Контакт

Македонија

(Видео) Љутков: Наместо реномирани фестивали и манифестации, средства од програмата за култура се доделени на анонимни лица и здруженија на граѓани формирани за една употреба

Објавено пред

„Кога зборувавме за лошите културни политики на актуелната власт која целиот свој мандат работеше хаотично и без каква било стратегија, јасно беше дека ќе стигнат до степен на целосно обезличување на културата. Во текот на вчерашниот ден министерката за култура на прес конференција ги објави резултатите од годишниот конкурс за финансирање проекти од национален интерес за културата за 2024 година и oвој пат, повторно без донесена Национална стратегија за развој на културата“, рече Зоран Љутков, член на ИК на ВМРО-ДПМНЕ.

dobivaj vesti na viber

„Ова е најлошата Програма за култура до сега, Програма во која програмските средства се видно намалени од предходната година, а со државни пари се финансира се’ освен национална култура.

Денес, за жал можеме да констатираме дека во културата подолу од ова не може! Во своите секојдневни настапи, вклучително и на вчерашниот прес, министерката иако вети, повторно не ги објави имињата на скапо платените комисии кои очигледно служат за нејзино покритие на оваа катастрофална програма. Убеден сум дека доколку се вистински професионалци не би си дозволиле да потпишат ваква срамна Годишна програма.

А фактите во Годишната програма за финансирање на проекти од национален интерес за 2024 година говорат дека:

-Доделени се огромни буџетски средства на сосема анонимни лица, здруженија на граѓани кои се формирани за една употреба, манифестаци за кои досега не сме слушнале, додека долгогодишни реномирани фестивали и манифестации едвај и прашање е дали ќе преживеат.

Годинава, според Програмата, националните установи во државата, едвај ќе имаат средства за реализирање на програми, но затоа пак со силни средства се финансираат проекти на непознати невладини организации, приватни фестивали и активности на лица блиски до кабинетите во министерството и до власта.

-Евидентно е дека при разгледувањето на проектите не е спроведен процес на бодување и валоризирање според утврдените критериуми, туку паушално се одредувани категориите и бодовите, па имате безброј примери како што на пример е овој со Унија на македонски професионални асоцијации во креативните индустрии УМПАКИ, кој за прокетот Меѓународен форум на креативни индустрии добил помалку средства од физичко лице (се разбира сограѓанка на министерката) за проектот „Азбучен споменар“ за кој министерството ЗАМИСЛЕТЕ дало повеќе од 1.100.000 денари, народни пари!

И тоа не е се’, лица се јавуваат како управители на повеќе правни субјекти, распределени во повеќе дејности, па оттука акумулираните средства кај некои од нив надминуваат и повеќе од 3.500.000 денари.

Со ова се потврдува фактот дека власта им ја скрои капата на националните установи и планира да им стави клуч?!

Има ли некој кој може да ја разбере оваа погубна „стратегија” на Министерството за култура, односно власта која сега, во исто време обзнанува дека за култура нема пари, а предизборно реализира околу 300 нови вработувања во установите. И епилогот од сето ова е дека министерството ќе ги финансира само платите на вработените, а притоа безмилосно ќе ги финансира шарените револуционери, кои дополнително и ги вработи во истите тие институции.

Веројатно на скандалите им нема крај, па во Програмата ќе прочитате дека нашите граѓани, односно македонското Министерство за култура одобри пари за да финансира драмски фестивал во друга земја, во Косово, ПОВТОРУВАМ РЕАЛИЗАЦИЈА НА ФЕСТИВАЛ ВО КОСОВО, за кој се одобрени, неверојатни 30.000 евра. Наспроти тоа, учествата на меѓународни фестивали на сите останати театри во странство се поддржани со речиси десет пати помали износи.

Министерке, дали на крајот на својот неславен мандат се обидувате да го покриете Споменот на шарената револуција со кој ги испоганивте буквално сите споменици кои ја симболизираа македонската независност и борба за слобода, а самите не подигнавте ниту еден единствен, па со 900.000 денари го финансиравте СИТИ РИФЕЈСИНГ ДООЕЛ со едно вработено лице за проектот „Отстранување чкртаници, исписи, говор на омраза и друга недолична комуникација од недвижни објекти од јавен интерес и споменици и спомен-обележја“.

Можеби е така и подобро бидејќи вашето промашено владеење и погубните политики што ги спроведувавте на штета на македонската култура не заслужуваат ниту случаен спомен во иднината која незапирливо доаѓа. Агодините на вашето владеење ќе бидат само празни страници, фрлени на буништето на македонската култура.

Каков тажен крај за оваа неспособна власт, која неуспеа за цели 7 години да доврши барем еден од објектитите кои им беа на тацна оставени од ВМРО-ДПМНЕ.

Годишната програма изобилува со сомнителни проекти, кои се премногу за овој прес. Очекувајте во наредите денови јас лично и комисијата за култура на ВМРО-ДПМНЕ да обзнаниме повеќе детали, бидејќи сите наши индиции укажуваат дека под превезот на националниот интерес се крие всушност личниот интерес“, изјави Зоран Љутков, член на ИК на ВМРО-ДПМНЕ.

Македонија

Законот за конфискација на имот во граѓанска постапка усвоен од Собранието

Објавено пред

Собранието на Република Северна Македонија денеска го усвои Законот за конфискација на имот во граѓанска постапка, кој беше подготвен на иницијатива на заменичката на претседателот на Владата задолжена за политики за добро владеење, Славица Грковска.

dobivaj vesti na viber

Со изгласувањето на овој закон се дава зелено светло за воведување на дополнителен антикорупциски механизам во нашето законодавство, со цел да се постигнат поголеми резултати во борбата со корупцијата и организираниот криминал, односно поефикасно справување со неказнивоста и нелегалното стекнување имот, се наведува во соопштението на владината прес-служба.

Законот за конфискација на имот во граѓанска постапка цели кон заштита на јавниот интерес на Република Северна Македонија на начин што се оневозможува каква било корист од имот, за кој, во постапката согласно овој закон, ќе се утврди дека не бил стекнат од законски извори. Со овој закон се ограничува правото на сопственост во согласност со Уставот, законот и меѓународните стандарди и праксата на ЕСЧП за овој вид на конфискација.

Овој закон не претставува замена за конфискацијата во кривична постапка, туку е дополнителен помошен инструмент и механизам. Особено е важно што со законот се предвидува можност конфискуваниот имот во граѓанска постапка да биде даден на користење за остварување на социјалните потреби и цели во општеството.

Изработката на предлог Законот за конфискација на имот во граѓанска постапка започна со нацрт текст заснован на физибилити студија и анализа на состојбите и моделите на конфискација во модерните правни системи, која беше подготвена во соработка на Кабинетот за политики за добро владеење со Советот на Европа, по што следуваше формална изработка на предлог законот од страна на работна група составена од претставници на релевантните домашни институции, се додава во соопштението.

Прикажи повеќе...

Македонија

(Видео) Џафери и Зеленски потпишаа изјава: Итно и целосно повлекување на сите трупи и вооружени формации на Руската Федерација од суверената територија на Украина

Објавено пред

Претседателот на Владата на Република Северна Македонија, Талат Џафери, во рамки на работната посета на Република Албанија, се сретна со претседателот на Украина, Володимир Зеленски. На средбата присуствуваа и министерот за надворешни работи, Бујар Османи и заменик-министерот за финансии, Филип Николоски.

dobivaj vesti na viber

Премиерот Џафери ја истакна поддршката на Владата и силната определеност и посветеност кон територијалниот интегритет и суверенитет на Украина во нејзините меѓународни признаени граници. Притоа, потенцираше дека на билатерална основа, но и во рамките на НАТО, целосното усогласување со заедничката надворешна и безбедносна политика на ЕУ, како и со приклучувањето кон Декларацијата на земјите од Г7 за безбедносни гаранции за Украина, Северна Македонија од почетокот на руската воена агресија, манифестира континуитет во својата позиција и ќе продолжи сè додека е тоа потребно.

Премиерот Џафери, нагласи дека чувствува посебна, лична одговорност и обврска, по добиенот Орден на Принцот „Јарослав Мудриот“ од претседателот на Врховната Рада на Украина, Руслан Стефанчук во 2022 година, да продолжи активно да дава личен придонес во зајакнувањето на меѓудржавната соработка и во поддршката на државниот суверенитет и територијалниот интегритет на Украина.

Претседателот Зеленски изрази длабока благодарност до Владата и граѓаните на Северна Македонија за силната и сеопфатна поддршка, пред сѐ политичка и воена на земјата, како и за приемот на украински бегалци. Потенцираше дека Украина посебно цени што Северна Македонија се приклучи кон Бучанската Декларација за повикување на одговорност за најтешките воени злосторства извршени на територијата на Украина.

Премиерот Џафери и претседателот Зеленски, по средбата, потпишаа „Заедничка Изјава на Република Северна Македонија и Украина за евроатлантските интеграции на Украина“.

Во Изјавата заеднички се осудени злосторствата од вооружените сили на Руската Федерација врз цивилно население и цивилна инфраструктура на Украина, вклучително и енергетски објекти, училишта, болници и станбени згради, коишто се заштитени со меѓународното хуманитарно право.

Нагласена е потребата за итно и целосно повлекување на сите трупи и вооружени формации на Руската Федерација од суверената територија на Украина, во рамките на нејзините меѓународно признаени граници од 1991 година. Посочено е и на важноста од истрага за воените злосторства на територијата на Украина, во согласност со меѓународното право.

Во однос на евроатлантските перспективи, во Изјавата е истакнат значителниот придонес на Украина за безбедноста на евроатлантската област, особено украинските напори да одвратат на неиспровоцираната и неоправдана воена агресија на Руската Федерација. Во таа насока, посебно е нагласен заедничкиот став за потребата од дополнително зајакнување на консолидираниот капацитет на евроатлантската заедница, со цел ефикасно спротивставување на постојните и на потенцијалните глобални предизвици и безбедносни закани.

Потенцирани се и заедничките напори да се обезбеди натамошен напредок кон имплементацијата на стандардите на ЕУ и НАТО, со цел членство на Украина во Европската Унија и во Северноатлантската алијанса. Потенцирана е и меѓусебната поддршка за време на процесот на пристапните преговори на Украина и Северна Македонија за членство во Европската Унија.

Прикажи повеќе...

Македонија

Извршниот одбор на СДСМ го поддржа Стево Пендаровски за кандидат за Претседател на државата

Објавено пред

На денешната седница во Штип, Извршниот одбор на СДСМ ја разгледа информација за спроведената постапка за можни кандидати за Претседател на државата за претседателските избори 2024 година.

dobivaj vesti na viber

„По сите анализи, разговори и спроведени истражувања на јавното мислење, Извршниот одбор во проширен состав го поддржа Стево Пендаровски за кандидат за Претседател на државата и го предложи на Централниот одбор на партијата.

Пендаровски е победнички кандидат, близок со народот, ги споделува прогресивните вредности, со јасна визија за европска иднина на државата“, велат од СДСМ.

„Во досегашниот мандат Пендаровски го врати угледот, интегритетот и кредибилитетот на институцијата Претседател на државата и покажа што значи да се биде вистински претседател за сите граѓани.

Пендаровски е претставник на сите наши граѓани без разлика на етничка, политичка, верска или каква било припадност.

Тоа е профилот на кандидатот кој и е потребен на државата и тоа е профилот на идниот претседател на државата“, се наведува во соопштението на СДСМ.

Прикажи повеќе...

Најново

Македонија3 часа

Извршниот одбор на СДСМ го поддржа Стево Пендаровски за кандидат за Претседател на државата

На денешната седница во Штип, Извршниот одбор на СДСМ ја разгледа информација за спроведената постапка за можни кандидати за Претседател...

Македонија7 часа

(Видео) Средба Пендаровски – Зеленски: Македонија силно ја осудува руската агресија врз Украина

Претседателот Стево Пендаровски, во рамки на учеството на самиот Украина – Југоисточна Европа, денеска во Тирана оствари средба со претседателот...

Топ7 часа

Силувана малолетничка во Скопје

Вчера во 13.30 часот во Полициското одделение Шуто Оризари, 34-годишна жена од Скопје пријавила дека 23-годишниот М.К. од Скопје извршил...

Топ8 часа

Прегазен пешак во Неготино, мажот починал на местото на несреќата

Денеска во 12.25 часот во ОВР Неготино било пријавено дека на паркинг простор на улица „ЈНА“ во Неготино, товарно возило...

Топ10 часа

52-годишна жена починала во охридската болница, била примена во тешка состојба

На 27.2.2024, во 16.25 часот, во СВР Охрид е пријавено дека во ЈЗУ Општа болница Охрид во тешка здравствена состојба...

Македонија11 часа

Уставниот суд го укина делот националност во матичните книги: „Се работи за приватно и внатрешно чувство на човекот“

Уставниот суд на денешната седница донесе одлука, со која се укинува делот националност во три члена од матичните книга на...

Економија13 часа

Од задутре нема повеќе гарантирани цени во маркетите, секое нелогично зголемување ќе биде санкционирано, порача Битиќи

Од задутре нема повеќе гарантирани цени на производите во маркетите. Но, вицепремиерот за економски прашања, Фатмир Битиќи, порача дека секое...

Македонија13 часа

Ванковска поблиску до претседателска кандидатура, собра 7.876 потписи, Јакимовски досега има 6.676

Професорката Билјана Ванковска која е предложена од политичката партија Левица, досега има собрано 7.876 од потребните 10.000 потписи за претседателската...

Топ15 часа

Три лица повредени во сообраќајната несреќа на патот Росоман – Кавадарци

Три лица се повредени, од кои едно потешко во сообраќајната несреќа што се случи утрово на патот Росоман-Кавадарци. Две oд...

Македонија16 часа

Законот за пасошите, законот за игрите на среќа и изборот на член на ДИК на дневен ред во Собранието

Денес на дневен ред на седница на Собранието се измените на Законот за патни исправи. Од ВМРО-ДПМНЕ велат дека овие...

Македонија16 часа

Владата донесе одлука за приоритетно издавање пасоши за сите професионални возачи

Владата, синоќа на седница донесе одлука со којашто на професионалните возачи кои поседуваат валиден сертификат, Министерството за внатрешни работи треба...

Македонија16 часа

Вработените на Универзитетот „Св. Кирил и Методиј“ во Скопје од овој месец ќе добиваат повисоки плати

Владата ја разгледа и усвои и Информацијата за известување за склучен Колективен договор на Сојузот на синдикати на вработените на...

Македонија16 часа

Земјотрес во Албанија, почувствуван во Дебар и околината

Земјотрес синоќа во 23 часот и 37 минути ја погоди Албанија. Потресот бил со рихтерова магнитуда од 3,2 степени, на...

Македонија1 ден

Демири: Ќе разговарам со семејството на Леонид Индов за можните решенија за подмирување на досегашните трошоци за рехабилитација

Министерот за здравство д-р Илир Демири информира дека на денешната владина седница беше разгледан случајот на Леонид Индов и исто...

Македонија1 ден

Максим Димитриевски собра 10 000 потписи за кандидат за претседател

Градоначалникот на Куманово Максим Димитриевски собра 10 000 потписи за кандидат за претседател. „Над 10.000+ потписи за кандидат за Претседател!...

Македонија1 ден

Таравари влегува во трка за претседател, собра 10.000 потписи

Кандидатот на опозициските партии на Албанците, Арбен Таравари, е вториот од вкупно единаесетте кандидати кој досега успеа да ги собере...

Македонија2 дена

Македонските граѓани, сепак, ќе може да патуваат со личните карти со старото име во БиХ, информира Бојмацалиев

Дополнителниот заменик-министер за внатрешни работи, Митко Бојмацалиев, оствари телефонски разговор со министерот за безбедност на Босна и Херцеговина, Ненад Нешиќ,...

Македонија2 дена

ДНК собраа 690.000 денари за лекување на Лео со лицитацијата на статуетката од „Златна бубамара“

Музичарите Панчо и Андреј објавија дека успеале да соберат 690.000 денари за лекувањето на Леонид откога ја ставија на лицитација...

Македонија2 дена

ДИК потврди: Османи собра над 10 илјади потписи

Според последните податоци објавени на страната на Државната изборна комисија заклучно со вчерашниот ден, кандидатот на Демократската унија за интеграција,...

Македонија2 дена

(Видео) Јас можам да се туркам и на рацете: кочанчанец го продава својот инвалиден скутер, парите ќе ги намени за лекување на Лео

Кочаначанецот Благојчо Ѓоргиев реши да го проддаде својот скутер за хендикепирани и покрај здравствениот проблем, а парите, како што вели,...