Владеењето на правото е една од темелните вредности на уставниот портедок на секоја демократска држава. Притоа, правото мора да биде еднакво достапно до секој граѓанин, а институциите да обезбедат тоа да важи за сите подеднакво, бидејќи селективната правда е најголема неправда, истакна денеска Јавниот обвинител на Република Северна Македонија Љубомир Јовески во онлајн обраќањето на Меѓународната конференција „Судска реформа. Специјализирано правосудство“, што ја организираше Јавното обвинителство на Република Бугарија.

„Борбата со организираниот криминал и корупцијата нема да ја постигне својата цел ако се води селективно и по желба и интерес на политички и економски моќници. Таа треба да биде неселективна и да се спроведува со заеднички напори на сите одговорни во државата, во согласност со меѓународните стандарди и добрите практики на развиените демократии“, нагласи Јовески.

Во тој контекст, тој особено ја потенцираше важноста на меѓународната соработка, но и на специјализирани јавни обвинители кои постапуваат против овој вид тешки кривични дела.

За улогата на специјализираното Основно јавно обвинителство за гонење на организиран криминал и корупција во македонскиот правосуден систем зборуваше основниот јавен обвинител на ова обвинителство Вилма Русковска.

„Структурата на кривичните дела што се во надлежност на Основно јавно обвинителство за гонење на организиран криминал и корупција, а кои многу често се извршени во организирана форма, од страна на група, која во бројни случаи е и меѓународна, резултира со спроведување на обемни и сложени предистражни и истражни постапки, кои често опфаќаат и примена на посебни истражни мерки. Сето ова укажува на динамиката и комплексноста на работата на јавните обвинители во Основно јавно обвинителство за гонење на организиран криминал и корупција при совладување на приливот“, рече Русковска во своето онлајн обраќање.

Конференцијата ја прогласи за отворена Главниот јавен обвинител на Република Бугарија Иван Гешев, кој констатираше дека и земјите-членки на европската унија се соочуваат со потребата од реформи во правосудството, но и со реални опасности за владеењето на правото и основните демократски вредности.

На форумот учествуваа и претседателот на Комисијата за правни прашања на Европскиот парламент Адриан Лазара, претседателот на ЕUROJUST Ладислав Хамран, генералниот секретар на Меѓународната асоцијација на јавните обвинители Хан Мораал, како и високи претставници од обвинителствата на Шпанија и Италија.​

Министерот за здравство, д-р Венко Филипче, во знак на благодарност, денеска им е домаќин на колегите лекари од болницата „Пирогов“ од Софија, Република Бугарија, чиј медицински тим им даде максимална здравствена нега и поддршка на нашите сограѓани кои беа повредени во тешката сообраќајна несреќа на автопатот „Струма“ во Бугарија.

Министерот Филипче и проф. д-р Иван Поромански, директор на софиската болница, д-р Маја Аргирова, началник на Клиниката за изгореници и пластична хирургија и главната сестра на болницата, ја посетија Клиниката за пластична и реконструктивна хирургија, како и Клиниката за неврохирургија во Скопје, каде што беа префрлени пациентите повредени во нереќата.

Градоначалничката Данела Арсовска преку претседавачот Трајко Славески закажа седница на Советот, без притоа благовремено да ги покани медиумите, кои редовно ја следат работата на Советот, истакна на денешната прес-конференција Љубица Јанчева, координаторка на советничката група на СДСМ во Советот на Град Скопје.

Таа додава дека ваквиот потег на Данела е невиден преседан во досегашната работа на Советот, чии седници секогаш биле достапни за јавноста преку медиумите.

„Ова бегање од јавноста е непочитување на медиумите, но и на граѓаните чии претставници се советниците.
Ако сака Данела да скрие нешто, нема да може. Уште во првите месеци од мандатот Арсовска покажува непочитување кон јавноста и непознавање на надлежностите на Градот. Ова е срамно, неодговорно однесување, кое скопјани не го заслужуваат“, изјави Јанчева

На денешната седница како точка на дневен ред не беше ставена донацијата, односно бесплатното украсување на градот.

„Данела Арсовска и Трајко Славевски треба да знаат дека секоја донација до Градот мора да мине со одлука на Советот, ниту градоначалничката ниту кој било друг нема право самостојно да одлучува по однос на донации“, додава Јанчева.

Според неа, добро е што Советот посредно го прифати предлогот на советниците од СДСМ и коалицијата и се зголеми износот на средствата за помош на семејствата на настраданите во несреќата во Бугарија.

Неодговорно, несериозно и нечесно работење, тоа е одликата на првиот месец од работата на Арсовска, изјави Јанчева.