Македонија
(Видео) Богојески: Предуслов да се вклучиме во формирање на влада е законот за финансиска лустрација на политичарите
Три предуслови за формирање Влада, финансиска лустрација, пратеници волонтери и измени во изборниот законик, порача Петар Богојески пред прилепчани.
„Влада и парламент може да се формира и без политички пазарења и со делење на функции, туку со принципи и вредности. Влада и Парламент кои пред да се формира ќе ги донесат нужните закони за демократизација на земјата, а прв е законот за финансиска лустрација на политичарите“, им порача предизборниот карван на Македонски концепт на граѓаните на Прилеп, Струмица и Гевгелија, при посетата на Изборната единица 4.
„Единствен начин да докажеме дека не сме сите исти е да станеме дел од парламентот и да покажеме различно поведение и дека со вистински закони може да се формира парламент кој ќе работи за доброто на граѓаните“, истакна Богојески.
„Предуслов да придонесеме и да се вклучиме во формирање на влада и парламентарниот состав е да се донесе законот за финансиска лустрација на политичарите каде што сите политичари ќе бидат подложни на докажување на потекло на имот па откако ќе биде докажано легалното стекнување на имотот, тие ќе добијат можност да бидат министри.
Друг предуслов е донесување на Закон за пратеници волонтери, или народни пратеници како што ги знаат прилепчани, закон со кој пратениците нема да можат да се богатат од патните трошоци така што нема да примаат плата од парламент, нема да патуваат и да наплатуваат патни трошоци, ќе останата во своите живеалишта и законите ќе се донесуваат само еден ден во недела. Со овој наш проект Пратеници волонтери, Парламентот ќе стане институција и вистински народен парламент. Третиот наш предуслов за формирање влада е измени на изборниот законик и прогласување на Република Македонија за една изборна единица, каде што сите ќе биде рамноправни како Законот за финансирање на партиите”, изјави Петар Богојески, Промотор на Македонски концепт, пред граѓаните на Прилеп.
Пораките на Македонски концепт, промоторот Богојески им ги пренесе на граѓаните заедно со носителот на листата од ИЕ 4, Жарко Бошкоски како и другите кандидати за пратеници, запознавајќи ги со предностите на проектите на Македонски концепт и донесување на законите со кои ќе направат промена во државата.
Носителот на Изборната единица 4, Жарко Бошкоски пред своите сограѓани истакна колку е важно да придонесат за промена и дека ова е последната шанса да го направат тоа. “Драги сограѓани ова е последна шанса да сториме нешто за нашата држава, не се ова само празни зборови и декларативни изјави, можам да ви ветам нормална држава со програмата на Македонски концепт, законите за кои се залагаме и проектите кои ги имаме. Гласајте за нас, да направиме нормална држава”, истакна Бошкоски.
„Заокружување на бројот 10 на избирачкото ливче е поддршка за создавање влада врз вредности и принципи“, им порача Богојески на граѓаните од Прилеп, Струмица и Гевгелија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тим на ВМРО-ДПМНЕ се сретна со поранешни амбасадори, презентирана платформа 1198 и побарана поддршка
Тим на ВМРО-ДПМНЕ предводен од Тимчо Муцунски се сретна со поранешни амбасадори, пришто беше презентирана платформата 1198 и побарана поддршка.
Пратеничката Иванка Василевска член на ИК на ВМРО-ДПМНЕ, соопшти дека таа, Муцунски, меѓународниот секретар на ВМРО-ДПМНЕ и заменик министер за информатичко општество и администрација Стефан Андоновски и меѓународниот секретар на УМС на ВМРО-ДПМНЕ Тодор Конески се сретнале со поранешните амбасадори и конзули Н.Е. Василка Треневска, Томи Димитровски, Веле Трпевски, Оливер Шамбевски и Драган Ѓурковски.
„Во разговорот им ја претставивме нашата визија преточена во #платформа1198 и побаравме поддршка за следните активности на полето на дипломатијата и меѓународните односи.
Помеѓу другото се заложивме дека клучна стратегиска цел на идната Влада предводена од ВМРО-ДПМНЕ е Македонија да биде полноправна членка на Европската Унија. Исто така, заклучивме дека нашите надворешно-политички приоритети треба да се засноваат врз принципите на рамноправност, заемна доверба, солидарност, дијалог, меѓусебно почитување и реципроцитет. Нашиот интерес е да градиме национално единство по клучните прашања“, објави Василевска.
Македонија
Буневски од ЗНАМ: Производството на сопствена храна, вода и енергија е приоритет
Денеска беше промовиран дел од Програмата за земјоделство и производство на храна од Прогласот за достоинствена Македонија на Движењето ЗНАМ – За наша Македонија.
За мерките пред новинарите зборуваше професорот Ѓоко Буневски, кој рече дека Македонија е традиционално аграрна земја, со учество на земјоделството во бруто-домашниот производ од околу 10 проценти, односно, заедно со преработувачката индустрија 12-15 проценти и е на третото место, после индустрискиот сектор и услугите.
„Во Движењето ЗНАМ – За наша Македонија имаме преку 40 предлог мерки за подобрување на секторот производство на храна, но тука ќе ги истакнеме само поважните: – Воведување забрана за пренамена на земјоделско земјиште од прва. до трета категорија за друга намена, освен за производство на храна. – Приоритетно доделување земјоделско земјиште на локалните фармери, а не на странски инвеститори. Локалните фармери мора да имаат приоритет при доделувањето земјоделско земјиште. – Форсирање на синџирот “од нива до трпеза”. – Субвенционирање по предадени земјоделските култури по загарантирана откупна цена“, рече Буневски.
Тој додаде дека сме сведоци на состојбата каде земјоделските производи се откупуваат од земјоделците и под нивната производна цена, што го прави производството на храна непрофитабилно и неконкурентно.
„Токму затоа, рече тој, – сметаме дека е многу важно за развојот на оваа гранка да се обезбеди откуп по загарантирани цени“.
Буневски потенцира дека покрај овие мерки, Движењето ЗНАМ ќе се заложи да се зголемат субвенциите во земјоделството барем на ниво на соседните земји, а буџетот од сегашните 160-180 милиони евра да се реорганизира и да се воведат нови мерки за субвенционирање. Исто така, тој рече дека ќе предложат мерки за да се намали, па дури и запре напуштањето на селото и земјоделството, особено со поголеми стимулирања на млади фармери, на жените фармери, како и поголеми погодности за отворање бизнис во овие средини. Како што рече Буневски, ќе се обрне големо внимание на мерките за подобрувањње на квалитетот на храната, а ќе се подобри и степенот на советодавни услуги за земјодлеците, а особено за современите технологии и иновации во секторот, Професор Буневски потенцира дека многу важен сегмент е брендирањето на традиционалните производи и производи со познато географско потекло и рече дека во момментот 160 производи чекаат и стојат во фиока.
Како мерка која треба да се воведе, е и заштитата на генетските ресурси во растителното и сточарското производство. Исто така за да може да се подобри севкупната ситуација во овој сектор Буневски рече дека ЗНАМ ќе воведе стипендирање на деца од земјоделски земејства на земјоделските школи и факултети. „Земјоделството бара долгогодишна стратегија, а не брзи политички инстант решенија, која политичка партија доаѓа на власт, како од неа да почнува се. Производство на своја храна, вода и енергија е приоритет на секоја земја. Затоа сметаме дека е неопходно да дадеме максимум за земјоделството, максимум за Македонија“, рече Буневски
Македонија
Мицкоски: Потребна е масовна излезност на 8 мај за да ги пратиме во опозиција ДУИ кои ја ограбуваат и ја ставаат Македонија на колена
Овој резултат од 24 април е и одговорност. Се што зборуваме треба и да примениме. Народот очекува и убеден сум дека во овие нешто повеќе од 10 дена народот ќе се приклучи, народот е обединет и сака промени и брзи резултати, рече лидерот на ВМРО-ДПМНЕ, Христијан Мицкоски на денешниот митинг во Росоман.
Мицкоски информираше дека како коалиција внимателно е пристапено во креирање на програмата.
„Внимаваме што ќе ветуваме, не сакаме да ветуваме нешто што не може да се реализира, не сакаме народот да ја губи надежта. Си дадовме збор дека програмата ќе ја ревидираме за две години. Нема скандал за повеќе од две години во работата на градоначалниците. Затоа можам да кажам дека поучени од ова искуство имајќи во предвид дека најголем дел од проектите се веќе реализирани одлучивме по две години да направиме ревизија и на оваа програма. Сметаме дека можеме повеќе, ама не сакаме да ве разочараме“, кажа Мицкоски.
Мицкоски порача дека сега треба максимална мобилизација бидејќи како што рече „нема да остават да биде едноставно, мора да добиеме мнозинство во парламентот, да имаме наш претседател и заедно со градоначалниците да направиме трансформација на Македонија“, изјави Мицкоски.
Според него за ова треба масовност.
„Има центри на моќ кои не сакаат да ја видат успешна Македонија, имаме такви и тие беа клучен фактор до сега беа и во Владата, и тука мислам на ДУИ и Али Ахмети, тој сака да ја види осиромашена Македонија и слично. Тие не сакаат да ја видат успешна Македонија“, рече Мицкоски.
Мицкоски укажа дека овие избори се шанса криминалците да ги пратиме во опозиција.
„И ова го зборам само поради криминалот, не го зборам за ДУИ затоа што се Албанци, не, туку поради криминалот. Јас ја повикав опозицијата кај Албанците да се бориме заедно. Јас се борам против ДУИ кои ја ограбуваат и на колена ја ставаат Македонија“, заклучи Мицкоски.