Македонија
Владата ќе дели платежни картички на ранливите категории за да купуваат македонски производи
Владата воведува платежни картички, ваучери, како и парична помош за граѓаните кои се погодени од коронавирусот. Техничкиот премиер, Оливер Спасовски, посочи дека ова е директна поддршка за стопанството, но и социјално загрозените семејства, лицата кои ја изгубиле работата, младите. Прва од презентираните мерки, од третиот сет на Владата е платежната картичка со 9 илјади денари со кои може да се купуваат македонски производи.
„Воведуваме платежни картички за граѓаните, за поголема потрошувачка и за развој на домашните дејности. Како прво, околу 100 илјади граѓани на нашата земја ќе добијат платежна картичка вредна 9 илјади денари за македонски производи и услуги. Оваа мерка е достапна за сите невработени лица, баратели на работа, кои немаат над 15 илјади месечни приходи, како и приматели на гарантирана минимална помош. Со оваа мерка се зајакнува домашната потрошувачка, се зголемуваат безготовинските плаќања и се зголемува куповната моќ на граѓаните и се олеснува животот. Оваа платежна картичка може да се користи само за домашни компании, производи и услуги во период од 30 дена. Вредноста на оваа мерка е 16 милиони евра“, кажа Спасовски.
Во третиот сет мерки кои се усвоени се и ваучерите за поттикнување на домашниот туризам. Односно, Владата одлучила граѓантие да добијат 6 илјади денари за летување и платежна картичка од 3 илјади денари. Техничкиот премиер Спасовски ги кажа и условите.
„Околу 100 илјади наши граѓани, ќе добијат ваучер за домашен туризам од 6 илјади денари и домашна платежна картичка од 3 илјади денари. Граѓаните ќе можат да се одморат и да летуваат дома, а со тоа ќе го зајакнеме и домашниот туризам. Со оваа мерка се опфатени сите вработени граѓани што примаат нето плата помала од 15 илјади денари месечно и немаат други приходи во 2018 година според УЈП, по годишната даночна пријава, да потврдиме која година треба да биде тоа. Ваучерот може да се користи во домашните хотели и другите сместувачки капацитети, додека со платежната картичка поттикнуваме купување на домашни производи и услуги“, рече Спасовски.
За младите се предвидува парична поддршка од 6 илјади денари и картичка со 3 илјади денари за кофинансирање на обуки за информатички вештини.
„Следува мерката парична поддршка за млади до 6 илјади денари, платежна домшна картичка од 3 илјади денари и ваучери за кофинансирање за обуки за ИТ и дигитални вештини. Ова е силна поддршка за младите за да продолжи образовниот процес непречено и за да се обезбеди куповната моќ како придонес кон студентскиот и ученичкиот стандард. Мерката опфаќа ваучери од најмногу 6 илјади денари за покривање на партиципација на универзитет или за сместување во ученички домови во регистрирани капацитети, за студенти и средношколци кои домаѓаат од семејства со ниски приходи. Мерката вклучува и платежна картичка за млади во вредност од 3 илјади денари за домашните производи и услуги“, додаде Спасовски.
Владата едногласно одлучила да спонзорира и тренинзи и обуки на млади, со ваучери од 30 илјади денари.
„Воведуваме и ваучери од 30.000 денари за кофинансирање на обуки, тренинзи и курсеви за ИТ и дигитални вештини за млади. Со покривањето на трошоците за тренинзи и обуки, ги поддржуваме младите да стекнат знаење и вештини од информатичка технологија кои ќе им овозможат брзо вработување во новата развојна економија. Оваа мерка ќе опфати 100 илјади млади сограѓани, во вредност од 12 милиони евра“, соопшти техничкиот премиер.
Уште една од низата мерки во третиот сет и „викенд без ДДВ“, мерка, која ќе треба да донесе 20 милиони евра во стопанството.
„Воведуваме викенд без ДДВ за сите граѓани. Преку поевтини цени за граѓаните, поттикнуваме потрошувачка и раст на приходи во одредени продажни сектори како продавници за гардероба, бела техника, санитарија, школки прибор и книги. Очекуваме и дополнителен приход од 20 милиони евра кои ќе се слеат во македонското стопанство“, кажа Спасовски.
Помош е предвидена и за лицата кои останале без работа.
„Паричен надоместок за сите лица кои останале без работа од 11 март до 30 април 2020 година. Со оваа мерка сите лица кои ја изгубиле својата работа, вклучувајќи ги и оние кои го прекинале работниот однос преку спогодба или писмена изјава, ќе добиваат надоместок“, кажа тој.
За овие мерки, Владата предвидела 355 милиони евра.
„Сите три пакети за поддршка на економијата во својот фокус ги имаат граѓаните, нивните работни места, социјалната сигурност, солидарноста и креирањето амбиент за полесно надминување на економските последици од коронавирусот. Оваа определба ја задржавме и во третиот сет мерки, па така, нашето внимание е целосно насочено кон граѓаните, со нагласка на невработените лица, социјално ранливите категории, домаќинствата со ниски примања, вработените во јавниот здравствен сектор и граѓаните од други категории. Вредноста на мерките од третиот пакет изнесуваат 355 милиони евра и прек нив ќе бидат опфатени 730 илјади корисници. Со овој пакет, вкупната помош за економијата од трите сета на мерки изнесуваат 550 милиони евра или 5,5% од бруто домашниот производ“, кажа Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска-Давкова: Голем број документи, а сè повеќе кршења на човековите права
По повод Меѓународниот ден на човековите права, претседателката Гордана Сиљановска-Давкова се обрати на Свечената седница на Правниот факултет „Јустинијан Први“ во Скопје.
Таа укажа дека 10 декември е симбол на современата култура на човекови права, без чие почитување нема правна држава, ниту демократија.
За неа, парадоксален е расчекорот меѓу огромниот број правни документи и институции, од една страна, и алармантниот пораст на конфликти, бегалци и нови форми на прекршување на правата како дигитално надгледување и алгоритамска дискриминација до климатски неправди што директно го засегаат правото на живот, здравје и достоинство, од друга.
Според неа, климатската криза и современите војни ја разголуваат ранливоста и неефикасноста на меѓународниот правен систем и поредок.
Таа истакна дека Меѓународниот ден на човековите права не треба да биде само ден за комеморација, туку момент на соочување со тешките прашања како:
‒ Дали нашите институции гарантираат правичност, еднаквост и достоинство или само ги опишуваат и набројуваат?
‒ Дали нашето судство има сила да каже „не“ кога политиката вели „да“?
‒ Дали медиумите имаат простор да истражуваат корупција без страв?
‒ Дали ранливите групи се видливи во нашите политики?
„Човековите права се секогаш резултат на постојана и секојдневна борба, на институционална храброст и на граѓанска свест и совест. Секоја генерација мора одново да ги освојува, брани и толкува низ призма на современите предизвици“, заклучи таа.
На Свечената седница се обратија и проф. д-р Сашо Георгиевски, декан на Правниот факултет и Олег Солдатов, раководител на програмската канцеларија на Советот на Европа во Скопје.
Македонија
Градот Скопје обезбедува сопствен стан, шелтер центар за заштита на жртвите од родово базирано насилство
На денешната седница на Советот на град Скопје беше донесена одлука со која се отвора можност еден стан во сопственост на градот да се користи како безбеден, заштитен и привремен дом за жртвите на семејно и родово базирано насилство.
Овој простор ќе овозможи итен смештај, стручна поддршка, советување и целосна грижа сè до стабилизација на ситуацијата и изнаоѓање трајно решение.
„Ова е силна и јасна порака дека ниту една жена и ниту едно дете не смеат да останат сами во моментите кога им е најтешко. Градот Скопје создава безбедно место кое ќе биде подадена рака, засолниште и нов почеток“, изјави градоначалникот Орце Ѓорѓиевски.
Со воспоставувањето на првиот градски шелтер-центар, Скопје практично ги реализира приоритетните политики за заштита, поддршка и превенција од насилство. Оваа мерка претставува важен чекор напред во градењето на систем кој обезбедува сигурност, институционална грижа и достоинствено опоравување на жртвите.
„Градот мора да биде засолниште за сите свои граѓани, особено за најранливите. Затоа ова е само почеток. Ќе продолжиме да инвестираме во силни, функционални и хумани услуги, затоа што секоја спасена жена и секое заштитено дете е наша заедничка победа“, додаде градоначалникот Ѓорѓиевски.
Градот веќе ги подготви сите неопходни услови за објава на јавниот повик, кој ќе биде наменет за организација со докажано искуство и специјализирани услуги во областа на социјалната заштита и поддршка.
Со ова започнуваме нова фаза на одговорно, транспарентно и човечно работење, со цел изградба на град во кој насилството нема место, а поддршката е достапна за секој што ја бара.
Македонија
Тошковски во Брисел: Македонија ја потврдува посветеноста во борбата против криумчарењето мигранти
Министерот за внатрешни работи Панче Тошковски денеска во Брисел учествуваше на Втората меѓународна конференција на Глобалната алијанса за борба против криумчарењето мигранти – значаен светски форум кој ги обединува партнерите во справувањето со еден од најсериозните транснационални безбедносни предизвици.
Во име на Македонија, министерот Тошковски ја поддржа Заедничката декларација на Алијансата, со што државата уште еднаш ја потврдува својата цврста посветеност на засилената превенција и поефикасен институционален одговор на криумчарењето мигранти. Ова претставува важна потврда за улогата на Македонија како активен и доверлив партнер во глобалните напори за борба против организираниот криминал.
Во рамки на конференцијата, министерот Тошковски оствари билатерална средба со Европскиот комесар за внатрешни работи и миграција, Магнус Брунер. Разговорите беа фокусирани на процесот на европска интеграција на Македонија, како и на важноста од координирани европски политики во делот на управувањето со границите.
На маргините на конференцијата министерот Тошковски се сретна и со Сузане Раб, новоизбраната генерален директор на Меѓународниот центар за развој на миграциска политика (ICMPD), со која разговараше за актуелните миграциски предизвици и можностите за продлабочување на идната соработка.
Министерот оствари и средба со министерот за внатрешни работи и контрола на наркотици на Пакистан, Мохсин Раза Накви. На средбата беше разговарано за зајакнување на билатералната безбедносна соработка, која во наредниот период треба да се формализира преку потпишување на Меморандум за разбирање помеѓу двете министерства.
Учеството на Македонија во работата на Глобалната алијанса за борба против криумчарењето мигранти уште еднаш ја нагласува улогата на државата како активен и кредибилен партнер кој придонесува кон европската и глобалната безбедност.
Градот Скопје обезбедува сопствен стан, шелтер центар за заштита на жртвите од родово базирано насилство
На денешната седница на Советот на град Скопје беше донесена одлука со која се отвора можност еден стан во сопственост...
Зеленски: Го финализираме мировниот документ што наскоро ќе им го претставиме на Американците
Претседателот на Украона, Володимир Зеленски вели дека земјата го финализира мировниот документ од 20 точки и ќе го претстави на...
Пазарот на недвижности расте – Аеродром со најмногу склучени купопродажби во првата половина од годината
Пазарот на недвижности во земјава во првите шест месеци од оваа година бележи зголемена динамика, а гледано на територијата низ...
Скопјанец го онесвестил брата си со дрвена ногарка по глава и си легнал да спие, ОЈО го гони за обид за убиство
Скопското Обвинителство, по спроведена истражна постапка, поднесе обвинение против едно лице, за обид за убиство врз неговиот брат. Обвинетиот 37-годишник,...
Уапсени 12 лица од Скопје, купувале оружје и муниција од Косово, го криеле во Сингелиќ и Брест
По неколкумесечна предистражна постапка, денес во раните утрински часови, под раководство на јавен обвинител од Основното јавно обвинителство за гонење...
ДЗС не е детективска служба да открива нелегални објекти, ги има околу 100.000, рече Шабан Салиу и тврди дека немал ништо со „Пулс“
Актуелниот министер без ресор, Шабан Салиу, обвинет за трагедијата во кочански „Пулс“ како директор на Дирекцијата за заштита и спасување...
Тројца бугарски државјани осомничени за неовластена трговија со македонски народни носии
Основното јавно обвинителство Битола отвори против тројца бугарски државјани, жители на Пловдив, поради основано сомнение дека вршеле кривично дело неовластена...
(Видео) Мицкоски: Ќе се повлечам од политиката ако Филипче најде и еден мигрант, во спротивно да се извини јавно
„Граѓаните треба да знаат каква е состојбата, СДСМ нема тема, притисокот е голем за Венко Филипче однатре и однадвор да...
Kривична пријава против Оливер Спасовски: како министер за внатрешни работи ги злоупотребил положбата и овластувањата
Вчера, Одделот за сузбивање организиран и сериозен криминал до ОЈО Скопје поднесе кривична пријава против О. С. (49) од Куманово...
(Видео) Филипче: Мицкоски за пари прифаќа мигранти, нема да има шатори, но ќе има социјални станови
Претседателот на Социјалдемократскиот сојуз на Македонија, Венко Филипче, на денешната прес-конференција повторно рече дека е повеќе од очигледно дека постои...
Кривична против директорка на градинка во Кочани: вработила негувател без лиценца
ОВР Кочани поднесе кривична пријава против 51-годишната Ј.Е. од Кочани поради постоење основи на сомнение за сторено кривично дело „злоупотреба...
Одбраната на министерот Шабан Салиу, обвинет како поранешен директор на ДЗС, ќе даде воведни зборови, ново судење за „Пулс“
Судењето за пожарот во кочанската дискотека „Пулс“, каде што загинаа 63 лица, а над 200 беа повредени, продолжува денес во...
Уште 10 дена за аплицирање за ваучери за ИТ-уреди, известува Министерството за дигитална трансформација
Министерството за дигитална трансформација известува дека остануваат уште 10 дена за аплицирање за студентски ваучери. Досега се доделени вкупно 42.606...
„Европа го подготвува својот крај“: турски аналитичар предупредува на погрешни стратешки процени од Брисел
Политиката на Брисел за „исцрпување“ на Русија не само што не ги даде очекуваните резултати, туку, доколку продолжи, може да...
ЕУ се согласи да ги намали емисиите за 90 отсто до 2040 година
Европската Унија постигна правно обврзувачки договор за климата со кој емисиите на стакленички гасови ќе се намалат за 90 проценти...
Вучиќ сака Западен Балкан заедно да влезе во ЕУ; Црногорскиот премиер: Ќе ве чекаме таму
Премиерот на Црна Гора, Милојко Спајиќ, изрази делумна согласност со предлогот на српскиот претседател целиот Западен Балкан да се приклучи...
Шефот на украинската армија: Држиме дел од Покровск, но моравме да повлечеме дел од војската
Украинските трупи држат делови од опколениот град Покровск од средината на ноември, но на некои единици им е наредено да...
Папата го критикува Трамп за коментарите за Европа
Папата Лав вчера по средбата со украинскиот претседател Володимир Зеленски им изјави на новинарите дека Европа мора да игра централна...
(Видео) Владата го усвои предлогот за разрешување на јавниот обвинител Коцевски, соопшти Митева
На денешната редовна 134 владина седница беше усвоен предлогот за разрешување на Љупчо Коцевски од функцијата јавен обвинител со што...
Премиерот слушна, но не сака да зборува за барањето за обесштетување за трагедијата во Кочани: Не би сакал за тоа да коментирам
Премиерот Христијан Мицкоски седнат во првиот ред во Собранието денес ги слушна барањата на родителите на загинатите и повредените во...
