Македонија
Викендов во Белград ќе се вакцинираат бизнисмени и нивни вработени од Македонија
![](https://makfax.com.mk/wp-content/uploads/2021/02/Vakcinacija.jpg)
Викендов во Белград ќе се организира вакцинација за бизнисмени и нивни вработени од Македонија, Босна и Херцеговина, Црна Гора и Албанија кои сакаат заштита од коронавирусот, изјави претседателот на Српската стопанска комора, Марко Кадез.
Како што е најавено, обезбедени се 10.000 вакцини.
„Само заедно можеме да ја победиме чумата. Ние сме еден регион, нашите економии се тесно поврзани и само заедно можеме да го победиме ова зло. ПКС досега организираше вакцинирање на голем број наши бизнисмени и работници, а сега сакаме да им помогнеме на нашите соседи да успеат да ги зачуваат своите економии, бидејќи само тогаш целиот регион може да оди напред“, рече Кадез, кој е и претседател на Управниот одбор на Коморскиот инвестициски форум на Западен Балкан.
Тој додава дека потребно е само компаниите од регионот да контактираат со нивните стопански комори, кои ќе организираат вакцинација во Белград во координација со Српската стопанска комора.
Во Србија изминатиов викенд се вакцинираа 105 медиумски работници, преку Македонската асоцијација на новинари (МАН), а Независниот синдикат на полицијата соопшти дека е во завршна фаза на преговори за обезбедување на количество на вакцини за своењто членство, истот така во Србија.
Во, меѓувреме сè уште се чека во земјава да пристигнат вакцините од „Астразенека“ и од „Синофарм“. Досега со скромни количини од руската вакцина „спутник В“ и американската „Фајзер“ се вакцинираа здравствените работници. Граѓаните се во беззизлезна ситуација, поради немање вакцини во нашата земја, па мораат да се снаоѓаат за да се вакцинираат во други земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Лефков со прашања до Филипче: Со какви туѓи перја се китиме црни Венко, со перјата за запалената модуларна? Со каква плата направи хациенда на Водно
![](https://makfax.com.mk/wp-content/uploads/2024/07/lefkov-filipce.jpg)
„Едно јавно прашање до претседателот на заробената СДСМ. Со кои перја се китиме црни Венко? Со тие ли перја со кои го продадовте името, а за возврат добивме блокада, или со тие кога бевте министер што донесовте смрт за илјадници во короната поради крахирањето на здравствениот систем кој вие го водевте. Или можеби со перјата за запалената модуларна болница за која и денеска не убедувате и нас и јавноста дека кабелот е крив“, истакна пратеникот и член на ИК на ВМРО-ДПМНЕ Миле Лефков одговарајќи на новинарско прашање.
Тој продолжи и додаде:
„За каква гордост зборите. За онаа со која Фрчковски не се знае како ги трошел парите од мисијата, или за онаа кога братот по криминал на Венко, Заев ја ставаше раката на срцето и го бараше семето изгубен низ времето. Кога Венко се фали дека СДС била мотор, треба да знае дека тие се далеку од било каков мотор, далеку и од пента, а не мотор на развој“, посочи Лефков.
Тој продолжи и упати прашање до Венко Филипче.
„И за крај Венко доста со високи политики, ајде малку прашање. Со каква плата ја направивте хациендата на Водно, а веднаш до тебе твојот директор на клинички?“, запраша Лефков.
Македонија
(Видео) Лефков: Филипче сакаше да ја остави државата без јавно здравство, а Фрчкоски трошеше пари без отчет
![](https://makfax.com.mk/wp-content/uploads/2024/07/Lefkov-jpg.jpg)
Грдото лице на власта на СДС и ДУИ се корумпираните функционери, кои уште продолжуваат да владеат со овие партии. Венко Филипче, кој го води СДС, и Љубомир Фрчкоски, кој нема отчет како ги трошел народните пари, се пример зошто СДС изгуби катастрофално, истакна на прес-конференција Миле Лефков, член на ИК на ВМРО-ДПМНЕ и пратеник.
Ако Љубомир Фрчкоски нема отчет како ги трошел парите на Мисијата, вели Лефков, Венко Филипче не сака воопшто да има потреба од давање отчет и има на план да го приватизира здравството во целост.
„Венко Филипче пред заминување од функцијата министер за здравство јавно рече дека размислува државата да не инвестира во здравствена инфраструктура и да не плаќа за неа, туку да плаќа само услуга.
Филипче јасно ѝ стави до знаење на јавноста дека сака да ги приватизира болниците и да не гради нови, туку тоа да го прават приватни фирми, а државата да им плаќа за лекување на пациентите.
Дали Филипче дојде на местото претседател на СДС со надеж некогаш во иднина да се обиде повторно да го реализира својот план и да ја остави државата без јавно здравство?“, прашува Лефков.
Додава дека по истиот принцип по кој се однесува Филипче се однесувал и Фрчкоски.
„Тоа е матрицата на СДС и грдото лице на власта на СДС и ДУИ.
Со СДС и ДУИ имаше помалку за народот и државата, а повеќе за мафијата. Тоа време заврши. Тоа време веќе не смее да се повтори“, потенцира пратеникот на ВМРО-ДПМНЕ.
Македонија
Меџити на средба со пензионерите говореше за двете фази од покачувањето на пензиите: првата почнува од септември
![](https://makfax.com.mk/wp-content/uploads/2024/07/izet-medziti-1.jpg)
Првиот вицепремиер и министер за животна средина и просторно планирање, Изет Меџити, заедно со министерот Фатмир Лимани, пратеникот Беким Сали и градоначалникот на општина Чаир, Висар Ганиу, се сретнаа со пензионерите за да ги информираат за зголемувањето на пензиите од 5.000 денари.
На средбата министерот Меџити говореше за двете фази од покачувањето на пензиите за кои Владата одлучи на 28 минатиот месец. Првата фаза од покачувањето на пензиите почнува од септември годинава, а зголемувањето од 2.500 денари продолжува во март в година.
Исто така, министерот Меџити им вети на пензионерите дека ова нема да биде сè, Владата континуирано ќе се заложи да работи за доброто на граѓаните.
„За разлика од претходната влада, оваа Влада ќе биде фокусирана на економијата бидејки основата за да се обезбеди развој и благосостојба на граѓаните е добра и стабилна економија“, рече министерот Меџити.
Подобрувањето на животниот стандард на пензионерите, и не само нивниот, е приоритет на Владата. Ова беше важен чекор за благосостојбата на пензионерите и за поддршка на куповната моќ во економијата, се наведува во соопштението.