови избори во Франција,понатаму војната во Украина, како и изборите во САД и кризата на Блискиот Исток што можат на влијаат на севкупните процеси во ЕУ, но истакна дека и во минатото, во кое исто така постоеле кризи, земјава успеала да се задржи на нејзиниот евроинтегративен пат.
„Истовремено, убеден сум дека и други политички фактори гледаат на Западен Балкан како целосно интегриран во Европа во иднина. Планот за раст за Западен Балкан е точно димензиониран со реформската агенда и што точно треба да направат земјите во Западниот Балкан за да ги приближат своите карактеристики со земјите членки на Европската Унија“, смета Филипче.
Според претседателот на СДСМ, за поздравување е одлуката за вклучување на Северна Македонија во механизмот на ЕУ за владеење на правото кој ќе обезбеди јасна патека за следење и оценување на постигнатиот напредок во усогласување со стандардите на ЕУ, а сето тоа во насока на исполнување на демократскиот одредници за владеењето на правото неопходни за членството во ЕУ.
Во таа насока, СДСМ како најголема опозициска партија ќе ја даде целата поддршка на владината коалиција за спроведување на реформите во правосудниот систем коишто се темелат на препораките на оценската мисија и на реформската агенда.
„Јасен е патот како треба да продолжиме напред, да се отвори најсложениот кластер од преговорите. За тоа да се случи потребна е одлука на политичките фактори за да се направат Уставните измени поради тоа што сметам дека сето друго е непотребно трошење на време“, рече Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ѓорѓиевски: Додека градот спие, ние сме будни, грижата за граѓаните не познава пауза
Заедно со дежурната зимска служба на Град Скопје, во текот на целата ноќ сме на терен, на улиците и булеварите под надлежност на градот, каде навремено посипуваме сол поради ниските температури, со посебен фокус на критичните точки, напиша на социјалните мрежи, градоначалникот на Град Скопје, Орце Ѓорѓиевски.
„Додека градот спие, ние сме будни, бидејќи грижата за граѓаните не познава пауза, ниту пак временски услови“, додаде тој.
Македонија
Без струја денеска дел од Бутел
Од ЕВН Македонија известуваат дека за денеска е планиран прекин и тоа:
– во периодот од 09:00 до 10:30 часот, дел од потрошувачите на улицата Гемиџиска (првите куќи на почетокот од улицата) и деловните објекти на почетокот од ул.Ферид Бајрами каде се наоѓа предметниот објект. (општина Бутел)
Македонија
Дел од Автокоманда денеска без вода
Од ЈП Водовод и Канализација известуваат дека поради промена на шибер Ф-80мм на улицата Јани Лукровски бб испред Т.Ц во населба Автокоманда, прекинато водоснабдување ќе имаат корисниците од улицата Јани Лукровски, општина Гази Баба.
Водоснабдувањето ќе биде прекинато од 08:30 часот до санирање на дефектот.

