„Борбата за власт е легитимна, но не по цена на здравјето на граѓаните и по цена на човечки животи.Оваа предизборна кампања, која се води во специфични услови поради пандемијата, бара огромна сериозност и посветеност од сите нас. Самата кампања, меѓу другото, е сликата за партиите кои претендираат да победат и формираат Влада“, изјави заменик-министерот за надворешни работи Андреј Жерновски.

„Бев вчера во Кичево и тоа што го видов, ме запрепасти. Нашите политички противници имаа собир, во присуство на нивниот претседател Мицковски и носител на ИЕ, Дурловски. Во буквален смисол на зборот беа прекршени сите можни протоколи и мерки за заштита и превенција од ширењето на коронавирусот. Не само што тоа беше класичен политички митинг, каде со интенција се погази протоколот за максималниот број на препишани 50 граѓани на партиски предизборен собир, не само што не се одржуваше неопходната и обврзувачка физичка дистанца, туку на прсти можеа да се избројат партиските приврзаници кои носат заштитни маска“, вели тој.

„Како е можно тоа да (си) го дозволат? Каде е тука грижата за здравјето на луѓето?Разочарувачки е да се види како партијата, која навидум ја ставаше грижата за граѓаните на прво место, организира партиски собири на кои партиското раководство, на чело со самиот Мицковски, ги прекршува сите правила за јавни собири.За жал, ова ВМРО-ДПМНЕ е поопасно дури и од она претходното, бидејќи денеска финционира како проширена и надоградена варијанта на безмилосното и монструозно однесување на режимот, кој цела деценија ја држеше државата во заложништво. Токму затоа не смееме во ниту еден момент да заборавиме што сѐ се подготвени да сторат и колку далеку можат да одат во намерите да спречат демократија, владеење на право и правичност, реформи и интеграција на државата.

За крај, јавно го прашувам техничкиот министер за внатрешни работи, Наќе Чулев, зошто не сака да ги види овие фотографии и зошто не сака да го санкционира ваквото штетно и погубно однесување на неговиот партиски шеф, Мицковски? Та нели токму здравјето на граѓаните, кое неговата партија толку извикано го претставуваше како аргумент за бесконечно одложување на изборите, беше нивниот врвен приоритет?Или, повторно се работи за хипокризија“, додава Жерновски.

Министерството за здравство информира дека, со оглед на развојот на ситуацијата со коронавирусот во соседството, Комисијата за заразни болести на утрешниот состанок ќе разговара за евентуално повторно воведување режим со границите на Србија и Косово или затворање на граничните премини со овие земји.

Комисијата за заразни болести активно ја следи епидемиолошката состојба со коронавирусот во регионот и соседните земји и можното враќање на мерките е во насока на превенција од потенцијални ризици по здравјето на населението во Северна Македонија.

По состанокот на Комисијата за заразни болести, Министерството за здравство ќе информира за одлуките на комисијата.

За кратко време, овозможивме директна и индиректна поддршка во земјоделството во историски рекорден износ од над 430 милиони евра, а во идниот мандат продолжуваме со поддршка од 200 милиони евра годишно, рече генералниот секретар на СДСМ и носител во ИЕ 3, Љупчо Николовски во Чешиново-Облешево.

„Ја воведовме зелената нафта, 200 милиони денари завршија назад кај 55.000 земјоделци. Сега покриваме 50 проценти, а во наредниот мандат ќе ја покриваме целосно 100 проценти! Зелената нафта ќе биде целосно бесплатна“, порача тој.

Истакна и дека поддршката за млад земјоделец е зголемена од 10.000 на 20.000 евра.

„Градиме три нови откупно дистрибутивни пунктови во Ресен, Скопје и Струмица, за сигурен пласман и поконкурентно производство. Продолжува и поддршката кон младите земјоделци, кон жените земјоделки. Ја субвенционираме платата по 3.000 денари на нововработен работник во земјоделско стопанство помлад од 25 години“, нагласи кандидатот на СДСМ.

Николовски ги повика земојделците од овој регион да не дозволуваат да си поигруваат со нивните чувства, бидејќи како што рече, опозицијата не нуди ништо, туку само пропаганда.