Контакт

Македонија

Владата именува нови директори на јавни претпријатија и државни агенции

Објавено пред

Владата на седница донесе одлука за именување директори, в.д. директори и членови на Управни одбори на повеќе јавни претпријатија и акционерски друштва во сопственост на Владата на Северна Македонија.

„На овие одлуки им претходеше исцрпен процес на интервјуа и разговори за да се идентификуваат и прифатат соодветни кадровски предлози кои ќе ги исполнат критериумите и обврските што произлегуваат од усвоена владина програма, и кои се пред сѐ стручни и компетентни во областите за кои се именуваат“, соопштија од Владата.

Станува збор за еден дел именувани како „вршители на должност“, на позициите на кои претходните директори поднеле оставки, додека за еден дел јавни претпријатија и државни агенции не е извршено именување со оглед на фактот што на актуелните директори им тече тековниот мандат. За сите позиции за кои се назначени в.д. директори ќе следат огласи со цел избор на директори со целосен мандат.

Согласно ова образложение, Владата денеска ги донесе следните одлуки и заклучоци на Комисијата за именување:

Владата констатира дека на директорот на Агенцијата за филм Горјан Тозија му е завршен мандатот и донесе заклучок истиот да не биде продолжен, туку да биде објавен јавен оглас за именување нов директор.

За членови на УО на ЈП за стопанисување со објектите за спорт во сопственост на Република Северна Македонија Владата ги именува:

– Ветон Мурати (дипломиран економист),
– Владо Неданоски (дипломиран професор по спорт и физичко образование, м-р по безбедносни науки),
– Никола Рилак (дипломиран информатичар),
– Зоран Саздовски (педагошки факултет)

Со изборот на членови на УО на ЈП за стопанисување со објектите за спорт во сопственост на Република Северна Македонија, Владата заклучи да им препорача на членовите да поведат постапка за разрешување на актуелниот директор Шпенд Хајредини, заради индиции за сериозни нарушувања на повеќе одредби од Кодексот за етичко однесување како и заради постапки кои укажуваат на надминување на надлежностите предвидени со Законот за јавни претпријатија.

Владата донесе одлука да му предложи на УО на Јавното претпријатие за стопанисување со пасишта да го разреши актуелниот директор Љујзим Фејзулаи заради неисполнети обврски од програмата за работа и заради слаби резултати и на негово место да го именува Нефрус Челику.

Владата ја констатираше оставката на Иљми Селами од должноста член на Одборот на директори на АД Водостопанство на Република Северна Македонија, во државна сопственост, а за член на Одборот на директори на АД Водостопанство на Република Северна Македонија да го избере Васко Стефанов (дипломиран инженер по индустриска логистика и магистрант на Факултетот за Природни и Технички Науки).

За членови на Советот за соработка со и развој на граѓанскиот сектор, на предлог на организациите регистрирани согласно Законот за здруженија и фондации, Владата ги именуваше:

– Наташа Бошкова за областа „Заштита на маргинализираните лица“ од Коалицијата сексуални и здравствени права на маргинализирани заедници Маргини Скопје, и
– Снежана Трпевска за областа „Медиуми и информатичко општество“ од Здружението на новинарите на Македонија Скопје

Владата го именуваше Марјан Кицев за член на Управниот одбор на Фондот на пензиското и инвалидското осигурување на Република Северна Македонија, како претставник од репрезентативниот синдикат член на Економско социјалниот совет.

Маја Аргировска, е разрешена од должноста член на Комисијата за одлучување по барањата за зголемување на формираната цена на лек, и на нејзино место ја именуваше Аница Иваноска Стрезовски.

Со одлука на Владата, Слободанка Колевска е разрешена од должноста член на УО на ЈЗУ Општа болница – Струга, на нејзино барање, а за член на нејзино место е именуван Мартин Џутески.

Од должноста в.д. директор на Агенција за странски инвестиции и промоција на извозот на Република Северна Македонија, денеска е разрешен Арбен Виља, а Дејан Павлески (дипломиран инженер по електротехника), е именуван за в.д. директор на оваа Агенција.

Од должноста член на Управниот одбор на Фондот за иновации и технолошки развој денеска е разрешен Александар Стефановски и поради истек на мандатот на претседателот и 5-те членови на Управниот одбор, за членови Владата ги именуваше:

– Моника Јованова (дипломиран преведувач и толкувач од албански на македонски јазик и обратно), за период од три години;
– Пиштар Љутфиу (м-р од областа на политичките науки), за период од три години;
– Калина Лечевска (доктор на социолошки науки), за период од три години;
– Бранко Ничота (дипломиран Инженер по електротехника), за период од три години;
– Димитрија Анѓелковски, за период од две години;
– Синиша Вељановски (дипломиран правник и м-р по меѓународно право и меѓународни односи со положен правосуден испит) за период од две години; и
– Дритон Зибери, за период од две години.

Владата денеска ја разреши од должноста Славица Тодорова, директор на Управата за развој и унапредување на образованието на јазиците на припадниците на заедниците, орган во состав на Министерството за политички систем и односи меѓу заедниците и го назначи Милутин Станчиќ, професор по македонска и јужнословенска книжевност и српски јазик на Филолошкиот Факултет во Скопје за директор на оваа Управа.

На оваа седница Измит Нура е разрешен од должноста заменик директор на Агенцијата за млади и спорт и за заменик директор е именуван Авни Рустеми.

Аљајдин Хавзиу, е разрешен од должноста директор на Државниот инспекторат за труд и на таа позиција е именувана Јована Тренчевска, дипломиран социолог и м-р по социолошки науки.

Од должноста членови на Управен одбор – претставници на основачот на ДРЖАВЕН УЧЕНИЧКИ ДОМ „КРСТЕ П. МИСИРКОВ“ Владата ги разреши Ангелчо Петков и Косте Бојков, а за членови и ги именуваше Ефремчо Николов, Душанка Трајковска и Павле Лукоски.

Владата ја прифати оставката на Билјана Јовановска, и ја разреши од должноста директор на Агенцијата за вработување на Република Северна Македонија Скопје, на нејзино барање и го именуваше Абдуш Демири, дипломиран економист за директор на Агенцијата.

Владата ја прифати оставката на Сафет Емрули, и го разреши од должноста директор на Државниот завод за индустриска сопственост, на негово барање и го именуваше Горан Герасимовски, дипломиран социолог и м-р по менаџмент на човечки ресурси за в.д. директор на Државниот завод за индустриска сопственост.

Владата ја прифати оставката на Осман Шукриу и го разреши од должноста заменик на директорот на Агенција за иселеништво на Република Северна Македонија, на негово барање и го именуваше Измит Нура за заменик на директорот на Агенција за иселеништво.

На денешната седница Фејзула Спахија е разрешен од должноста директор на Државниот инспекторат за животна средина и на оваа должност е именувана – Ана Петровска.

Авдуљ Селам Селами е разрешен од должноста заменик на директорот на Агенција за финансиска поддршка во земјоделството и руралниот развој.

Ремзи Абдулахи е разрешен од должноста заменик – директор на Управата за јавни приходи.

Владата го разреши Анте Поповски од должноста в.д. директор на Агенција за квалитет и акредитација на здравствените установи, и ја именуваше Калтрина Беќири, доктор на стоматологија за вршител на должност директор на Агенција за квалитет и акредитација на здравствените установи.

Владата денеска го именуваше Авдуљ Селам Селами, дипломиран правник за вршител на должност заменик на директорот на Управата за јавни приходи, а Ремзи Абдулахи, дипломиран правник за вршител на должност заменик на директорот на Агенција за финансиска поддршка во земјоделството и руралниот развој.

Џезми Салиу е разрешен од должноста директор на Управата за животна средина, и на оваа позиција е именувам Хисен Џемаили, м-р по менаџмент на животна средина за вршител на должност директор на Управата.

Владата на Република Северна Македонија заклучи да му препорача на Надзорниот одбор на Акционерско друштво во државна сопственост за вршење на дејноста давање услуги во воздухопловната навигација (М – НАВ) АД Скопје, за член на Управниот одбор да го избере Фахрудин Хамиди (м-р по бизнис менаџмент).

Со заклучок од оваа седница на Надзорниот одбор на Железници на Република Северна Македонија Транспорт АД-Скопје му е препорачано, од должноста член на Управниот одбор на Железници на Република Северна Македонија Транспорт АД-Скопје да го отповика Орхан Муртезани, а за член да го избере Аднан Азизи (дипломиран на Филолошки факултет).

На денешната седница Блажена Пејовска, дипломиран градежен инженер, насока-транспортна инфраструктура, е именувана за член на Управниот одбор на Јавното претпријатие за државни патишта.

Македонија

ВМРО-ДПМНЕ најави блокади во Скопје и протести во 15 града

Објавено пред

Опозициската ВМРО-ДПМНЕ за утре најави блокади во Скопје и протести во 15 града на кои ќе бара оставка од премиерот Зоран Заев.

„Нема да дозволиме понижување и распродажба на државните и националните интереси и токму затоа сите заедно сплотени, во масовен број, ќе испратиме порака дека Зоран Заев и СДСМ мора да си заминат што побргу бидејќи на Македонија ѝ донесоа само порази и неуспеси“, велат од опозициската партија.

ВМРО-ДПМНЕ ги повикува граѓаните, утре, во 15 часот, да им се приклучат на блокадите пред Владата и Министерството за надворешни работи. Протести со почеток од 18 часот ќе се одржат и во Куманово, Македонска Каменица, Пробиштип, Делчево, Пехчево, Берово, Виница, Радовиш, Валандово, Дојран, Велес, Кавадарци, Прилеп, Битола и во Охрид.

Прикажи повеќе...

Македонија

Костадинов: ВМРО-ДПМНЕ лаже дека македонскиот јазик и идентитет се загрозени

Објавено пред

ВМРО-ДПМНЕ и во Собранието и надвор од него не прави ништо во интерес на граѓаните, напротив, само лаже и се однесува деструктивно, порача пратеникот на СДСМ, Костадин Костадинов, на денешната седница на Комисијата за финансирање и буџет во Собранието.

„Вашето однесување често потсетува на режим, на едно време кога овде во оваа сала се тепаа пратеници, само затоа што имале поинакво мислење од вашиот лидер“, порача Костадинов обраќајќи се кон пратениците од редовите на ВМРО-ДПМНЕ и додаде дека токму ВМРО-ДПМНЕ со неодговорното однесување го загрозува јавното здравје.

Костадинов посочи дека ВМРО-ДПМНЕ не направила ништо позитивно за државата, а за време на кризата предизвикана од коронавирусот постојано ги игнорира мерките и тера дневна политика со здравјето на граѓаните.

Во обраќањето Костадинов посочи дека навикната на времето на режимот, ВМРО-ДПМНЕ во Собранието се обидува да ја спречи слободата на говор за да не се види на дело нивното лицемерство кон граѓаните.

„Партијата ВМРО-ДПМНЕ 11 години се обидуваше на македонскиот народ да му инсталира поинаков идентитет од тоа што да инсталира антички идентитет и со тоа направи сериозни проблеми. Партијата што го смени името на улицата Бихаќска, каде што во ноември 1942 година е одржано Првото заседание на АВНОЈ, со што е потврдена сувереноста на македонскиот народ, сега глуми патриотизам. Партијата што се обиде да го забрани празнувањето на Февруаскиот поход сега глуми дека во нејзините редови се најголемите партизани. ВМРО-ДПМНЕ поставуваше споменици во вредност од една милијарда евра и немаше храброст да ги именува со вистинските имиња, а денес глуми патриотизам. ВМРО-ДПМНЕ денеска шири загриженост и шири хистерија дека е нарушен македонскиот идентитет, дека е загрозен македонскиот јазик. ВМРО-ДПМНЕ не прави ништо друго, освен што лаже“, порача Костадинов.

Прикажи повеќе...

Македонија

Владата го утврди предлог-законот за нов универзитетски клинички центар

Објавено пред

Владата на седница го утврди предлог-законот за реализација на проектот „Нов универзитетски клинички центар“.

Овој закон е по предлог на Министерството за здравство, а со него се уредуваат постапката и условите за реализација на проектот, односно изградба и ставање во употреба на комплексот на градби како градби од значење за Републиката.

Од Владата велат дека со предложените решенија ќе се овозможи унапредување на ефективноста и ефикасноста на терциерното здравство во земјата преку реализација на проектот „Нов универзитетски клинички центар“ и ќе се обезбеди континуитет во обезбедувањето висококвалитетни здравствени услуги за населението на целата држава.

„Предлог-законот опфаќа и реализација на дополнителни инфраструктурни услови за третман и сузбивање заразни болести и инфекции заради заштита на населението од заразни болести, оптимизација на времето, трошоците или другите ресурси, со цел ефикасна реализација на проектот ‘Нов универзитетски клинички центар’ преку посебни услови и постапки за доделување договори за јавна набавка на стоки, услуги и работи за потребите на проектот ‘Нов универзитетски клинички центар’, како и други прашања уредени со овој предлог-закон“, информираат од Владата.

Финансиските средства за реализација на овој болнички комплекс ќе се обезбедат од буџетот на Република Северна Македонија.

Прикажи повеќе...

Најново

Македонија12 часа

Регистрирани 1.069 новозаразени, 1.242 оздравени и 29 починати лица од коронавирус

Во последните 24 часа се направени 3.012 тестирања, а регистрирани се 1.069 нови случаи на Ковид-19, и тоа во: Скопје-489,...

Македонија12 часа

Починатите од Ковид-19 не мора да бидат погребани во затворен и залемен метален сандак

На денешната седница Владата го прифати заклучокот на Комисијата за заразни болести дека овластените оператори за погребални услуги се должни...

Македонија12 часа

Со посебни протоколи ќе се отворат скијачките центри

Владата го прифати мислењето на Комисијата за заразни болести дека скијачките центри може да работат во согласност со соодветен протокол,...

Македонија12 часа

Владата предлага продолжување на кризната состојба до јуни

Владата ќе достави до Собранието предлог за продолжување на кризната состојба до јуни в година. Владата на денешната седница го...

Топ14 часа

Украден паричник од покојник во ковид-центар во Скопје

Украден е паричник од маж што починал во ковид-центарот на комплексот клиники „Мајка Тереза“. Случајот вчера во полицијата го пријавил...

Македонија15 часа

Бучковски назначен за специјален претставник на Владата за Бугарија

Владо Бучковски е именуван за специјален претставник на македонската Влада за Бугарија. Поранешниот премиер е именуван на оваа позиција на...

Македонија16 часа

ЗНМ, ССНМ и СЕММ на средба со Филипче: Нема забрана за снимање, новинарите да продолжат непречено со својата работа

На барање на министерот за здравство, Венко Филипче, денеска се одржа состанок со претставници на Здружението на новинари на Македонија...

Македонија16 часа

(Видео) Мицкоски: Ова се моменти кога се одлучува за иднината на нашите деца и внуци

„Ова се моменти кога се одлучува за иднината на нашите деца и внуци и затоа навистина овој пат треба да...

Регион16 часа

Србија воведе нови мерки – угостителските објекти и продавниците ќе работат до 17 часот, за викенд ќе бидат затворени

Србија воведе нови мерки кои треба да бидат усвоени од Владата в четврток и да стапат на сила в петок....

Македонија17 часа

УКИМ: Обезвреднувањето на идеалите и на жртвите за посебна македонска држава би значело и поткопување на темелите на државата

Обезвреднувањето на идеалите и на жртвите за посебна македонска држава би значело и поткопување на темелите на државата, сметаат од Универзитетот...

Македонија18 часа

На инфективните одделенија во земјава се лекуваат 846 пациенти, слободни кревети има

Во изминатите 24 часа во ковид-центрите во болниците низ земјава е пријавено дека се лекуваат вкупно 846 пациенти позитивни и...

Македонија20 часа

Волонтерите од Воено-медицинскиот центар и студентите од шеста година се вклучија во работата на ковид-центрите

Лекарите и медицинските сестри од Воено-медицинскиот центар (ВМЦ) и студентите кои се на шеста година студии на Медицинскиот факултет во...

Регион20 часа

Катимерини: Спорот меѓу Скопје и Софија ќе се пренесе во НАТО

Инсистирањето на Бугарија да ги блокира разговорите за пристапување во Европската Унија со Северна Македонија ризикува да создаде уште една...

Македонија21 час

Почина заменик-градоначалникот на Скопје, Енвер Малиќи

Енвер Малиќи, заменик-градоначалникот на Град Скопје, починал денеска во болницата „Систина“, откако беше хоспитализиран поради низа здравствени проблеми, а беше...

Свет21 час

„Модерна“ бара од САД и ЕУ да ја одобрат нејзината вакцина

Фармацевтската компанија „Модерна“ побара од регулаторите на САД и Европа да ја дозволат употребата на нејзината вакцина против коронавирус. Компанијата...

Свет21 час

Азар: Првите вакцини против коронавирус во САД ќе стигнат пред Божиќ

Првите две вакцини против новиот коронавирус би можеле да им бидат достапни на Американците пред Божиќ, изјави американскиот министер за...

Свет22 часа

Си-ен-ен: Кина од почетокот криела податоци за коронавирусот, покажувала помали бројки

Си-ен-ен објави ексклузивни документи за кои наведува дека покажуваат значајни пропусти од страна на Кина на почетокот на епидемијата на...

Свет22 часа

Американски експерти: Ким е вакциниран против Ковид-19, вакцината му ја дала Кина

Кина му обезбедила експериментална вакцина против коронавирус на севернокорејскиот лидер Ким Џонг-ун и неговото семејство, тврди американскиот аналитичар Хери Казианис,...

Свет22 часа

САД: Осуден на смрт пред 20 години не може да биде погубен бидејќи нема инјекција

Судот во Јужна Каролина донесе одлука да се одложи извршување на смртната казна со вбризгување инјекција на осуденикот Ричард Бернард...

Македонија23 часа

Меркел: Северна Македонија се надеваме годинава да ги почне преговорите, Албанија ќе почека

Северна Македонија сè уште има шанси да ја одржи првата Меѓувладина конференција со ЕУ оваа година, во текот на германското...

Досие