Народната банка информира дека документот кој се споделува во социјалните медиуми во однос на датумот на укинување на дозволата за основање и работење на „Еуростандард банка“, не е документсо којшто се укинува дозволата за основање и работење на банката. Во документот што се споделува на социјалните режи, стои 1 јуни 2020 година.

„ Со цел правилно информирање на јавноста во однос на датумот на укинувањето на дозволата за основање и работење на „Еуростандард банка“ АД Скопје, повторно укажуваме дека дозволата е укината со Решението бр. 15-20139/1 од 12 август 2020 година.

Решението бр.15-14082/1 од 1 јуни 2020 година, коешто се споделува на социјалните мрежи со штембил на „Еуростандард банка“ АД Скопје, не е документ со којшто се укинува дозволата за основање и работење на „Еуростандард банка“ АД Скопје. Со ова решение, на Банката, согласно со Законот за банките ѝ беше повлечена согласноста за извршување само на одреден вид финансиски активности – тргување со хартии од вредност во странство, финансиски деривати и сл., за коишто не ги исполнуваше посебните законски услови за да ги извршува. За истото беше информиран и регулаторот на пазарот на капитал“ соопшти НБРСМ.

Српската влада донесе одлука со која за граѓаните на четири соседни земји меѓу кои: Македонија, Хрватска, Романија и Бугарија ќе им биде потребен ПСР тест за влез во Република Србија.

Одлуката за државјаните на овие четири земји важи денеска, а тестот не треба да биде постар од 48 часа. За деца до 12 годишна возраст не е потребен ПСР тест.

Со оваа одлука нема да бидат опфатени професионалните возачи, но истите за 12 часа мора да транзитираат низ територијата на Република Србија од еден премин до друг.

До денеска, Пехчево важеше за единствениот град во земјава, во кој нема активен случај на коронавирус.

Но ова се смени по објавувањето на дневната статистиката на Министерството за здравство, според која од 160 нови случаи, во изминатите 24 часа, два се од Пехчево.

Со новите случаи, во овој град од почетокот на пандемијата регистрирани се вкупно 8, но шестмина веќе се излекувани.

Според најновите податоци, најмногу активни случаи има во Скопје (986), Штип (293), Гостивар (264), Куманово (243), Струга (169) и Тетово (156).

Во моментов бројот на активни случаи во земјата изнесува 2.950 и првпат по речиси два месеца е под 3.000.

Вкупната бројка на ковид-дијагностицирани во Македонија од почетокот на епидемијата изнесува 12.515, бројката на оздравени пациенти е 9.030, а на починати е 535.