Гласањето во услови на Ковид – 19 на овие парламентарни избори ќе заврши два часа подоцна од вообичаеното време, односно избирачките места ќе бидат затворени во 21 часот.

Портпаролот на Државната изборна комисија најави резултати два часа по затворањето, во 23 часот.

„Откако ќе заврши гласањето во 21 часот има процедури за пополнување обрасци по што ќе почне електронската дистрибуција на податоците до ДИК. Нашите пресметки се дека најдоцна до 23 часот ќе имаме значен број обработени податоци’, рече портпаролот Шабани.

До затворање на избирачките места останува помалку од еден час.

Одѕивот два часа пред затворањето на избирачките места е 45, 77 отсто. На 3463 гласачки места до 19 часот гласале 830. 370 граѓани.
Во Изборната единица 1 одѕивот е 47,4 отсто, во Втората изборна единица одѕивот е 43,4 отсто, Третата изборна единица има одѕив од 51,52 отсто,

Четвртата изборна единица има одѕив од 63,24 отсто, во Петтата изборна единица на гласање излегле 44,89 отсто и во Изборната единица 6 на гласање излегле 35,49 отсто од запишаните гласачи во Избирачкиот список.

„Општини со поголем одѕив во Првата изборна единица се Македонски Брод со 64,68 отсто и Сопиште со 63,64 отсто. Во Втората изборна единица се издвојува Бутел со 47,2 отсто и Ѓорче Петров со 47, 56 отсто. Во Изборната единица 3 се издвојуваат Берово со одѕив од 56,45 отсто, Лозово 65,25, Ранковце со 60,37 отсто. Во Четвртата изборна единица се издвојуваат Гевгелија со 62,17 отсто, Демир Капија 62,31 и Неготино 62,98 отсто. Во Петтата изборна единица се издвојува Вевчани со 64,11, Кривогаштани со 63,1 и Демир Хисар со одѕив од 62,98 отсто во Шетата изборна единица со поголем одѕив се Брвеница со 35,23 отсто, Јегуновце со 40,52 отсто и Тетово со 40,93 отсто“, соопшти Адмир Шабани, портпарол на Државната изборна комисија.

Во ДИК нема нови приговори и пријави по 17.30 часот, а се прави анализа колку траел прекинот на гласањето во Липково за да се утврди дали гласањето ќе биде продолжено за онолку колку што траел прекинот. Портпаролот Шабани објасни дека доколку се утврди дека прекинот траел повеќе од еден но помалку од три часа, гласањето ќе биде продолжено и по 21 часот. Според Изборниот законик доколку прекинот е подолг од три часа, гласањето не продолжува.

Набљудувачите на МОСТ информираат дека на гласачкото место 0755, село Осој, општина Кичево, гласач го фотографирал гласачкото ливче и го ставил во гласачката кутија. По ова била повикана полиција, фотографиите биле избришани, полицијата направила записник, а лицето било приведено на информативен разговор.

На прес конференцијата МОСТ ги објави податоците добиени од ПВТ програмата (паралелно сумирање на гласовите), која претставува математичко-статистички научен метод, одѕивот на гласачите по изборни единици е следниот:

Во изборната единица 1 – до 15 часот, одзивот е 35,93, до 16 часот – 39,29, до 17 часот – 42,31, до 18 часот – 45,13 отсто, додека во ИЕ 2 – до 15 часот – 31,78, до 16 часот – 34,88, до 17 часот – 37,88, до 18 часот – 41,06 осто.

Во тројката до 15 часот одзивот е 37,27, до 16 часот – 40,45, до 17 часот – 43,95, а до 18 часот – 47,64 отсто.

Во останатите изборни единици: ИЕ 4 – до 15 часот – 37,87, до 16 часот – 41,71, до 17 часот – 45,83, до 18 часот – 50,25 отсто, во ИЕ 5 – до 15 часот – 33,10, до 16 часот – 36,44, до 17 часот – 39,56, до 18 часот – 42,70 осто а во шестката до 15 часот – 24,78, до 16 часот – 28,23, до 17 часот – 31,19, до 18 часот – 33,97 отсто.

На претходните прес конференции МОСТ објави дека нивните набљудувачи не забележале неправилности во гласањето. Терминот на последната прес-конференција на која ќе бидат соопштени резултатите од ПВТ програмата за одѕивот и распределбата на гласовите дополнително ќе биде објавен.