Контакт

Македонија

(Видео) Шахпаска: Лицата со попреченост да се вклучат во политичкиот живот

Објавено пред

Министерката за труд и социјална политика, Јагода Шахпаска, денеска учествуваше на настанот „Промоција на наоди од мониторинг на лица со попреченост“ на кој беа презентирани резултатите и препораките од мониторингот од Парламентарните избори 2020 година.

„Лицата со попреченост претставуваат најголемото малцинство на светот. Светската здравствена организација вели дека 15 отсто од светската популација се лица со попреченост. Ако ги земеме 1.800.000 запишани гласачи во нашата држава, тогаш бројката на оваа категорија на граѓани е доста висока, околу 200 до 270 илјади лица. Сериозна бројка, која има свои права, потреби, а ние како одговорни институции треба да одговориме“, истакна министерката Шахпаска.

Таа се осврна на носењето на Законот за спречување и заштита од дискриминација, во делот на дефинирањето на дискриминаторската основа, попреченост, при што е прифатен амандманот од страна на Здруженијата за лица со попреченост и е дефинирана како во Конвенцијата на Обединетите нации.

Членот 29 од Конвенцијата гарантира право на лицата со попреченост да бираат, да учествуваат во избирачкиот процес, меѓутоа и да бидат избрани.

Шахпаска го истакна како многу значајно учеството на лицата со попреченост во сите сегменти од функционирање на општеството, започнувајќи од локално ниво, како советници, пратеници, па сè  до учесници во извршната власт.

Министерската потенцираше дека изминатите седум години се направени сериозни чекори во поглед на лицата со попреченост и нивната вклученост во избирачкиот процес, од избирачки материјали разбирливи за нив, воспоставување на знаковниот јазик за време на избори, пристап на избирачките места, гласачките паравани, обука на членовите на избирачките одбори како да им помогнат на лицата со попреченост да го остварат правото на глас.

Како позитивен исчекор министерката Шахпаска го посочи и учеството на 67 лица со попреченост како набљудувачи на изборниот процес.

Министерката истакна дека во моментов се работи на меѓународната класификација на функционалноста, каде што попреченоста согласно Конвенцијата не се дефинира како медицинска дијагноза , туку како човеково право.

Македонија

Притворот на Мијалков истекува за две недели, Обвинителството бара нов поради опасност од бегство

Објавено пред

Бидејќи притворот на ексдиректорот на УБК, Сашо Мијалков кој му е одреден во предметот „Таргет-Тврдина“ истекува за две недели, а според Обвинителството постои можност да избега, обвинителот Трајче Пеливанов побара да му се одреди притвор во предметот „Трезор“, каде денеска е осуден на осум години затвор. Притвор е побаран и за поранешниот помошник-министер во МВР, Небојша Стајковиќ, кој досега имаше мерка на претпазливост – одземање на патна исправа.

„Поради околноста дека Сашо Мијалков е моќен човек, несомнено се јавува потребата од определување на мерка за обезбедување на негово присуство, а со оглед на тоа што спрема овој обвинет во ‘Таргет-Тврдина’ има мерка ефективен притвор, која мерка може да трае до правосилноста на оваа пресуда, односно најдоцна до 27 април, предлагаме по објавувањето на денешната пресуда спрема обвинетиот Сашо Мијалков, а поради постоење на опасност од бегство, да се определи мерка притвор во овој предмет, а притворот во предметот ‘Таргет-Тврдина’ да биде укината. Причините за ваквиот предлог на Обвинителството е делумно идентичен како што се произнесовме во другиот предмет, а тоа е дека се потврдени податоците дека Сашо Мијалков има дозвола за престој и адреса во Прага, но и дека поседува две возила кои се регистрирани на негово име. По однос на овој наш предлог, би сакал накратко да дополнам дека судот треба да го цени и фактот кој и претходно беше изнесен дека обвинетиот Сашо Мијалков е лице кое е добро ситуирано, дека тој и неговите членови на семејството поседуваат приватни бизниси, што создава финансиска можност за организирање на логистика и комотно живеење во бегство“, рече Трајче Пеливанов.

Според адвокатите на Мијалков, барањето за ефективен притвор за предметот „Трезор“ е без поткрепа и докази. Тие тврдат дека бизнисите кои Мијалков ги има во земјава се причина за тој да остане во државава, а не да бега.

„Пред Апелација овој предмет ќе заврши со ослободителна пресуда, убедни во сопственото знаење и недокажување на она што беше од судот образложено, со фрагментирање на делови кои не се предмет на обвинение, со што сметам дека јавноста е доведена во заблуда, се поставува логично прашање кој ќе ја сноси одговорноста кога се предлага притвор, а кога за овој предмет одбраната е цврсто убедена дека нема ниту еден релевантен доказ кој оди во прилог на обвинението. Одбраната смета и тврди дека тезата на обвинителството е погрешна и оди во прилог на тврдењето дека Мијалков кој има повеќе бизниси во државата нема да се даде во бегство, туку тоа е причина повеќе да остане во државата“, рече адвокатот Љупчо Шврговски.

Предлог за притвор, обвинителот Пеливанов даде и за поранешниот помошник-министер во МВР, Небојша Стајковиќ.

„Имајќи ја превид казната затвор од пет години, цениме дека определените мерки на претпазливост односно одземањето на патната исправа, сметаме дека не е доволна за обезбедување на присуство. Од тие причини постои реална опасност од бегство и за овој обвинет, имајќи ја во предвид казната затвор, поради тоа предлагаме мерка притвор“, рече Пеливанов.

Бранителот Александар Новаковски кој го застапува поранешниот помошник-министер во МВР, Небојша Стајковиќ, смета дека не треба да му се одреди притвор на лицето.

„Обвинителството не наведе доказ и причина, а предложи притвор. Се работи за обвинетиот кој се води само оваа постапка. Судот има точна евиденција дека не е осудуван ниту за сообраќаен прекршок и не гледам ниту една причина за да се предложи ваква мерка, за која сум изненаден. Судскиот совет ако го прифати овој предлог, грубо ќе се прекрши законот. Се работи за фамилијарен човек, татко на две деца“, рече адвокатот Новаковски.

Обвинетите Горан Грујевски и Тони Јакимовски веќе имаат мерка притвор.

Прикажи повеќе...

Македонија

(Видео) Богдановски: Градоначалникот на Сопиште свесно го кочи проектот за водоснабдување

Објавено пред

Според Далибор Богдановски од СДСМ, на само неколку километри од Скопје, жителитe на општина Сопиште немаат вода за пиење.

За ваквата состојба според Богдановски виновна е локалната власт предводена од ВМРО-ДПМНЕ и градоначалникот Стефче Трпковски.

„Граѓаните од оваа општина, поради неспособноста на градоначалникот се препуштени сами на себе во 21 век да решаваат елементарни проблеми со купување на техничка вода од цистерни за хигиена и вода за пиење. Притоа, за да се донесе таа техничка вода во домовите, неопходни се хидрофори, кои престануваат да работат при прекин на електрична енергија. Притоа никој не знае дали водата е бактериолошки исправна. Поради ова жителите се изложени и на чести бактериски заболувања“, вели Богдановски.

Додаде дека Стефче Трпковски останал глув и слеп за потребите на своите сограѓани.

„Поради неговиот игнорантски однос, Владата предводена од СДСМ, со средства од државниот буџет, ќе продолжи со изградба на водоводот Патишка река, кој претставува трајно решавање на водоснабдувањето во општина Сопиште. Одговорно тврдам дека Владата има обезбедено финансиски средства за реализација на овој проект од круцијална важност за жителите на општина Сопиште“, потенцира тој.

Напомена дека за решавање на случајот недостига еден документ кој градоначалникот бил должен да го приложи до Владата, но тој тоа не го сторил.

„Го прашуваме градоначалникот на Општина Сопиште, зошто чека и до кога мисли да ги замајува своите сограѓани со лаги и дезинформации?“, запраша Богдановски.

Прикажи повеќе...

Македонија

Осудените во „Трезор“ ќе треба да ја надоместат штетата во буџетот, која се проценува на 860 илјади евра

Објавено пред

Со конфискуваниот имот на фирмата „Финзи“ ДООЕЛ Скопје, од која УБК преку ексдиректорот Сашо Мијалков набавувала опрема, ќе се надоместува дел од штетата нанесена врз буџетот на Македонија.

Бидејќи штетата е поголема од конфискуваниот имот, обвинетите Сашо Мијалков, Горан Грујевски, Тони Јакимовски и Небојша Стајковиќ ќе треба во рок од три месеци по правосилноста на пресудата да ја надоместат.

Според обвинението, во овој случај се злоупотребени над 860 илјади евра.

„Од ‘Финзи’ ДООЕЛ Скопје се конфискуваат парични средства од 838.106 денари и од девизна сметка во износ од 145.619 евра. Двете сметки се во Охридска банка. Од правното лице се конфискува патничко моторно возило ‘ауди А4’, со проценета вредност од 1.026.285 денари. Се задолжуваат обвинетите солидарно да ја надоместат штетата на буџетот на Македонија во износ од 21.158.296 денари, сѐ во рок од три месеци по правосилната пресуда. Обвинетите Сашо Мијалков, Горан Грујевски и Тони Јакимовски се задолжуваат солидарно да ја надоместат штетата на буџетот на Македонија во износ од 16.012.520 денари во рок од три месеци од правосилноста на пресудата. Судот појаснува дека по однос на точка 1 на диспозитивот на пресудата, со преземените дејства за правното лице ‘Финзи’ ДООЕЛ Скопје, која надминува вкупен износ од 26.568.276 денари, а за кој износ му нанеле штета на буџетот на Македонија, конфискуван е имот на ‘Финзи’ ДООЕЛ Скопје во износ од 10.819.959 денари. Разликата од 1.158.296 денари ги задолжи обвинетите солидарно да ја надоместат штетата на буџетот на Македонија по однос на точка 1 од диспозитивот на оваа пресуда. По однос на точка 2, обвинетите со преземените дејства прибавиле имотна корист, која надминува значителна вредност од 21.422.500 денари. За разликата од половина од конфискуваниот имот ги задолжи обвинетите да ја надоместат штетата на буџетот“, рече судијката Џенета Бектовиќ.

Инаку, првообвинетиот и ексдиректор на УБК, Сашо Мијалков, е осуден на осум години казна затвор во случајот „Трезор“. Во отсуство, поради неговото бегство, пресуда е донесена и за поранешниот началник на Петтата управа во МВР, Горан Грујевски, кој доби 15 години затвор. На второобвинетиот, како и поранешниот шеф на неговиот кабинет, Тони Јакимовски, изречена му е казна затвор од пет години. На поранешниот помошник-министер во МВР, Небојша Стајковиќ, судот му изрече затвор во траење од пет години.

Прикажи повеќе...

Најново

Македонија18 минути

Притворот на Мијалков истекува за две недели, Обвинителството бара нов поради опасност од бегство

Бидејќи притворот на ексдиректорот на УБК, Сашо Мијалков кој му е одреден во предметот „Таргет-Тврдина“ истекува за две недели, а...

Македонија1 час

(Видео) Пресуди за „Трезор“: Мијалков осуден на 8 години затвор, а бегалецот Грујевски на 15 години

Првообвинетиот и ексдиректор на УБК, Сашо Мијалков, е осуден на осум години казна затвор во случајот „Трезор“. Во отсуство поради...

Европа2 часа

ЕУ: Ковид-пасошите ќе важат за сите вакцини, а и за граѓаните од трети земји

Дигиталните т.н. зелени сертификати, кои треба да станат оперативни во ЕУ до почетокот на летото, ќе бидат издавани за сите...

Македонија3 часа

Цените за лекување од Ковид-19 во приватните болници ќе се ограничат на 5.000 евра

Министерот за здравство, Венко Филипче, преку социјалните мрежи најави дека на денешната владина седница на дневен ред ќе бидат измените...

Топ3 часа

Во „хамер“ на тетовски дилер пронајдени 100 пакувања кокаин

Во вечерните часови на 12 април, на паркинг од фирма во тетовското село Порој, полицијата го уапсила 31-годишниот дилер А....

Европа4 часа

(Видео) Славење на британските улици, земјата излезе од четиримесечна блокада

Граѓаните на Велика Британија уживаа во своето прво ноќно излегување по неколку месеци. Со оглед на успешниот процес на имунизација,...

Свет5 часа

СЗО: Ова не е ситуација во која сакаме да бидеме

Светската здравствена организација предупредува дека пандемијата на коронавирусот расте експоненцијално. Светската организација претходно објави дека се очекува зголемување на бројот...

Македонија5 часа

Денеска се очекува пресуда за предметот „Трезор“

Во Основниот кривичен суд во Скопје денеска треба да биде изречена пресудата за предметот „Трезор“, кој се однесува на злоупотреба...

Свет5 часа

(Видео) Во САД убиен млад црнец – полицајката мислела дека користи пиштол за електрошокови, а не вистински

Фатално пукање во Минеаполис во кое 20-годишен црнец го загуби животот се чини дека се случило откако пиштолот случајно пукнал...

Регион6 часа

Фајон: Неодговорното однесување на премиерот на Словенија може да доведе до нова војна на Балканот

Коментирајќи го наводното постоење нон-пејпер на словенечкиот премиер Јанез Јанша, европратеничката Тања Фајон рече дека неодговорното однесување во врска со...

Европа6 часа

Словенија загрижена: Луѓето намерно се заразуваат со коронавирус за да може полесно да патуваат

Словенија е загрижена поради опасен тренд што се шири меѓу луѓето со намерно инфицирање со коронавирусот со цел да стекнат...

Свет7 часа

(Видео) Пукање во американско училиште, едно лице убиено, а еден полицаец е ранет

Ученик, кој отворил оган во средно училиште во Ноксвил, Тенеси, беше убиен, а неколку лица, вклучувајќи и полицаец, беа повредени...

Регион19 часа

(Видео) Суспендирани двајца полицајци кои во Мостар претепаа момче поради кршење на мерките

Главна тема во БиХ деновиве е видеото снимено во Мостар на кое се гледа како двајца полицајци брутално тепаат момче....

Свет20 часа

Директорот на СЗО: Контрола над пандемијата е можна за неколку месеци, ако се почитуваат мерките

Директорот на Светската здравствена организација (СЗО), Тедрос Аданом Гебрејсус, денес изјави дека проблемот со пандемијата на Ковид-19 сè уште не...

Топ22 часа

Од автомобил паркиран зад полициска станица украл службени легитимации и картичка за влез во МВР

Скопското основно јавно обвинителство поднесе обвинение против 47-годишник, кој на 28 март извршил тешка кражба во близина на полициската станица...

Македонија22 часа

34 починати и 193 нови случаи на Ковид-19

Од Министерството за здравство информираат дека во последните 24 часа се направени 1.192 тестирања, а регистрирани се 193 нови случаи...

Свет24 часа

Експертите посочуваат дека ни доаѓа нов супер коронавирус, комбинација од 18 мутации

Нов супер сој на коронавирусот во Бразил е комбинација од 18 мутации вклучувајќи ги таканаречените соеви на Бразил, Велика Британија...

Македонија1 ден

Нови 30 дена притвор за Камчев

Основниот кривичен суд Скопје му го продолжи притворот за дополнителни 30 дена на бизнисменот Јордан Камчев. „Кривичниот совет при Основниот...

Свет1 ден

Вакцината на „Фајзер“ помалку ефикасна кај јужноафриканскиот сој, покажува израелска студија

Јужноафриканскиот сој на коронавирус може да ја избегне заштитата обезбедена од вакцината на „Фајзер“ и „Бионтек“ до одреден степен, открива...

Македонија1 ден

Ќе се ограничат цените за лекување пациенти од коронавирус во приватните болници

До Владата ќе биде поднесе предлог за измена на законот со кој ќе се ограничи сумата за лекување пациенти од...

Досие